Biyɛ́ɛ́léné 7:15 - Esaa-líat ɛ́ péná

¹⁵ Ányúū náŋ nɛ́ bí tɛ́ɛ́ ɔ́sū ví étɔɓé-líkanʼyɛ yé Ɔlolómɛ̄, á lí ɓɔŋle lí nyɛ esaa púán díɓe la nzámuh átē a ndáá-ēcɛ́ŋ-Ɔlolómɛ̄ yɛ́ɛ̄. Ndí nyɔ́ a tɔɔ́ á étɔɓé-líkanʼyɛ, ag kɛ ɓɔ́ lí bútyɛ á líndūm jɛ́ɛ́.

Biyɛ́ɛ́léné 7:15 ပူးပေါင်းရင်းမြစ်များ

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Elōg-Kɔlínto 1 3:16

Ɓaá, miní ŋgá yí ɓé nɛ nyúū yāná ɛ lɛ̄ ndáá-ēcɛ́ŋ-Ɔlolómɛ̄ é? La ki nɛ́ M̀búl á Ɔ́lolómɛ̄ á tɔ́ɔ á átē wāná é?

Elōg-Kɔlínto 2 6:16

Ɓaá yéé ndáá-ēcɛ́ŋ-Ɔlolómɛ̄ la bisát bí byɛ́ɛ̄ élɔŋ é? Á mbálɛ, ɓɛ́hɛ bi lɛ ndáá-ēcɛ́ŋ-Ɔlolómɛ̄, Loó lí éniŋ ákaa nyɛ́-mɛ̄n a ŋga pɔ́t nɛ́: «Mag kɛ li tɔɔ á póla yaɓá, mi wɛ́ɛ́ ki la ɓɔ́, mag kɛ li ɓɛ́ lí Lōó jáɓá, ɓɔ́g bí ɓɛ́ lilóm jáma.»

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Elōg-Hébɛl 8:1

Taŋ jam á mam mísɛ ɓaá laga ɓɛ́nɛ ɛ lɛ̄ nɛ́, bi byɛ́ɛ̄ nyíŋ nyaa ǹtíi-nsúlé ǹcɛ́ŋ, nyɔ́ a tɔɔ́ á lóō, á m̀ɓɛ́nlómɛ a etɔɓé-líkanʼyɛ yé Nyɔlɛ a Ŋguu-Mísɛ.

Biyɛ́ɛ́léné 11:19

Ɛnɛ́ ndáá-ēcɛ́ŋ-Ɔlolómɛ̄ nyí ɛ lɛ á lóō ya léglan la ŋkúú á ésaa-líat wú ɛ́ni múŋ á nyíŋ ndáá-ēcɛ́ŋ-Ɔlolómɛ̄; váŋ nɛ́ lóō lá mwɛg, cíŋ yú lón, mbambat yú ɓām, sí yu póghan la mitámŋga mú ɓɛ́hán ŋgándag.

Biyɛ́ɛ́léné 13:6

Váŋ nɛ́ tít ya ɓágá ányu, yu vɔ́ɔ́lé Ɔlolómɛ̄, yu vɔ́ɔ́lé jóō jɛ́ɛ́, yu vɔ́ɔ́lé líndūm lipúán ápah Ɔlolómɛ̄ a lɛ, la ɓáŋ bísɛ bí ŋga tɔ́ɓene wóŋ a lóō.

Biyɛ́ɛ́léné 20:10

La ǹsɔhɔ, ŋ̀yɛ́ɛ ɓɔ́ ɔ lɛ̄ŋgɓɛ́ á ébúle yé nzáan la yé nzuhú ápah tít ɛ lɛ la ɓapɔ́tle-bí-Ɔ́lolómɛ̄ bí mínaa. Bíg kɛ li taka ŋgandag, díɓe la nzámuh á éɓem la á éɓem.

