Biyɛ́ɛ́léné 3:18 - Esaa-líat ɛ́ péná

¹⁸ mag ééle wa nɛ́ ɔ sóm góol nyí nzáan ya púɛ á yóg yáma nɛ́ ɔ byáŋá, ɔ sóm ki bipúpúɛ bí mbɔ́tí ɔ ŋgɔ jál á lí ɓɔŋ nɛ́, ɔh wɛɛ́g ɓé nsɔ́ la ki nɛ́ ɔh kɔnɔ́g ɓé mbɔɔla; sóm ki ŋgɔɓé beéé ɔ ŋgɔ tɔ́nʼyɛ á miíh la wā ɔ tímān li ɛ́nan.

Biyɛ́ɛ́léné 3:18 ပူးပေါင်းရင်းမြစ်များ

Matéus 13:44

«Ekombo-lóō ɛ́g punan la lipɔg nɛ́ lí sɔ́lɛ̄ á ǹdíí, nɛ mut a kúúyɛ, ndí ɔ timan jɔ́ li sɔɔ. Átē á mivag mɛ́ɛ́, ɔ tímān á yóg yɛ́ɛ̄ ɔ núŋú yé ɛ́sɛ a byɛ̄ɛ́, la nyɛ́ ɔ sóm nyúŋ ǹdíí.

Matéus 25:9

Ɓá bí éyī bú pélē ɓɔ̄ nɛ́: ‹Tɔ jam! Miúú máhá mí sē ɓé ndoŋgó, mí ŋgá kɔlan ɓé ɓɛ́hɛ la ɓɛ́nɛ, kɛnán ja á yóg ɓanuŋu miní sóm ɛmáná›.

Lúkas 12:21

Náŋ nɛ́ ɛ́ ŋga kɛ́ li ɓɔŋɓɛ la tɔ nzáá a kómánɛ̄ ábyaŋ ányúū yɛ́ɛ̄ nyɛ́-mɛ̄n, ndí ah ɓɛ́ ɓé ábyaŋ á ŋgwáāg Ɔlolómɛ̄.»

Elōg-Kɔlínto 2 5:3

nɛ́ ndí Ɔlolómɛ̄ a kɔ́p nɛ́ bi jáhɛ mbɔ́tí li loo nɛ́ biíg ɓɛ́ nsɔ́.

Elōg-Kɔlínto 2 8:9

La mbálɛ, miníg yí elɔ́ŋgɔ m̀mím yé Ɛtáŋɛ wahá Yésus Kilístus, nyɔ́ a lɛ nɛ́, átē a abyaŋ wɛ́ɛ́, a yáanɛ́ nyɛ́-mɛ̄n ŋ̀yɛ́ɛ́yɛ́ɛ ányúū yāná, nɛ́ ndí la liyɛ́ɛ́ jɛ́ɛ́ a byāŋɓɛ́ ɓɛ́nɛ.

Timotéo 1 6:18

Mimbyaŋ-mí-ɓot mí ɓɔŋ m̀ɓɛɛŋ, abyaŋ wáɓá á ɛ́nyéné á mísɔ̄n mí m̀ɓɛɛŋ. Mí ɓɛ́ ɓot bí ŋga káa, mí yéɓé lí kaan lí yé mí byɛ́ɛ̄ la ɓáŋá ɓátām.

Yákop 2:5

Ámblán á élōgyāŋ yé édiŋ, ɓaá, ah Ɔlolómɛ̄ ɓé nɛ a pɔ́hɔ̄ ɓá bí lɛ́ ɓáyɛ̄ɛ̄yɛ́ɛ li oŋle la liɛ́nɛg lí ɓot bí ŋkɔŋ-á-sí, á lí byaŋɓɛ lí ɓɔ á ŋyéɓé, la li yaanɛ lí ɓɔ ɓakoto-embámbá yé Ékombo-lóō yé a kákānɛ̄ ɓot bí ŋga dīŋ nyɛ́ é?

Pétlos 1 1:7

á lí ɓɔŋ nɛ́ míŋ miceglan mí étɛ ɔvega ví ŋyéɓé wáná. Góol ɛg lɔɓe, tɔ náŋ kaa bí ŋga vá yɔ á nzáan á lí yí kí nɛ́ ɛ lɛ taŋ. Nlemlem á jam nɛ́ bí ŋga li ɓɔ̄ŋ la ŋyéɓé wáná nyú á lɛ́ taŋ li loo lí nyíŋ góol, á lí ɓɔŋ nɛ́ miní kuh bíɓégɛ, lipém la adit eceg Yésus Kilístus a ŋga kɛ́ li étɛ lí nyúū yɛ́ɛ̄.

Biyɛ́ɛ́léné 16:15

Jɔ́ nɛ́, mag sɔ́ kaa mut a wií. Misɔ́tá la mut a ŋga tɔ́ɔ̄ pɛɛ, ndí a ɓɛ́la mbɔ́tí yɛ́ɛ́ á ŋgwáāg, á lí ɓɔŋ nɛ́ ah wɛɛ́g ɓé nsɔ́ la ki nɛ́ ah kɔnɔ́g ɓé mbɔɔla.

Biyɛ́ɛ́léné 19:8

Ɓá tí nyɛ taŋ liɓato lí vɛ́lvɛ́ti lí ŋga púú nɛ́ pɛ́ŋ nɛ́ a jāl, jé lí ŋgíla ɔnɛ́g; átɔm nɛ́ nyíŋ vɛ́lvɛ́ti nɛ́ ɛ lɛ́ misɔ́n miɓɛɛŋ mí ndog-Ɔlolómɛ̄.

Biyɛ́ɛ́léné 2:9

«Mag yí ésɔghe yɔ́ɔ la liyɛ́ɛ́ jɔ́ɔ, tɔ náŋ ákaa ɔ lɛ m̀byaŋ; mag yí mam bí ŋga ɓéeyɛ wa la ɓá bí ŋga sɛ̄gɓan nɛ́ bí lɛ́ ɓɔ́ɔ̄n bí Élōg-Yúda; ndom nɛ́ bí sē ɓé ɓɔ̄, bí lɛ́ ja ‹ɓot bí nlɔŋ á Sátan›.

Biyɛ́ɛ́léné 3:17

Ákaa ɔ ŋgɔ lága nɛ́: ‹mi lɛ m̀byaŋ, ma byáŋa, mih byɛ́ɛ́ ɓé pɛ ma kóó la jam tɔ já›, la ákaa ɔ ŋgɔ́ yí ɓé nɛ ɔ lɛ ŋgɔ́ɔ́, wu ɓɛ́ yɛmɛ́, wu ɓɛ́ liyɛ́ɛ́, ndím la nsɔ́;

Biyɛ́ɛ́léné 4:4

Muúmɓáa mí bítɔɓé-bí-líkanʼyɛ la bínáa mú díí yéŋ etɔɓé-líkanʼyɛ; muúmɓáa mí ɓácɛ̄ŋ bí ékombo-lóō la bínáa ki mí tɔ́ɔ̄ á bíŋ bitɔɓé-bí-líkanʼyɛ, bí ɓɛ́ɛ́ bí jáhɛ bipúpúɛ bí mbɔ́tí, bí jáhɛ ki atot á góol á mímú máɓá.

Biyɛ́ɛ́léné 7:13

Váŋ nɛ́ ǹcɛ́ŋ á ékombo-lóō wa a nyɔ̄ŋ mpɔ́t ɔ ɓāt ma nɛ́: «Ɓá ɓot bí jáhɛ́ bípúpúɛ bí mbɔ́tí, bí lɛ́ ɓanzáá, bíg sɔ́léne véé é?»