Biyɛ́ɛ́léné 3:10 - Esaa-líat ɛ́ péná

¹⁰ Kasig ɛ́ lɛ́ nɛ, wa náŋɛ éɓaŋgá yama átē a m̀ɓán, mág, mag kɛ wa lí tát á ŋgɛ́ŋ nyí miceglan mí ŋga kɛ́ li kuele lí ŋkɔŋ-á-sí ásɛ, á li vá lí ɓátɔɓene bí ŋkɔŋ-á-sí á éceglɛ.

Biyɛ́ɛ́léné 3:10 ပူးပေါင်းရင်းမြစ်များ

Matéus 24:14

Nyíŋ Pɔ́l M̀ɓɛɛŋ nyí Ekombo-lóō ɛg kɛ li lɛglɛ á ŋkɔŋ-á-sí ásɛ, á lí ɓɔŋ nɛ́ milóm mísɛ mí ámblé yɔ. Váŋ hɔ́ nɛ lisúg lí bíceg lí ŋga kɛ́ li sɔ́.»

Matéus 26:41

Tɔɓán pɛ́ɛ, miní kánɛ̄ a lí ɓɔŋ nɛ́ miníh kuág ɓé á míceglan. M̀búl a yáhɛ la ŋguu, ndí mison míg ɓɔt.»

Matéus 6:13

ɔh mwahkɛ́gɛ́ ɓé ɓɛ́hɛ nɛ́ bi kú á míceglan, ndí suŋ ɓɛ́hɛ á mɔ̄ mí Ǹlem.›

Málkus 14:9

La mbálɛ, mag laga ɓɛ́nɛ nɛ́: tɔ véé bí ŋga kɛ́ li lɛgɛ lí Pɔ́l M̀ɓɛɛŋ á ŋkɔŋ-á-sí, bíg kɛ li máŋa lí jam a ɓɔ̄ŋ á lí ɔ́ŋɔ lí nyɛ.»

Lúkas 2:1

Á eceg líkanʼyɛ lí Ogústo, kasig a ɓɛ́ɛ́ káísa ecɛ́ŋ, ɔ pámɛ́ mbéndá nɛ nsɔŋgí á ɓot á nyɔŋɓɛ́ɛ á ŋkɔŋ-á-sí ásɛ.

Yohánɛs 17:6

Ma yíhɛ́ jóō jɔ́ɔ ɓot wa nyɔ̄ŋ á ŋkɔŋ-á-sí á lí tíi lí ma, bí ɓɛ́ɛ́ ɛ́ɓɔ́ɔ, wu tí ma ɓɔ́, lá ɓɔ́ bú óglé eɓaŋgá yɔ́ɔ.

Elōg-Lóma 1:8

Ɔsú la ɔsú, mag tíi Lōó jáma mitamlan li loole la Yésus Kilístus ányúū yāná ɓɛ́nɛ bísɛ, ányúū nɛ ŋyéɓé wáná wá yílɛ́ la ŋkɔŋ-á-sí ásɛ.

Elōg-Kɔlínto 1 10:13

Miceglan miní kūhúú mí ɓɛ́ɛ́ á ɔ́vega ví mut-a-binam, Ɔlolómɛ̄ ag yáhɛ biɓaŋgá byɛ́ɛ́, a ŋgá kɛ ɓé lí yéɓe nɛ́ miní kūh miceglan mí ŋga lóo ɓɛ́nɛ ŋguu. Eceg miceglan mí ŋga sɔ́, ag kɛ ɓɛ́nɛ li ɓɔŋ nɛ́ miní pámɓán, ag kɛ ki ɓɛ́nɛ li tíi lí ŋguu á lí ɔ́hánɛ lí mɔ̄.

Elōg-Éféso 6:13

La náŋ, nyɔŋán bídulé-bí-wélan bí Ɔlolómɛ̄, á li ɓɔŋ nɛ́ á ɔ́lɔ̄ víɓē, miní la li pámɓan á míceglan mí ǹsɔhɔ ɛ́h ɓɛ́ ɓé lí piglan, átɔm nɛ́ maná lɔ́gɓán lá ŋguu.

