Biyɛ́ɛ́léné 3:1 - Esaa-líat ɛ́ péná

¹ Ciilé áŋgɛl nyí Eɓasɛ yé Sáldɛs nɛ́: Nyɔ́ a byɛ́ɛ̄ mí mímbūl nzambúwá mí Ɔ́lolómɛ̄ la atɛ́ nzambúwá ag pɔ́t nɛ: «Mag yí mísɔ̄n mɔ́ɔ. Ɓot bíg máŋa nɛ́ ɔ lɛ á éniŋ, ndom nɛ́ wa wú!

Biyɛ́ɛ́léné 3:1 ပူးပေါင်းရင်းမြစ်များ

Lúkas 15:24

ányúū nɛ nyɔ́ mɔɔ́n wama nyɔ́, a ɓɛ́ɛ́ m̀wúag ndí ɔ tímān á éniŋ, a ɓɛ́ɛ́ ǹjáŋag ndí ɔ tímān li ɛ́ni.› La ŋgand yu ɓōtlé.

Lúkas 15:32

Ndí ɛ́ mɓɛ́ épīl nɛ́ bi ɓɔ́ŋ ŋgand la li kɔn lí mívag, ányúū nɛ nyɔ́ mɔɔ́nyɔ̄ŋ a ɓɛ́ɛ́ m̀wúag ndí a tímān á éniŋ, a ɓɛ́ɛ́ ǹjáŋag ndí a tímān li ɛ́ni.›»

Yohánɛs 1:16

Á líɓɛ́ɛg jɛ́ɛ́ lí ŋyálāg la mikaale mí Ɔ́lolómɛ̄ ɓɛ́hɛ bísɛ ɓaá kūh ɛ́jāhá joga, jé likaale ámbúh jéŋé.

Yohánɛs 1:33

Mi ŋgí yí ɓé ma nyɛ́, ndí Ɔlolómɛ̄ nyɔ́ a óm ma á lí tíi lí nzoɓan nyí mindím nɛ a lága ma nɛ́: ‹Nyɔ́ ɔ ŋgɔ kɛ́ li ɛ́n lí M̀búl Mpúán ag suh, a ɓɛ̄tɓé nyɛ á nyúū, nyɛ́ nɛ́ a ŋga tíi nzoɓan nyí M̀búl Mpúán.›

Yohánɛs 20:22

Ɛnɛ́ a pɔ́tɔ́ɔ́ náŋ, ɔ vúŋglé ɓɔ m̀búl, a byɛ́la ɓɔ́ nɛ́: «Lɛ́glán M̀búl Mpúán.

Yohánɛs 3:34

Jɔ́ nɛ́, mut Ɔlolómɛ̄ a óm ag pɔ́t biɓaŋgá bí Ɔ́lolómɛ̄, ányúū nɛ́ Ɔlolómɛ̄ ag yáhɛ nyɛ́ la M̀búl wɛ́ɛ́ ɛ́h ɓɛ́ ɓé ɔ́vega.

Misɔ́n mí Ɓáōmɓɛ 2:33

Ɔlolómɛ̄ ɔ ɓétɛ nyɛ á m̀ɓɛ́nlómɛ wɛɛ́, Ɛsáŋɛ́ ɔ tí nyɛ M̀búl Mpúán a kakáánɛ, nyɛ́g ɔ kúúlé ɓɛ́hɛ wɔ́, kaa miní lɛ́ lí ɛ́n la li ámble.

Elōg-Éféso 2:1

Á élōgyāŋ, ɓɛ́nɛ ɓot miní ɓɛ́ɛ́ míwúag ányúū avuha wáná la miɓé máná miní ŋgí ɓɔŋ

Elōg-Éféso 2:5

Ányúū náŋ nɛ́, kasig bi ɓɛ́ɛ́ míwúag ányúū avuha wáhá, a tímān ɓɛ́hɛ li tíi lí éniŋ elɔŋ la Nyɔ́-a-Pɔ́hlɛ. La elɔ́ŋgɔ yɛ́ɛ́ m̀mím nɛ ɓaá suŋɓɛ.

Elōg-Kólóso 2:13

Ɓɛ́nɛ ki, miní ɓɛ́ɛ́ míwúag ányúū avuha wáná la ányúū liɓɛ́ɛg jáná lí bípɔ, ndí nyí vɔ́ŋɔ́ɔ, Ɔlolómɛ̄ a tímānɛ̄ ɓɛ́nɛ á éniŋ elɔŋ la Kilístus. A láakɛ́ ɓɛ́hɛ avuha wáhá ásɛ,

Timotéo 1 5:6

Ndí á mveŋghanɛ́, ŋkúh á míndīgá á ŋga tīŋɓe á bínyɛɛ́nyɛ́ɛ bí ŋkɔŋ-á-sí, á lɛ́ m̀wúag tɔ ág niŋ váŋ.

