Biyɛ́ɛ́léné 22:4 - Esaa-líat ɛ́ péná

⁴ Bíg kɛ li ɛ́n lí asú wɛ́ɛ́, joó jɛ́ɛ́ ki líg ɓɛ́ nciíg á mbɔm yáɓá.

Biyɛ́ɛ́léné 22:4 ပူးပေါင်းရင်းမြစ်များ

Matéus 5:8

Misɔ́tá la ɓá bí ŋga púú mímīm, bíg kɛ li ɛ́n lí Ɔ́lolómɛ̄.

Yohánɛs 12:26

Tɔ nzáá a ŋga sómo ma lí ɓɔŋle, a ōŋ ma, átɔm nɛ́, ápah mi lɛ, m̀ɓɔŋle wama ki ag ɓɛ́ váŋ. Tɔ nzáá ki a ŋga ɓɔ̄ŋle ma, Etāa nyɛ́g ag kɛ nyɛ́ lí ditɛ.

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Elōg-Kɔlínto 1 13:12

Ndí nyí lɛn, biíg ɛ́n mam mbɛmɛ́-mbɛmɛ́ ákaa á ŋkunūg á élembán, ndí á álɔ̄ á ŋga kɛ́ li sɔ́, bíg kɛ mɔ́ lí ɛ́n pɛ́lɛ́ŋ. Nyí vɔ́ŋɔ́ɔ eyí yáma yá tunu, ndí múŋ á nyúŋ álɔ̄ á ŋga kɛ́ li sɔ́, mag kɛ li yí lí mām ákaa Ɔ́lolómɛ̄ a ŋga yí ma.

Elōg-Hébɛl 12:14

Somlán lí ɓɛ́ lí nsaŋ la ɓot bísɛ, miní sōmó ki li niŋ lí éniŋ ɛ́ ŋga nyɛ́ɛle Ɔlolómɛ̄ yé ɛ́ lɛ́ nɛ, ah náŋ ɓé, mut tɔ wa a ŋgá kɛ ɓé lí ɛ́n lí Nyɔ́ŋ-Ɛsáŋɛ́.

Biyɛ́ɛ́léné 14:1

La ma Yohánɛs mu ɛ́n, mɔɔ́n ntómbɛ́ a tɛ́ɛ á ɔ́kolá vícɛ̄ŋ ví Síon, elɔŋ la yé eɓógo ákōō la muúmínáa la ánáa yé ɓot. Mut sig múŋ á yéŋ elɔŋ a ɓɛ́ɛ́la joó lí mɔɔ́n ntómbɛ́ la jé lí Ɛsáŋɛ́ nciíg á mbɔm.

Biyɛ́ɛ́léné 3:12

Ǹdí-cíŋ, mag kɛ nyɛ́ lí yaanɛ lí mbíi yí ndáá-ēcɛ́ŋ-Ɔlolómɛ̄ Loó jáma, m̀ɓá, a ŋgá kɛ ɓé pɛ li pám múŋ; mag kɛ li cii lí jóō lí Ɔlolómɛ̄ wama á nyúū yɛ́ɛ̄, la joó lí tísɔn nyí Ɔlolómɛ̄ wama, nyí ɛ lɛ̄ Yelúsalɛm nyí péná ya ómɓɛ́ la Loó jama. Mi cii ki joó jáma lí péná á nyúū yɛ́ɛ̄.

Biyɛ́ɛ́léné 7:3

«Nyɔŋán lítāt, miníh ví buulɛ́gɛ́ ɓé sí, túwɛ tɔ biéé, nɛ́-tɛ́ɛ ɓá átyɛ́ bíɓátan bí ndembye á mbɔm yí ɓaɓɔŋle bí Ɔlolómɛ̄ wahá.»