Biyɛ́ɛ́léné 3:5 - Esaa-líat ɛ́ péná

⁵ Náŋ nɛ́ ǹdí-cíŋ a ŋga kɛ́ li jál lí bípúpúɛ bí mbɔ́tí. Mi ŋgá kɛ ɓé ma lí sáá lí jóō jɛ́ɛ́ a kálati eniŋ; mag kɛ nyɛ́ lí lem ɔ́sū ví Etāa la ɔ́sū ví áŋgɛl yɛ́ɛ́.

Biyɛ́ɛ́léné 3:5 ပူးပေါင်းရင်းမြစ်များ

Matéus 10:32

Tɔ nzáá a ŋga kɛ́ ma lí yéɓe ɔ́sū ví ɓot, mág ma kɛ nyɛ́ li yéɓe ɔsú ví Etāa nyɔ́ a lɛ á lóō.

Lúkas 10:20

Tɔ la náŋ asɛ̄, miníh sophɛ́gɛ́ ɓé ányúū nɛ mimbúl míɓē míg ógle ɓɛ́nɛ, ndí vagán ja nɛ́ moó máná ma ciiɓɛ́ á ékombo-lóō.»

Lúkas 12:8

Mag laga ɓɛ́nɛ nɛ́: tɔ nzáá a ŋga kɛ́ ma lí yéɓe ɔsú ví ɓot, Mɔɔ́n Mut ki ag kɛ nyɛ́ li yéɓe ɔsú ví áŋgɛl yí Ɔlolómɛ̄.

Elōg-Fílípi 4:3

Wág á taŋ yama liwándá lí nsɔ́n, mag sɔ́hye wa nɛ́ ɔ óŋgánɛ ɓáŋ ɓondígá, átɔm nɛ́ ɓɔ́ la Kelemāŋ la míŋí míwāndá mí nsɔ́n mísɛ, ɓaá du elɔŋ á lí camanɛ lí Pɔ́l M̀ɓɛɛŋ, ɓɛ́hɛ ɓá moó má ciiɓɛ́ á kálati nyí eniŋ.

Yúde 1:24

Á mut a ŋga lá ɓɛ́nɛ li suŋ nɛ́ m̀ɓá miníh kuág ɓé, la ki nɛ́ miní ɓɛ́ ŋgíla ɔnɛ́g la mivag micɛ́ŋɛ́ ɔ́sū ví lípēm jɛ́ɛ́,

Biyɛ́ɛ́léné 13:8

Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.

Biyɛ́ɛ́léné 17:8

Tít wa ɛ́n, ɛ ɓɛ́ɛ́, ndí ɛ sē ɓé pɛ. Ɛg kɛ li pámléne á eɓél-écɛ̄hɛ, la yɔ ɛ kɛ́ á njáŋgá. Ɓatɔɓene bí ŋkɔŋ-á-sí, ɓá moó máh ciiɓɛ ɓé á kálati nyí eniŋ li ɓotle á míɓōtlé mí ŋkɔŋ-á-sí, bíg kɛ li nyág eceg bí ŋga ɛ́n nyíŋ tít; átɔm nɛ́, ɛ ɓɛ́ɛ́ á kwaŋ, ɛ sē ɓé pɛ, ndí ɛg kɛ pɛ li sɔ́.

Biyɛ́ɛ́léné 19:8

Ɓá tí nyɛ taŋ liɓato lí vɛ́lvɛ́ti lí ŋga púú nɛ́ pɛ́ŋ nɛ́ a jāl, jé lí ŋgíla ɔnɛ́g; átɔm nɛ́ nyíŋ vɛ́lvɛ́ti nɛ́ ɛ lɛ́ misɔ́n miɓɛɛŋ mí ndog-Ɔlolómɛ̄.

Biyɛ́ɛ́léné 2:11

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ. Ǹdí-cíŋ, a ŋgá kɛ ɓé lí wú lí nyɛmb ya yáhɛ́ ɛ́ɓáa nyí ya tíile.»

