Biyɛ́ɛ́léné 5:11 - Esaa-líat ɛ́ péná

¹¹ Váŋ nɛ́ ma ɛ́n hɔ́, mu ámblé ki cíŋ nyí edila ɛ́ áŋgɛl, yí ɛ́ díí étɔɓé-líkanʼyɛ, yú díí bíveglé la ɓacɛ́ŋ bí ékombo-lóō; táŋga ɛ yéŋ edila ɛ́ áŋgɛl ɛ ɓɛ́ɛ́ adun ndí ádun la akóó nyú á ádun.

Biyɛ́ɛ́léné 5:11 ပူးပေါင်းရင်းမြစ်များ

Elōg-Hébɛl 12:22

Ndí ɓɛ́nɛ maná sīŋglé ɓɛ́ɓɛ la ɔ́kolá ví Síon, munú sīŋglé ki ɓɛ́ɓɛ la tísɔn nyí Ɔlolómɛ̄ nyɔ́ a lɛ á éniŋ. Nyíŋ tísɔn nɛ́ ɛ lɛ̄ Yelúsalɛm ɛ lɛ á lóō, ápah adun ndí ádun á áŋgɛl yí yá kɔtán á ŋgand ɛ́ lɛ̄.

Yúde 1:14

Ányúū yāɓá ki nɛ́ Hénɔk, mut a yáhɛ́ nzambúwá ámbúh Ádam a pɔ́tɔ́ɔ́ á jóō lí Ɔ́lolómɛ̄ eceg a ŋgí laga nɛ́: «Léɓyán sig, Nyɔ́ŋ-Ɛsáŋɛ́ ag sɔ́ elɔŋ la milɔŋ mipúán mɛ́ɛ́ mí wélan, adun ndí ádun,

Biyɛ́ɛ́léné 19:6

La ma mu ámblé ǹdumka ɔ́ŋgɛn eduŋgú yé límut licɛ́ŋ, yéŋ eduŋgú ɛ ɓɛ́ɛ́ ákaa eduŋgú mínɔŋgɔ́ mí túwɛ, la ákaa mbámká yí mbambat kí ɛ́g kóndo; ɛ́g laga nɛ́: «Alelúya! Átɔm nɛ́, Ɛtáŋɛ Ɔlolómɛ̄ wāhá a Ŋguu-mísɛ a étɛ́ Líkanʼyɛ jɛ́ɛ́.

Biyɛ́ɛ́léné 4:4

Muúmɓáa mí bítɔɓé-bí-líkanʼyɛ la bínáa mú díí yéŋ etɔɓé-líkanʼyɛ; muúmɓáa mí ɓácɛ̄ŋ bí ékombo-lóō la bínáa ki mí tɔ́ɔ̄ á bíŋ bitɔɓé-bí-líkanʼyɛ, bí ɓɛ́ɛ́ bí jáhɛ bipúpúɛ bí mbɔ́tí, bí jáhɛ ki atot á góol á mímú máɓá.

Biyɛ́ɛ́léné 4:6

Ɔsú ví étɔɓé-líkanʼyɛ ví ɓɛ́ɛ́ ákaa bipúpúɛ bí mindím, mí ŋga púnan la elembán, nɛ kí ɔ tɛ́ɛ́ á yé epah ɔg ɛ́n yéŋé. Biveglé bínáa bí byɛ́ɛ̄ miíh ŋgandag ɔ́sū la á mbúh bí ɓɛ́ɛ́ á m̀mím la á míŋgwáāg mí yéŋ etɔɓé-líkanʼyɛ.

Biyɛ́ɛ́léné 5:14

Váŋ nɛ́ bíŋ biveglé bínáa bí lagléé nɛ́: «Ɛ́ ɓɛ́ náŋ!» Á ékūyá-kúyá ɓacɛ́ŋ bí ékombo-lóō bú úlɓan, bú úm míɓɔ̄ŋ á sí la ɓɔ́ bú ɓégɛ́ Ɔlolómɛ̄.

Biyɛ́ɛ́léné 5:6

Váŋ nɛ́ ma ɛ́n hɔ́, mɔɔ́n ntómbɛ́ nyɔ́ a ɓɛ́ɛ́ ɔ́ŋgɛn ɓá sɛ́m líbīt á lí tíi á nsúlé, á tɛ́ɛ́ á m̀mím á étɔɓé-líkanʼyɛ, á póla biveglé bínáa, lá a m̀mím á éti ɓacɛ́ŋ bí ékombo-lóō. A ɓɛ́ɛ́la míɓēg nzambúwá la miíh nzambúwá mí mí lɛ́ mímbūl nzambúwá mí Ɔ́lolómɛ̄, mí a ómóó á ŋkɔŋ-á-sí ásɛ.

Biyɛ́ɛ́léné 5:8

Ɛnɛ́ a lɛ́glé yɔ, bíŋ biveglé bínáa elɔŋ la mí muúmɓáa mí ɓácɛ̄ŋ bí ékombo-lóō la bínáa mú úlɓan, mú úm míɓɔ̄ŋ á sí á ɔ́sū ví mɔɔ́n ntómbɛ́. Mut sig á élɔŋ yáɓá a ɓɛ́ɛ́ á byɛ́ɛ ɔndende la miɓondó mí góol ŋyálāg la binumba, bí bí lɛ́ míkánɛ mí ndog-Ɔlolómɛ̄.

Biyɛ́ɛ́léné 7:11

Áŋgɛl ɛ́sɛ yú díí étɔɓé-líkanʼyɛ, ɓáŋ ɓacɛ́ŋ bí ékombo-lóō, la bíŋ biveglé bínáa, bú úm míɓɔ̄ŋ, mbɔm ɛ́g cág sí, ɔ́sū ví étɔɓé-líkanʼyɛ á lí ɓégɛ lí Ɔlolómɛ̄.

Biyɛ́ɛ́léné 9:16

Bú yó ma táŋga ɓadu-wélan bí ɓɛ́ɛ́ á lóō lí vɔ́si; bí ɓɛ́ɛ́ bíɓógo bíɓáa bí ádun.