Biyɛ́ɛ́léné 4:9 - Esaa-líat ɛ́ péná

⁹ Eceg sig bíŋ biveglé bí ŋgí tíi nyɔ́ a tɔɔ́ á étɔɓé-líkanʼyɛ, a ŋga nīŋ á éɓem la á éɓem lipém, bíg ŋgí ɓégɛ nyɛ́ la lí tíi lí nyɛ mítamlan.

Biyɛ́ɛ́léné 4:9 ပူးပေါင်းရင်းမြစ်များ

Elōg-Hébɛl 7:25

Ányúū náŋ nɛ́ ŋgele ya ányúū yɔ́ ɛ́sɛ, Yésus a kɔɔ́ lí suŋ lí ɓá bí ŋga lóole la nyɛ́ á lí siŋgle lí Ɔlolómɛ̄ á ŋgwáāg. Kasig a ŋga nīŋ á éɓem la á éɓem, á lí kánɛ lí Ɔ́lolómɛ̄ ányúū yāɓá.

Elōg-Hébɛl 7:8

Vá ki, ɓot bí m̀biya á Lévi bí ŋga kuh joga já átē a jóom lí míɓɛɛŋ mí lílōmɛ bí lɛ́ ɓot bí ŋga wú kaa yaa mut. Ndí Mɛlkisédɛk, nyɛ́ mut a kūh nlemlem á jam, a ŋgí lɛ á éniŋ ákaa Licii-Lipúán lí ŋga lága.

Biyɛ́ɛ́léné 1:18

Mi lɛ Nyɔ́ a lɛ éniŋ; mi ɓɛ́ɛ́ ŋ̀wúag, ndí ma nyɔ́ mi lɛ á éniŋ á éɓem la á éɓem. Ma ki nɛ́ mi byɛ́ɛ̄ ádiɓa á nyɛmb la nyú á ŋkɔŋ á ɓádūgu.

Biyɛ́ɛ́léné 10:6

yu kān-sɔŋ, á jóō lí Ɔ́lolómɛ̄ nyɔ́ a ŋga nīŋ á éɓem la eɓem, nyɔ́ a vēg lóō la yé ɛ́sɛ ɛ́ lɛ́ átē, nyɔ́ a vēg sí la yé ɛ́sɛ ɛ́ lɛ́ átē, nyɔ́ a vēg túwɛ la yé ɛ́sɛ ɛ́ lɛ́ até; yu yó nɛ: «Eceg ɛ́ sē ɓé pɛ.»

Biyɛ́ɛ́léné 15:7

Eveglé yá átē a bí biveglé bínáa yú tí yí áŋgɛl nzambúwá míɓondó mí góol nzambúwá, mí mí ɓɛ́ɛ́ mí yáhɛ la ɔún ví Ɔ́lolómɛ̄ nyɔ́ a ŋga nīŋ á éɓem la á eɓem.

Biyɛ́ɛ́léné 21:5

Váŋ nɛ́ nyɔ́ a yɔgɛ́ á étɔɓé-líkanʼyɛ a lágā nɛ: «Nyí vɔ́ŋɔ́ɔ, mag timanɛ mam mísɛ péná.» Ámbúh náŋ ɔ lága nɛ: «Cií, átɔm nɛ́, bí biɓaŋgá bí tɛ́ɛ́, ndí bú ɓɛ́ ki mbálɛ.»

Biyɛ́ɛ́léné 4:2

Á nlemlem á eceg, M̀búl ɔ nyɔ̄ŋ ma. Váŋ nɛ́ ma ɛ́n étɔɓé-líkanʼyɛ yé Ɔ́lolómɛ̄ á lóō, mut wa ki a tɔ́ɔ̄ múŋ.

Biyɛ́ɛ́léné 4:8

Bíŋ biveglé bínáa bí ɓɛ́ɛ́la yá sig mipaa mísáama, mí mí byɛ́ɛ̄ miíh á lóō la á sí. Bí ŋgí tɔmb ɓé lí lɛgɛ díɓe la nzámuh nɛ́: «Mpúán, mpúán, ɔ lɛ mpúán! Wa Nyɔ́ŋ-Ɛsáŋɛ́, Ɔlolómɛ̄ a Ŋguu-Mísɛ, nyɔ́ a ɓɛ́ɛ́, nyɔ́ a lɛ la nyɔ́ a ŋga sɔ́!»

Biyɛ́ɛ́léné 5:1

La ma Yohánɛs mu ɛ́n kálati nyí ɛ ɓɛ́ɛ́ m̀vúlkége á wɔ á m̀ɓɛ́nlómɛ á nyɔ́ a tɔɔ́ á étɔɓé-líkanʼyɛ, ɛ ɓɛ́ɛ́la micila átē la á mbúh, ɛ́ ɓɛ́ɛ́ nlegéeg la biɓátan-bí-ndembye nzambúwá.

Biyɛ́ɛ́léné 6:16

Bú ɓōtlé li lága lí ákolá ácɛ̄ŋ la miáá mí ŋgɔg nɛ́: «Miní ɓɛ́hán ɓɛ́hɛ á lóō, miní sɔɔ ɓɛ́hɛ enɛŋɛ́ la asú á mut a tɔɔ́ á étɔɓé-líkanʼyɛ, enɛŋɛ́ ki la ɔún ví mɔ́ɔ̄n ntómbɛ́;

Biyɛ́ɛ́léné 7:15

Ányúū náŋ nɛ́ bí tɛ́ɛ́ ɔ́sū ví étɔɓé-líkanʼyɛ yé Ɔlolómɛ̄, á lí ɓɔŋle lí nyɛ esaa púán díɓe la nzámuh átē a ndáá-ēcɛ́ŋ-Ɔlolómɛ̄ yɛ́ɛ̄. Ndí nyɔ́ a tɔɔ́ á étɔɓé-líkanʼyɛ, ag kɛ ɓɔ́ lí bútyɛ á líndūm jɛ́ɛ́.