Biyɛ́ɛ́léné 22:2 - Esaa-líat ɛ́ péná

² Á m̀mím á voóm á liŋgíndá nyɔ́ a tísɔn, ápah lɔm lá káaɓan bípah bíɓáa, tín eéé ɛ́ ŋga tíi eniŋ ɛ́ lɛ váŋ, ɛ ŋgí wúm jóom lí ŋgele la ɛ́ɓáa á m̀bú. Sóŋ sig, ɛ́g tíi mitám, awáá wɛ́ɛ́ ki ag óŋgánɛ á lí tála lí ɓot.

Biyɛ́ɛ́léné 22:2 ပူးပေါင်းရင်းမြစ်များ

Lúkas 4:18

M̀búl á Nyɔ́ŋ-Ɛsáŋɛ́ á káhɛ á lóō jáma, nyɛ́ nɛ́ a pɔ́hɔ̄ ma nɛ́ mi lɛgɛ ɓot bí ŋgɔ́ɔ́ Pɔ́l m̀ɓɛɛŋ. Ɔ óm ma li lɛgɛ lí ɓot-bí-míɓog nɛ́ bíg kɛ li tɛ́lɛ lí kundɛ; nɛ́ ɓot-bí-ndím bíg kɛ́ li ɛ́n, nɛ́ ɓá bí lɛ a ndutu, bíg kɛ́ li kuh lí étɔ́hɔ;

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.

Biyɛ́ɛ́léné 2:7

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ: Ǹdí-cíŋ, mag kɛ nyɛ́ lí tíi lí eéé éniŋ ɛ́ tɛ́ɛ́ á paladīs nyí Ɔlolómɛ̄ ákaa lidí.»

Biyɛ́ɛ́léné 21:21

Jéŋ jóom lí míkooká la míɓáa lí ɓɛ́ɛ́ jóom lí taŋ ŋgɔg ɛ́ ŋga páa. Likooká sig lá vegɓɛ́ la taŋ ŋgɔg ya ɛ ŋga páa. Voóm a liŋgíndá a tísɔn a ɓɛ́ɛ́ la taŋ góol ákaa ŋgɔg ɛ ŋga púnan la elembán yé lɛ́ nɛ kí ɔ tɛ́ɛ á yé epah ɔg ɛ́n yéŋé.

Biyɛ́ɛ́léné 21:24

Bikombo bíg kɛ li wɛɛhɛnɛ á mipúú mɛ́ɛ́, káísa yí ŋkɔŋ-á-sí ɛ́g kɛ li sɔ́la lí abyaŋ wáɓá múŋ á nyíŋ tísɔn.

Biyɛ́ɛ́léné 22:1

Ámbúh náŋ, áŋgɛl yu étɛ́ ma Yohánɛs lɔm lí míndīm mí éniŋ, mí ŋga páa ákaa elembán. Míŋ mindím míg pámléne á étɔɓé-líkanʼyɛ yé Ɔ́lolómɛ̄ la yé mɔ́ɔ̄n ntómbɛ́.

Biyɛ́ɛ́léné 22:14

Misɔ́tá la ɓot bí ŋga só mbɔ́tí yáɓá, bí byɛ́ɛ kundɛ li dí lí eéé yé éniŋ la li níŋgléne á míkooká mí tísɔn.

Biyɛ́ɛ́léné 22:19

Tɔ nzáá ki a ŋga ɓógtɛ jam á bíɓaŋgá bí nyíŋ kálati, Ɔlolómɛ̄ nyɛ́g ag kɛ li ɓógtɛ lí joga jɛ́ɛ́ lí lɛ́ á eéé éniŋ la á tísɔn epúán jé lá ciiɓɛ́ á nyí kálati.»