Biyɛ́ɛ́léné 5:6 - Esaa-líat ɛ́ péná

⁶ Váŋ nɛ́ ma ɛ́n hɔ́, mɔɔ́n ntómbɛ́ nyɔ́ a ɓɛ́ɛ́ ɔ́ŋgɛn ɓá sɛ́m líbīt á lí tíi á nsúlé, á tɛ́ɛ́ á m̀mím á étɔɓé-líkanʼyɛ, á póla biveglé bínáa, lá a m̀mím á éti ɓacɛ́ŋ bí ékombo-lóō. A ɓɛ́ɛ́la míɓēg nzambúwá la miíh nzambúwá mí mí lɛ́ mímbūl nzambúwá mí Ɔ́lolómɛ̄, mí a ómóó á ŋkɔŋ-á-sí ásɛ.

Biyɛ́ɛ́léné 5:6 ပူးပေါင်းရင်းမြစ်များ

Lúkas 1:69

A pámhɛ́nɛ́ ɓɛ́hɛ ǹsuŋ ǹcɛ́ŋ á ndáá-m̀biya á Dávid m̀ɓɔŋle wɛɛ́.

Yohánɛs 1:29

Ámbúh víŋ ɔlɔ́, ɛnɛ́ Yohánɛs a ɛ́n Yésus ag siŋgle nyɛ́ ɓɛɓɛ, ɔ lága nɛ: «Nyɔ́ nɛ́ a lɛ mɔɔ́n ntómbɛ́ á Ɔlolómɛ̄ a ŋga ɓógtɛ aɓé á ŋkɔŋ-á-sí

Yohánɛs 1:36

Ɔ tíg lí légɓe lí Yésus ag wɛ́ɛ ɔ laga nɛ́: «Nyɔ́ nɛ́ a lɛ mɔɔ́n ntómbɛ́ a Ɔlolómɛ̄.»

Misɔ́n mí Ɓáōmɓɛ 8:32

Epah ɛ́ kálati a ŋgí sɔ́ŋgɔ yɔ́ yē nɛ́: «Kaa ntómbɛ́ bí ŋga kɛ́ li sɛ́m lí cíŋ, kaa mɔɔ́n ntómbɛ́ a tɔɔ́ pií ɔ́sū ví mut a ŋga sɛ́nd nyɛ́ voŋ, náŋ nɛ̄ nyɛ́g a ŋgá kɛ ɓé lí áha lí ányu.

Biyɛ́ɛ́léné 1:4

Ma Yohánɛs, mag ciile Biɓasɛ nzambúwá bí épah yé Ásia nɛ́: «Mikaale la nsaŋ byá tíéɓɛ́ ɓɛ́nɛ la Ɔlolómɛ̄ nyɔ́ a ɓɛ́ɛ́, nyɔ́ a lɛ la nyɔ́ a ŋga kɛ́ li sɔ́, byá tíéɓɛ́ ki ɓɛ́nɛ la mimbúl mɛ́ɛ́ nzambúwá mi lɛ́ ɔ́sū ví étɔɓé-líkanʼyɛ yɛ́ɛ́,

Biyɛ́ɛ́léné 12:11

Ndí, elōgétāŋ yáhá, yá dí nyɛ cíŋ, li loole la micii mí mɔɔ́n ntómbɛ́ la mbóŋ nyí eɓaŋgá Ɔ́lolómɛ̄ ɓá tíi. Ɓáh kɔn ɓé woŋ li tíi lí éniŋ yáɓá á nyɛmb.

Biyɛ́ɛ́léné 13:8

Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.

Biyɛ́ɛ́léné 14:1

La ma Yohánɛs mu ɛ́n, mɔɔ́n ntómbɛ́ a tɛ́ɛ á ɔ́kolá vícɛ̄ŋ ví Síon, elɔŋ la yé eɓógo ákōō la muúmínáa la ánáa yé ɓot. Mut sig múŋ á yéŋ elɔŋ a ɓɛ́ɛ́la joó lí mɔɔ́n ntómbɛ́ la jé lí Ɛsáŋɛ́ nciíg á mbɔm.

Biyɛ́ɛ́léné 17:14

Ɛ́g kɛ li duhɛ lí mɔɔ́n ntómbɛ́, ndí mɔɔ́n ntómbɛ́ ag kɛ yɔ́ dí lí cíŋ, átɔm nɛ́ a lɛ Nyɔ́ŋ-Ɛsáŋɛ́ a ɓásāŋɛ́ bísɛ, ɔ ɓɛ́ ki Káísa nyí káísa ɛ́sɛ, ɓot ɓá yáŋlɛ, ɓá ɓá pɔ̄hlɛ la ɓá bí byɛ́ɛ̄ ékɔ̄ɔ̄-m̀mím la nyɛ́, ɓɔ́g bíg kɛ li dí lí cíŋ.»