Timotéo 2 2:12

Kíyáɓɛ́nɛ ɓaá sɔghé elɔŋ la nyɛ́, elɔŋ la nyɛ́, biíg kɛ ki li kanʼyɛ. Kíyáɓɛ́nɛ ɓa táŋɓán nyɛ́, nyɛ́g ag kɛ ɓɛ́hɛ li táŋɓan.

Yákop 3:12

Á élōgyāŋ, ɓaá tín jáŋgolo ɛ lɛ́ nɛ ya úm ŋgwáɓan é? Tɔ tín ŋgwáɓan li úm lí máŋgolo é? Nlemlem á líŋgɛ̄n á sē ɓé nɛ wá tí míndīm mí ŋku la bilɔ́ŋgɔ bí míndīm.

Pétlos 1 4:12

Á élōgyāŋ yé ediŋ, náŋ ah nyágɛ́gɛ́ ɓé ɓɛ́nɛ nɛ́ miní lɛ́ átē á nzáan miceglan, ɔ́ŋgɛn náŋ a lɛ́ ǹcɛn á jam.

Pétlos 2 2:9

Náŋ ag étɛ hɔ́ nɛ́ Nyɔ́ŋ-Ɛsáŋɛ́ ag la li ɓógtɛ lí ɓot ɓá tiŋɓé la nyɛ́ átē á míceglan, la nyɛ́ a náŋɛ̄ ɓot ɓaɓé á li kɔ́ghɛ lí ɓɔ á ɔ́lɔ̄ ví ŋkál,

Biyɛ́ɛ́léné 1:9

Ma Yohánɛs, mɔɔ́nɛ́sāŋ wáná, la mut waná a elɔŋ ɛ́ dúwɛ até a esɔghe. Mág mi lɛ mɔɔ́n ékombo yé Ɔlolómɛ̄, ma tiŋɓé la Yésus. Ɓá kɛ́ la ma á éon yé Pátmos ányúū nɛ ma lɛ̄gɛ́ Éɓaŋgá Ɔlolómɛ̄, la ányúū nɛ ma tí mbóŋ nyí Yésus.

Biyɛ́ɛ́léné 11:10

Ɓatɔɓene bí ŋkɔŋ-á-sí bíg kɛ li kɔn lí mívag ányúū nyɛmb yaɓá; bíg kɛ li ɓɔŋ li ŋgand, la li tíélan lí mikaale átɔm nɛ́ ɓáŋ ɓapɔ́tle-bí-Ɔ́lolómɛ̄ bíɓáa ɓá tí ɓɔ také ŋgandag.

Biyɛ́ɛ́léné 13:10

Nyɔ́ yá tɛ́ɛ́ɓɛ́ nɛ ag byelɓɛ á wélan, ag kɛ ja lí kɛ á m̀ɓog á wélan. Nyɔ́ yá tɛ́ɛ́ɓɛ́ nɛ ag kɛ li wú la mboná, mboná nɛ ɛ ŋga kɛ́ nyɛ́ lí ól. Jɔ́ hɔ́ nɛ, ndog-Ɔlolómɛ̄ ya nyɛ́ɛ lí ɓɛ́la lí eɔ́hánɛ la ŋyéɓé.

Biyɛ́ɛ́léné 13:14

La nyíŋ tít yu yɛ́ɛ́ ɓot bí ŋkɔŋ-á-sí la ŋguu ɓá tí yɔ á li ɓɔŋ lí mínɛ́ŋ ɔ́sū ví tít ɔsú. Yu kágyɛ́ ɓɔ nɛ́ bí mɛ̄ njimbilí á épunan ɛ́ nyí tít ɛ byɛ́ɛ̄ ékwɛɛ ɛ́ ŋga lá yɔ li ól ndí yú mān á lí tíi lí yɔ adit.

Biyɛ́ɛ́léné 13:8

Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.

Biyɛ́ɛ́léné 14:12

Jɔ́ nɛ́, eceg yé nɛ́ ndog-Ɔlolómɛ̄ bí ɓɛ́la m̀ɓán, bí náŋɛ̄ mbéndá yí Ɔ́lolómɛ̄, bí ɓɛ́la ki ŋyéɓé la Yésus.»