Yákop 2:26

La mbálɛ, nyúū ɛ ŋgíla m̀búl ɛg wú, nlemlem kaa ŋyéɓé á ŋgíla misɔ́n.

Pétlos 1 1:11

Ɓáŋ ɓapɔ́tle-bí-Ɔ́lolómɛ̄ ɓá somó lí sɔ́ŋtánɛ á yɔɔ́yɔ́ɔ eceg la láá míŋ mam mí ŋga kɛ́ li ɓɔŋɓɛ, li oŋle kaa M̀búl á Kilístus nyɔ́ á ɓɛ́ɛ́ ɓɔ́ átē, a yíhɛ ɓɔ ɔ́sū ví éceg, bísɔghe Nyɔ́-a-Pɔ́hlɛ a ŋga kɛ́ li kuh la lipém lí ŋga kɛ́ li sɔ́ ámbúh bíŋ bisɔghe.

Yúde 1:12

Ɓáŋ ɓot yágá ki nɛ́ bí ŋga óŋlánɛ bipepá bí lídī byáná bí línyaŋ, ápah bí ŋga yáhɛ bisóá bí lídī nɛ̄ káŋ, ɓá sógɓán lídī la li mbaatan lí binyúnyú ɛ́h ɓɛ́ ɓé ɓɔ li kɔn lí ɔ́sɔ̄n. Bí lɛ́ kaa mbaga nyí ŋgíla mindím nɛ́ ŋgɔá ɛ ŋga vóóŋgɛ́ɛ. Bí lɛ́ kaa biéé bí bíh byɛ́ɛ́ ɓé mítām á éceg ɛ́ pumu, bí byá uulɛ la byɔ́ bú wú ŋgéle ɛ́ɓáa.

Biyɛ́ɛ́léné 1:11

Ɛ ŋgí lɛgɛ nɛ́: «Yé ɛ́sɛ ɔ ŋgɔ kɛ́ li ɛ́n, cií yɔ́ á pɔ̄m kálati, ɔ óm yɔ á bí Biɓasɛ nzambúwá: á yé Éféso, á yé Simílna, á yé Pɛlgáma, á yé Tiatília, á yé Sáldɛs, á yé Filadɛlfía la á yé Laodíse.»

Biyɛ́ɛ́léné 1:16

A ɓɛ́ɛ́ á ɓɛ́gɛ̄ atɛ́ nzambúwá á wɔ wɛ́ɛ́ á m̀ɓɛ́nlómɛ, mboná nsɔŋ ɛ ŋga vóó bipah bíɓáa, ɛ́ ŋgí pámle á anyu wɛ́ɛ. Asú wɛ́ɛ́ á ŋgí paa ákaa vaŋgá ví kɔsi.

Biyɛ́ɛ́léné 1:20

Á yé ɛ́ ŋga légɓé mbaŋ nyí atɛ́ nzambúwá nyú wa ɛ́n á wɔ́ wáma á m̀ɓɛ́nlómɛ la bitúlkáŋ bí góol nzambúwá, náŋ ag kɔplɛ nɛ́: atɛ́ nzambúwá á lɛ áŋgɛl nzambúwá nyí bíɓasɛ, bitúlkáŋ bí góol nzambúwá ki bú ɓɛ́ Bíɓasɛ nzambúwá.»

Biyɛ́ɛ́léné 1:4

Ma Yohánɛs, mag ciile Biɓasɛ nzambúwá bí épah yé Ásia nɛ́: «Mikaale la nsaŋ byá tíéɓɛ́ ɓɛ́nɛ la Ɔlolómɛ̄ nyɔ́ a ɓɛ́ɛ́, nyɔ́ a lɛ la nyɔ́ a ŋga kɛ́ li sɔ́, byá tíéɓɛ́ ki ɓɛ́nɛ la mimbúl mɛ́ɛ́ nzambúwá mi lɛ́ ɔ́sū ví étɔɓé-líkanʼyɛ yɛ́ɛ́,

Biyɛ́ɛ́léné 2:13

«Mag yí yóg yɔ́ɔ; váŋ nɛ́ Sátan a byɛ́ɛ̄ etɔɓé-líkanʼyɛ yɛ́ɛ́. Ndí ɔ átɛ la ma, wāh táŋɓan ɓé ŋyéɓé wɔ́ɔ ɔ byɛ́ɛ̄ la ma tɔ á eceg yé bí ólóó mbóŋ yáma nyí ɛ́ tɛ́ɛ́ nɛ́ Antípas, á yóg yaná, ápah Sátan a ŋga tɔ́ɓene.