Biyɛ́ɛ́léné 21:22

Ndí, máh ɛ́n ɓé ma líndūm lí Ɔlolómɛ̄ múŋ á nyíŋ tísɔn, átɔm nɛ́ Nyɔ́ŋ-Ɛsáŋɛ́, Ɔlolómɛ̄ a Ŋguu-mísɛ la mɔɔ́n ntómbɛ́ nɛ bí lɛ́ líndūm lí Ɔlolómɛ̄.

Biyɛ́ɛ́léné 21:23

Nyíŋ tísɔn ɛh ɓɛ́ɛ́la ɓé kóó la mipúú mí vaŋgá tɔ la mí mí sóŋ nɛ mí páayɛ́ yɔ, ányúū nɛ, lipém lí Ɔlolómɛ̄ líg paayɛ yɔ, mɔɔ́n ntómbɛ́ ki ɔ ɓɛ́ etúlkáŋ yɛ́ɛ́.

Biyɛ́ɛ́léné 22:1

Ámbúh náŋ, áŋgɛl yu étɛ́ ma Yohánɛs lɔm lí míndīm mí éniŋ, mí ŋga páa ákaa elembán. Míŋ mindím míg pámléne á étɔɓé-líkanʼyɛ yé Ɔ́lolómɛ̄ la yé mɔ́ɔ̄n ntómbɛ́.

Biyɛ́ɛ́léné 22:3

Eɓómá ɛ́ ŋgá kɛ ɓé pɛ li ɓɛ́. Etɔɓé-líkanʼyɛ yé Ɔ́lolómɛ̄ la mɔɔ́n ntómbɛ́ ɛ́g ɓɛ́ á tísɔn, ɓaɓɔŋle ɓɛ́ɛ́ ɓɔ́g bíg kɛ nyɛ́ lí ɓɔŋle lí esaa epúán.

Biyɛ́ɛ́léné 4:8

Bíŋ biveglé bínáa bí ɓɛ́ɛ́la yá sig mipaa mísáama, mí mí byɛ́ɛ̄ miíh á lóō la á sí. Bí ŋgí tɔmb ɓé lí lɛgɛ díɓe la nzámuh nɛ́: «Mpúán, mpúán, ɔ lɛ mpúán! Wa Nyɔ́ŋ-Ɛsáŋɛ́, Ɔlolómɛ̄ a Ŋguu-Mísɛ, nyɔ́ a ɓɛ́ɛ́, nyɔ́ a lɛ la nyɔ́ a ŋga sɔ́!»

Biyɛ́ɛ́léné 5:11

Váŋ nɛ́ ma ɛ́n hɔ́, mu ámblé ki cíŋ nyí edila ɛ́ áŋgɛl, yí ɛ́ díí étɔɓé-líkanʼyɛ, yú díí bíveglé la ɓacɛ́ŋ bí ékombo-lóō; táŋga ɛ yéŋ edila ɛ́ áŋgɛl ɛ ɓɛ́ɛ́ adun ndí ádun la akóó nyú á ádun.

Biyɛ́ɛ́léné 5:12

Yéŋ edila áŋgɛl ɛ́ ŋgí lɔ́ŋgɛ á lóō lóō nɛ́: «Mɔɔ́n ntómbɛ́ nyɔ́ ɓá sɛ́m cíŋ á lí tíi ákaa nsúlé, a byɛ́ɛ́ kundɛ li kuh lí ŋguu, abyaŋ, peg, mbimban, adit, lipém la eɓégɛ.»

Biyɛ́ɛ́léné 5:13

Váŋ nɛ́ ma ámblé ki biveglé bí lɛ́ á lóō, bí bí lɛ́ á sí, bí bí lɛ́ á sí-ntím la á túwɛ; byɔ́ bísɛ bíg lón nɛ́: «Eɓégɛ, adit, lipém, la ŋguu bí ɓɛ́la nyɔ́ a tɔɔ́ á étɔɓé-líkanʼyɛ, nyɛ́ la mɔɔ́n ntómbɛ́ á éɓem la á éɓem.»

Biyɛ́ɛ́léné 5:14

Váŋ nɛ́ bíŋ biveglé bínáa bí lagléé nɛ́: «Ɛ́ ɓɛ́ náŋ!» Á ékūyá-kúyá ɓacɛ́ŋ bí ékombo-lóō bú úlɓan, bú úm míɓɔ̄ŋ á sí la ɓɔ́ bú ɓégɛ́ Ɔlolómɛ̄.

Biyɛ́ɛ́léné 6:16

Bú ɓōtlé li lága lí ákolá ácɛ̄ŋ la miáá mí ŋgɔg nɛ́: «Miní ɓɛ́hán ɓɛ́hɛ á lóō, miní sɔɔ ɓɛ́hɛ enɛŋɛ́ la asú á mut a tɔɔ́ á étɔɓé-líkanʼyɛ, enɛŋɛ́ ki la ɔún ví mɔ́ɔ̄n ntómbɛ́;