Biyɛ́ɛ́léné 2:7

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ: Ǹdí-cíŋ, mag kɛ nyɛ́ lí tíi lí eéé éniŋ ɛ́ tɛ́ɛ́ á paladīs nyí Ɔlolómɛ̄ ákaa lidí.»

Biyɛ́ɛ́léné 20:12

La ma mu ɛ́n ɓot ɓá wú, ɓacɛ́ŋ la ɓatɔ́ga bí tɛ́ɛ ɔ́sū ví étɔɓé-líkanʼyɛ; kálati yú vúúlɛ. Kálati etám yu vúúlɛ sīg-pɛ; yɔ nɛ́ ɛ lɛ kálati nyí eniŋ. Bú kááhɛ́ ɓot ɓá wú, mut sig li oŋle la miɓɔŋɔg mɛ́ɛ́, ákaa yá ciiɓɛ́ á kálati.

Biyɛ́ɛ́léné 20:15

Ndí nyɔ́ la nyɔ́ jóō líh cíiɓɛ ɓé á kálati nyí eniŋ ɔ lɛ̄ŋgɓɛ́ á yéŋ ébúle yé nzáan.

Biyɛ́ɛ́léné 21:27

Yoóm ɛ́ líbūá tɔ yá ɛ́ ŋgá kɛ́ ɓé lí níŋgi múŋ á nyíŋ tísɔn, nlemlem la tɔ nzáá ki a ŋga ɓɔŋ mam mí nyɛgá la li ɓaŋ lí mínaa. Ɓot bí ŋga kɛ́ li níŋgi á nyíŋ tísɔn bí lɛ́ ɓá moó má ciiɓɛ á kálati eniŋ nyí mɔɔ́n ntómbɛ́.

Biyɛ́ɛ́léné 22:19

Tɔ nzáá ki a ŋga ɓógtɛ jam á bíɓaŋgá bí nyíŋ kálati, Ɔlolómɛ̄ nyɛ́g ag kɛ li ɓógtɛ lí joga jɛ́ɛ́ lí lɛ́ á eéé éniŋ la á tísɔn epúán jé lá ciiɓɛ́ á nyí kálati.»

Biyɛ́ɛ́léné 3:12

Ǹdí-cíŋ, mag kɛ nyɛ́ lí yaanɛ lí mbíi yí ndáá-ēcɛ́ŋ-Ɔlolómɛ̄ Loó jáma, m̀ɓá, a ŋgá kɛ ɓé pɛ li pám múŋ; mag kɛ li cii lí jóō lí Ɔlolómɛ̄ wama á nyúū yɛ́ɛ̄, la joó lí tísɔn nyí Ɔlolómɛ̄ wama, nyí ɛ lɛ̄ Yelúsalɛm nyí péná ya ómɓɛ́ la Loó jama. Mi cii ki joó jáma lí péná á nyúū yɛ́ɛ̄.

Biyɛ́ɛ́léné 3:4

Ndí nyí vɔ́ŋɔ́ɔ, ɔ ŋgí byɛ́ɛ puh ɓot á ŋkɔŋ á Sáldɛs yí yáh vínɛ ɓé mbɔ́tí yáɓá. Bíg jál bípúpúɛ bí mbɔ́tí, bí kɛ ma lí yígɛ, átɔm nɛ́ ɓɔ́ bí kɔ́ɔ.

Biyɛ́ɛ́léné 6:11

Váŋ nɛ́ ɓá tí mut sig epúpúɛ mbɔ́tí, bú lága ɓɔ̄ nɛ́ bí ɔ́hánɛ pɛ puh eceg, nɛ́-tɛ́ɛ táŋga ɓot bí ŋga sál la ɓɔ́ ya yál, elɔŋ la elōgétāŋ yáɓá bí ŋga nyɛ́ɛ li ól kaa ɓɔ́.