Biyɛ́ɛ́léné 7:11 - Esaa-líat ɛ́ péná

¹¹ Áŋgɛl ɛ́sɛ yú díí étɔɓé-líkanʼyɛ, ɓáŋ ɓacɛ́ŋ bí ékombo-lóō, la bíŋ biveglé bínáa, bú úm míɓɔ̄ŋ, mbɔm ɛ́g cág sí, ɔ́sū ví étɔɓé-líkanʼyɛ á lí ɓégɛ lí Ɔlolómɛ̄.

Biyɛ́ɛ́léné 7:11 ပူးပေါင်းရင်းမြစ်များ

Matéus 4:10

Váŋ nɛ́ Yésus a tímānɛ̄ nyɛ̄ nɛ́: «Ɓagɓán ma á mbɔm á Sátan! Átɔm nɛ́ yá ciiɓɛ́ nɛ: ‹Ɔg kɛ ja lí ɓégɛ lí Nyɔ́ŋ-Ɛsáŋɛ́ Loó jɔ́ɔ nyɛ́-ntámɛ́, nyɛ́-ntámɛ́ kí nɛ́ ɔ ŋgɔ kɛ́ li ɓɔŋle›.»

Yohánɛs 5:23

á lí ɓɔŋ nɛ́ ɓot bísɛ bí ditɛ́ Mɔɔ́n kaa bí ŋga dítɛ Ɛsáŋɛ́. Tɔ nzáá a ŋgá ditɛ ɓé Mɔɔ́n, a ŋgá ditɛ ɓé tɔ ki Ɛsáŋɛ́ nyɔ́ a óm nyɛ.

Elōg-Hébɛl 1:6

Ndí, eceg Ɔlolómɛ̄ a ŋgí nyɛɛ li óm lí Mɔ́ɔ̄n wɛ́ɛ̄ á ŋkɔŋ-á-sí, ǹdúgu li byáa á póla biveglé bísɛ, a lagléé nɛ́: «Áŋgɛl yí Ɔ́lolómɛ̄ ɛ́sɛ yá nyɛɛ́ lí úlɓán ɔ́su vɛ́ɛ́.»

Biyɛ́ɛ́léné 11:16

Mí muúmɓáa mí ɓácɛ̄ŋ bí ékombo-lóō la bínáa bí ɓɛ́ɛ́ á bitɔɓé-bí-líkanʼyɛ byáɓá á ɔsú ví Ɔlolómɛ̄, bú úm míɓɔ̄ŋ, mbɔm ɛ́g cág á sí bú ɓégɛ́ Ɔlolómɛ̄

Biyɛ́ɛ́léné 15:4

Ɛtáŋɛ, nzáá a ŋgá kɔn ɓé wa woŋ é? Nzáá a ŋgá ɓégɛ ɓé jóō jɔ́ɔ é? Ányúū nɛ wā-ntámɛ́ nɛ ɔ lɛ Mpúán. Bikombo bísɛ bíg kɛ li sɔ́, la byɔ́ bí úm míɓɔ̄ŋ ɔ́sū vɔ́ɔ, ányúū nɛ mam mí m̀ɓɛɛŋ wa ɓɔ̄ŋ mí lɛ́ mbálɛ.»

Biyɛ́ɛ́léné 22:9

Ndí, áŋgɛl yu yó ma nɛ́: «Nyɔ̄ŋ lítāt, ɔh ɓɔŋɔ́g ɓé naŋ! Mág mi lɛ ja m̀ɓɔŋle á nlemlem á nsɔ́n ákaa wa, ákaa yéŋé élōgɛ́sɔ̄ŋ yé ɛ́ lɛ́ ɓápɔ́tle-bí-Ɔ́lolómɛ̄, ákaa ɓá bísɛ bí ŋga náŋɛ biɓaŋgá byá ciiɓɛ́ á nyí kálati. Ɔlolómɛ̄ nɛ wa nyɛ́ɛ lí ɓégɛ.»

Biyɛ́ɛ́léné 4:10

Míŋ muúmɓáa mí ɓácɛ̄ŋ bí ékombo-lóō la bínáa mí ŋgí úm míɓɔ̄ŋ ɔ́sū ví nyɔ́ a tɔɔ́ á étɔɓé-líkanʼyɛ; má ɓégɛ ki nyɔ́ a lɛ á éniŋ á éɓem la á éɓem míg lɛŋgɛ átot wáɓá ɔ́sū ví étɔɓé-líkanʼyɛ, la li laga nɛ́:

Biyɛ́ɛ́léné 4:4

Muúmɓáa mí bítɔɓé-bí-líkanʼyɛ la bínáa mú díí yéŋ etɔɓé-líkanʼyɛ; muúmɓáa mí ɓácɛ̄ŋ bí ékombo-lóō la bínáa ki mí tɔ́ɔ̄ á bíŋ bitɔɓé-bí-líkanʼyɛ, bí ɓɛ́ɛ́ bí jáhɛ bipúpúɛ bí mbɔ́tí, bí jáhɛ ki atot á góol á mímú máɓá.

Biyɛ́ɛ́léné 4:6

Ɔsú ví étɔɓé-líkanʼyɛ ví ɓɛ́ɛ́ ákaa bipúpúɛ bí mindím, mí ŋga púnan la elembán, nɛ kí ɔ tɛ́ɛ́ á yé epah ɔg ɛ́n yéŋé. Biveglé bínáa bí byɛ́ɛ̄ miíh ŋgandag ɔ́sū la á mbúh bí ɓɛ́ɛ́ á m̀mím la á míŋgwáāg mí yéŋ etɔɓé-líkanʼyɛ.

Biyɛ́ɛ́léné 4:8

Bíŋ biveglé bínáa bí ɓɛ́ɛ́la yá sig mipaa mísáama, mí mí byɛ́ɛ̄ miíh á lóō la á sí. Bí ŋgí tɔmb ɓé lí lɛgɛ díɓe la nzámuh nɛ́: «Mpúán, mpúán, ɔ lɛ mpúán! Wa Nyɔ́ŋ-Ɛsáŋɛ́, Ɔlolómɛ̄ a Ŋguu-Mísɛ, nyɔ́ a ɓɛ́ɛ́, nyɔ́ a lɛ la nyɔ́ a ŋga sɔ́!»