Biyɛ́ɛ́léné 21:22

Ndí, máh ɛ́n ɓé ma líndūm lí Ɔlolómɛ̄ múŋ á nyíŋ tísɔn, átɔm nɛ́ Nyɔ́ŋ-Ɛsáŋɛ́, Ɔlolómɛ̄ a Ŋguu-mísɛ la mɔɔ́n ntómbɛ́ nɛ bí lɛ́ líndūm lí Ɔlolómɛ̄.

Biyɛ́ɛ́léné 22:3

Eɓómá ɛ́ ŋgá kɛ ɓé pɛ li ɓɛ́. Etɔɓé-líkanʼyɛ yé Ɔ́lolómɛ̄ la mɔɔ́n ntómbɛ́ ɛ́g ɓɛ́ á tísɔn, ɓaɓɔŋle ɓɛ́ɛ́ ɓɔ́g bíg kɛ nyɛ́ lí ɓɔŋle lí esaa epúán.

Biyɛ́ɛ́léné 22:5

Díɓe lí ŋgá ɓɛ́ ɓé pɛ, mut tɔ wa a ŋgá ɓɛ́la ɓé pɛ kóó mipúú mí étūlkáŋ tɔ mipúú mí vaŋgá, átɔm nɛ́ Ɛtáŋɛ Ɔlolómɛ̄, ag kɛ ɓɔ́ lí paayɛ la mipúú mɛ́ɛ́, la ɓɔ́ bí tɔɔ la nyɛ́ á éɓem la á éɓem.

Biyɛ́ɛ́léné 4:4

Muúmɓáa mí bítɔɓé-bí-líkanʼyɛ la bínáa mú díí yéŋ etɔɓé-líkanʼyɛ; muúmɓáa mí ɓácɛ̄ŋ bí ékombo-lóō la bínáa ki mí tɔ́ɔ̄ á bíŋ bitɔɓé-bí-líkanʼyɛ, bí ɓɛ́ɛ́ bí jáhɛ bipúpúɛ bí mbɔ́tí, bí jáhɛ ki atot á góol á mímú máɓá.

Biyɛ́ɛ́léné 4:8

Bíŋ biveglé bínáa bí ɓɛ́ɛ́la yá sig mipaa mísáama, mí mí byɛ́ɛ̄ miíh á lóō la á sí. Bí ŋgí tɔmb ɓé lí lɛgɛ díɓe la nzámuh nɛ́: «Mpúán, mpúán, ɔ lɛ mpúán! Wa Nyɔ́ŋ-Ɛsáŋɛ́, Ɔlolómɛ̄ a Ŋguu-Mísɛ, nyɔ́ a ɓɛ́ɛ́, nyɔ́ a lɛ la nyɔ́ a ŋga sɔ́!»

Biyɛ́ɛ́léné 4:9

Eceg sig bíŋ biveglé bí ŋgí tíi nyɔ́ a tɔɔ́ á étɔɓé-líkanʼyɛ, a ŋga nīŋ á éɓem la á éɓem lipém, bíg ŋgí ɓégɛ nyɛ́ la lí tíi lí nyɛ mítamlan.

Biyɛ́ɛ́léné 7:9

Ámbúh náŋ, ma Yohánɛs mu ɛ́n, édila ɛ́ ɓot yé mut tɔ wa a ŋgí yí ɓé táŋga. Yéŋ edila ɛ́ ɓot ɛ́ ɓɛ́ɛ́la ɓot bí bíkombo bísɛ, milóm mísɛ, milómɛ mísɛ la mipɔ́t mísɛ. Ɓáŋ ɓot bí ɓɛ́ɛ́ bí tɛ́ɛ ɔ́sū ví étɔɓé-líkanʼyɛ la ɔ́sū ví mɔɔ́n ntómbɛ́, bí jáhɛ bipúpúɛ bí mbɔ́tí, bú ɓɛ́la ki mitaa á mɔ.