Biyɛ́ɛ́léné 14:6

La ma mu ɛ́n sīg-pɛ áŋgɛl etám nyí ɛ ŋgí puple á lóō lóō. Ɛ ɓɛ́ɛ́la nɛ́ ɛ lɛ́gɛ́ ɓátɔɓene bí sí ɛsɛ̄ Pɔ́l M̀ɓɛɛŋ nyí eɓem: ɛ́ ɓɛ́ á mílōmɛ, á mílōm, á mípɔ̄t mísɛ la á bíkombo.

Biyɛ́ɛ́léné 16:14

Ákaa ɛ́sɛ, míŋ mimbúl mí lɛ́ mimbúl míɓē. Míg ɓɔŋ minɛ́ŋ la mɔ́ ma kɛ li ɓoman la káísa yí ŋkɔŋ-á-sí ásɛ, á li komanɛ lí yɔ nɛ́ ɛ́ dúhɛ̄ Ɔlolómɛ̄ á Ŋguu-mísɛ eceg m̀bya ǹcɛ́ŋ wɛ́ɛ́ á ŋga kɔlan.

Biyɛ́ɛ́léné 17:2

Káísa yí ŋkɔŋ-á-sí yá ɓɔŋ mpuŋgú elɔŋ la nyɛ́; ɓatɔɓene bí ŋkɔŋ-á-sí ki bú péé mílɔg mí mpuŋgú wɛ́ɛ́.»

Biyɛ́ɛ́léné 17:8

Tít wa ɛ́n, ɛ ɓɛ́ɛ́, ndí ɛ sē ɓé pɛ. Ɛg kɛ li pámléne á eɓél-écɛ̄hɛ, la yɔ ɛ kɛ́ á njáŋgá. Ɓatɔɓene bí ŋkɔŋ-á-sí, ɓá moó máh ciiɓɛ ɓé á kálati nyí eniŋ li ɓotle á míɓōtlé mí ŋkɔŋ-á-sí, bíg kɛ li nyág eceg bí ŋga ɛ́n nyíŋ tít; átɔm nɛ́, ɛ ɓɛ́ɛ́ á kwaŋ, ɛ sē ɓé pɛ, ndí ɛg kɛ pɛ li sɔ́.

Biyɛ́ɛ́léné 2:10

Ɔg kɛ li sɔghe, ndí ɔh kɔnɔ́g ɓé woŋ. Ɛ́n sig, á lí ceglɛ lí ɓɛ́nɛ, ǹsɔhɔ ag kɛ li vá lí jogo lí ɓot jáná á m̀ɓog; miníg kɛ li ɓɛ́la lí jóom lí alɔ́ lí míceglan. Tiŋɓé nɛ́-tɛ́ɛ la á nyɛmb, mag kɛ wa lí tíi lí ɔ́tot ví éniŋ.

Biyɛ́ɛ́léné 3:8

«Mag yí misɔ́n mɔ́ɔ. Ɛ́n sig, ma áhyɛ́ líkooká ɔ́sū vɔ́ɔ, jé tɔ mut a ŋgá la ɓé lí leg. Ɔh byɛ́ɛ́ ɓé pɛ ŋguu taŋ, ndí tɔ náŋ, wa náŋɛ éɓaŋgá yama, wāh táŋɓan ɓé ki ma.

Biyɛ́ɛ́léné 6:10

Bí ŋgí lón la ŋguu nɛ́: «Á Ɛtáŋɛ nyɔ́ a lɛ́ mpúán, á taŋ Ɛtáŋɛ, ɔ ŋgí laaŋkégé tɛɛla ǹjén á lí kááhɛ lí ɓot bí ŋkɔŋ-á-sí, la li pun lí mícii máhá é?»

Biyɛ́ɛ́léné 8:13

Váŋ nɛ́ ma ɛ́n hɔ́, la ma mu ámblé ki ŋyogó ág puple á lóō lóō, ag pɔ́t la ŋguu nɛ́: «Eɓéé-nyúū! Eɓéé-nyúū! Eɓéé-nyúū la ɓatɔɓene bí ŋkɔŋ-á-sí eceg yíŋí áŋgɛl ɛ́ŋháa yɔ́g ɛ́ ŋga kɛ́ li ɔ́ŋ lí mísēɓá máɓá!»