Biyɛ́ɛ́léné 2:19

«Mag yí mísɔ̄n mɔ́ɔ, ediŋ yɔ́ɔ, ŋyéɓé wɔ́ɔ, miŋgómán ɔ ŋgɔ kɛ́ la m̀ɓán ɔ byɛ́ɛ̄; misɔ́n mɔ́ɔ má tiile míg loo mí mí ɔ́sū nsɔŋgí.

Biyɛ́ɛ́léné 2:2

«Mag yí mísɔ̄n mɔ́ɔ, ndutu yɔɔ la m̀ɓán wɔ́ɔ, mag yí nɛ́ ɔh byɛ́ɛ́ ɓé eɔ́hánɛ ányúū bíɓēɓéyɛ bí ɓot. Wa céglɛ̄ ɓáŋ bísɛ bí ŋga lága nɛ́ bí lɛ ɓáōmɓɛ, ndom nɛ́ bí sē ɓé ɓɔ̄, la wá wu ɛ́n nɛ bí lɛ́ ɓot bí minaa.

Biyɛ́ɛ́léné 2:9

«Mag yí ésɔghe yɔ́ɔ la liyɛ́ɛ́ jɔ́ɔ, tɔ náŋ ákaa ɔ lɛ m̀byaŋ; mag yí mam bí ŋga ɓéeyɛ wa la ɓá bí ŋga sɛ̄gɓan nɛ́ bí lɛ́ ɓɔ́ɔ̄n bí Élōg-Yúda; ndom nɛ́ bí sē ɓé ɓɔ̄, bí lɛ́ ja ‹ɓot bí nlɔŋ á Sátan›.

Biyɛ́ɛ́léné 3:15

«Mag yí misɔ́n mɔ́ɔ. Ɔ ŋgɔ́ vɔ́l ɓé, ɔ ŋgɔ́ nyám ɓé. Ɛ́ ɓɔŋ tɔ nɛ́ ɔg vɔ́l, tɔ li nyám!

Biyɛ́ɛ́léné 3:2

Ɓɛ́ pɛɛ! Ólɓɛ́ yé ɛ́sɛ ɛ́ ŋgí tɔɔ́ wa á éniŋ, yɔ́g ɛ́ táág wú, átɔm nɛ́ ma sɔm nɛ mísɔ̄n mɔ́ɔ mí byɛ́ɛ́ anɛ́g á miíh mí Ɔlolómɛ̄ wama.

Biyɛ́ɛ́léné 3:8

«Mag yí misɔ́n mɔ́ɔ. Ɛ́n sig, ma áhyɛ́ líkooká ɔ́sū vɔ́ɔ, jé tɔ mut a ŋgá la ɓé lí leg. Ɔh byɛ́ɛ́ ɓé pɛ ŋguu taŋ, ndí tɔ náŋ, wa náŋɛ éɓaŋgá yama, wāh táŋɓan ɓé ki ma.

Biyɛ́ɛ́léné 4:5

Yé ɛ́ ŋgí pámle múŋ á yéŋ etɔɓé-líkanʼyɛ ɛ́ ɓɛ́ɛ́: m̀wɛg, mbámká yí mbambat la eduŋgú yé mpɔ́t. Bitúlkáŋ nzambúwá bí ŋga páa ákaa nzáan lisalká bí ɓɛ́ɛ́ ɔ́sū ví yéŋ etɔɓé-líkanʼyɛ, bíŋ bitúlkáŋ bí lɛ́ mímbūl nzambúwá mí Ɔ́lolómɛ̄.

Biyɛ́ɛ́léné 5:6

Váŋ nɛ́ ma ɛ́n hɔ́, mɔɔ́n ntómbɛ́ nyɔ́ a ɓɛ́ɛ́ ɔ́ŋgɛn ɓá sɛ́m líbīt á lí tíi á nsúlé, á tɛ́ɛ́ á m̀mím á étɔɓé-líkanʼyɛ, á póla biveglé bínáa, lá a m̀mím á éti ɓacɛ́ŋ bí ékombo-lóō. A ɓɛ́ɛ́la míɓēg nzambúwá la miíh nzambúwá mí mí lɛ́ mímbūl nzambúwá mí Ɔ́lolómɛ̄, mí a ómóó á ŋkɔŋ-á-sí ásɛ.