Biyɛ́ɛ́léné 3:12 - Esaa-líat ɛ́ péná

¹² Ǹdí-cíŋ, mag kɛ nyɛ́ lí yaanɛ lí mbíi yí ndáá-ēcɛ́ŋ-Ɔlolómɛ̄ Loó jáma, m̀ɓá, a ŋgá kɛ ɓé pɛ li pám múŋ; mag kɛ li cii lí jóō lí Ɔlolómɛ̄ wama á nyúū yɛ́ɛ̄, la joó lí tísɔn nyí Ɔlolómɛ̄ wama, nyí ɛ lɛ̄ Yelúsalɛm nyí péná ya ómɓɛ́ la Loó jama. Mi cii ki joó jáma lí péná á nyúū yɛ́ɛ̄.

Biyɛ́ɛ́léné 3:12 ပူးပေါင်းရင်းမြစ်များ

Málkus 12:16

La ɓɔ bú sɔ́la nyɛ yá. Yésus ɔ ɓāt ɓɔ nɛ́: «Asú la joó lí nzáá bí lɛ́ múŋ é?» La ɓɔ́ bú pélē nyɛ nɛ́: «Bí káísa ecɛ́ŋ».

Elōg-Gálátia 2:9

Ɛnɛ́ Yákop, Séfas la Yohánɛs mbii-ɓōt yí éɓasɛ, ɓá ɛ́n líkaale Ɔlolómɛ̄ a tíéé ma, bú sám ma la Balnábas wɔ, ákaa ndembye nyí ŋ̀atanɛ́ wahá átē a nsɔ́n, á li ɓɔŋ nɛ́ ɓɛ́hɛ bi kɛ̄ ápah ɓot bí sē ɓé ɓɔ́ɔ̄n bí Élōg-Yúda bí lɛ, ɓɔ́g bí kɛ á yóg ɓɔɔ́n bí Élōg-Yúda.

Elōg-Éféso 3:15

la nyɛ́ nɛ́ móō mí mimbiya mísɛ mí lɛ́ á lóō la á sí mí ŋga sɔ́léne.

Elōg-Hébɛl 12:22

Ndí ɓɛ́nɛ maná sīŋglé ɓɛ́ɓɛ la ɔ́kolá ví Síon, munú sīŋglé ki ɓɛ́ɓɛ la tísɔn nyí Ɔlolómɛ̄ nyɔ́ a lɛ á éniŋ. Nyíŋ tísɔn nɛ́ ɛ lɛ̄ Yelúsalɛm ɛ lɛ á lóō, ápah adun ndí ádun á áŋgɛl yí yá kɔtán á ŋgand ɛ́ lɛ̄.

Elōg-Hébɛl 13:14

átɔm nɛ́, bih byɛ́ɛ́ ɓé ɓɛ́hɛ ŋkɔŋ á ŋga ɓéem vá á nyí sí vāŋgá, ndí bi lɛ jā á nsom á taŋ ŋkɔŋ nyú á ŋga kɛ́ li sɔ́.

Yohánɛs 1 4:4

Á ɓɔ́ɔ̄n ɓáma, kasig miní lɛ́ ɓɔ́ɔ̄n bí Ɔlolómɛ̄, maná dí ɓáŋ ɓapɔ́tle-bí-Ɔ́lolómɛ̄ bí mínaa cíŋ, ányúū nɛ́ M̀búl á Ɔlolómɛ̄ á lɛ́ la ɓɛ́nɛ, ág loo nyú á lɛ́ á ŋkɔŋ-á-sí.

Biyɛ́ɛ́léné 14:1

La ma Yohánɛs mu ɛ́n, mɔɔ́n ntómbɛ́ a tɛ́ɛ á ɔ́kolá vícɛ̄ŋ ví Síon, elɔŋ la yé eɓógo ákōō la muúmínáa la ánáa yé ɓot. Mut sig múŋ á yéŋ elɔŋ a ɓɛ́ɛ́la joó lí mɔɔ́n ntómbɛ́ la jé lí Ɛsáŋɛ́ nciíg á mbɔm.

Biyɛ́ɛ́léné 17:14

Ɛ́g kɛ li duhɛ lí mɔɔ́n ntómbɛ́, ndí mɔɔ́n ntómbɛ́ ag kɛ yɔ́ dí lí cíŋ, átɔm nɛ́ a lɛ Nyɔ́ŋ-Ɛsáŋɛ́ a ɓásāŋɛ́ bísɛ, ɔ ɓɛ́ ki Káísa nyí káísa ɛ́sɛ, ɓot ɓá yáŋlɛ, ɓá ɓá pɔ̄hlɛ la ɓá bí byɛ́ɛ̄ ékɔ̄ɔ̄-m̀mím la nyɛ́, ɓɔ́g bíg kɛ li dí lí cíŋ.»

Biyɛ́ɛ́léné 2:11

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ. Ǹdí-cíŋ, a ŋgá kɛ ɓé lí wú lí nyɛmb ya yáhɛ́ ɛ́ɓáa nyí ya tíile.»

Biyɛ́ɛ́léné 2:17

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ. Ǹdí-cíŋ, mag kɛ nyɛ́ lí tíi lí mána mí sɔ́lɛ̄, mag kɛ nyɛ́ lí tíi lí épūpúɛ ɛ́ ŋgɔg, ápah ɓá cií jóō lí péná, jé tɔ mut a ŋgá yí ɓé, amáh sig nyɔ́ a ŋga kūh jɔ́.»

Biyɛ́ɛ́léné 2:7

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ: Ǹdí-cíŋ, mag kɛ nyɛ́ lí tíi lí eéé éniŋ ɛ́ tɛ́ɛ́ á paladīs nyí Ɔlolómɛ̄ ákaa lidí.»

Biyɛ́ɛ́léné 21:2

La ma mu ɛ́n tísɔn epúán, Yelúsalɛm nyí péná ɛg sɔ́le á lóō á yóg Ɔlolómɛ̄, ɛ jáhɛ ákaa sɔ́mbɔ́ mindígá nɛ ya ɓōŋhán lí kɛ á yóg nlóm wɛ́ɛ̄.

Biyɛ́ɛ́léné 22:4

Bíg kɛ li ɛ́n lí asú wɛ́ɛ́, joó jɛ́ɛ́ ki líg ɓɛ́ nciíg á mbɔm yáɓá.

Biyɛ́ɛ́léné 3:5

Náŋ nɛ́ ǹdí-cíŋ a ŋga kɛ́ li jál lí bípúpúɛ bí mbɔ́tí. Mi ŋgá kɛ ɓé ma lí sáá lí jóō jɛ́ɛ́ a kálati eniŋ; mag kɛ nyɛ́ lí lem ɔ́sū ví Etāa la ɔ́sū ví áŋgɛl yɛ́ɛ́.