Biyɛ́ɛ́léné 22:17 - Esaa-líat ɛ́ péná

¹⁷ M̀búl Ɔ́lolómɛ̄ la sɔ́mbɔ́ mindígá bíg lága nɛ́: «Sɔ́!» Tɔ nzáá a ŋga ámble nyɛ́g a lágá nɛ́: «Sɔ́!» Tɔ nzáá évēhé ɛ́ byɛ́ɛ̄ a sɔ̄. Tɔ nzáá a byɛ́ɛ̄ kóó li nyú lí míndīm mí éniŋ, a kūh mɔ́ yɛmɛ́.

Biyɛ́ɛ́léné 22:17 ပူးပေါင်းရင်းမြစ်များ

Yohánɛs 1:37

Ɛnɛ́ ɓayége ɓɛ́ɛ́ bíɓáa ɓá ámblé nyɛ́ ag laga náŋ, bú ōŋ Yésus.

Yohánɛs 4:10

Yésus ɔ pélē hɔ́ nyɛ nɛ́: «Ki ɓɔŋ nɛ́ ɔg yí likaale lí Ɔlolómɛ̄, la nzáá a ŋga lága wa nɛ́ tí ma mindím mí lí nyú, kí wa nɛ́ ɔ ŋgɔ yága nyɛ́ mɔ́, la nyɛ́ a tí wa míndīm mí éniŋ.»

Yohánɛs 4:11

Mindígá aá la nyɛ́ nɛ́: «Ɛtáŋɛ, ɔh byɛ́ɛ́ ɓé tɔ eáálé-míndīm, eɓél ki yá nɛŋɛ́ á sí; míŋ mindím mí éniŋ, ɔg áá mɔ́ la yéé é?

Yohánɛs 4:14

ndí tɔ nzáá a ŋga kɛ́ li nyú lí míndīm mi ŋga kɛ́ nyɛ́ lí tíi, m̀ɓá-mɓá evéhé ɛ́ ŋga kɛ ɓé pɛ nyɛ́ lí byee; á mveŋghanɛ́ mindím mi ŋga kɛ́ nyɛ́ lí tíi, á até wɛ́ɛ̄ míg kɛ li yaan lí líŋgɛ̄n ápah eniŋ éɓem ɛ́ ŋga pámle.»

Yohánɛs 4:29

«Sɔ́án miní ɛ́n mut nyɔ́, a lága ma mam mísɛ ma ɓɔ̄ŋ! Nɛ́ nyɛ́ ɓé nɛ a lɛ Nyɔ́-a-Pɔ́hlɛ é?»

Yohánɛs 7:37

Á ɔlɔ́ ví ŋgand vá tiile, ví ví ɓɛ́ɛ́ ki m̀bya ǹcɛ́ŋ, Yésus ɔ tɛ́lɛ, ɔ ɓōtlé li lɛgɛ nɛ́: «Kíyáɓɛ́nɛ evéhé ɛ́ byɛ́ɛ́ mut, a sɔ́ a ɛ́n ma, a nyū.

Elōg-Lóma 3:24

Ndí, ányúū ekɔnan-ŋgɔ́ɔ́ yɛ́ɛ́, a tɛ́ɛ́yɛ́ ɓot sim yɛmɛ́ li kele la Yésus Kilístus nyɔ́ a mān lí ɓógtɛ lí ɓot á áɓē.

Elōg-Kɔlínto 1 2:12

Ɓɛ́hɛ, ɓāh kuh ɓé m̀búl nyú á ŋkɔŋ-á-sí, ndí ɓa kūh M̀búl nyú á ŋga sɔ́le la Ɔlolómɛ̄, nɛ́ ndí bi lēm mikaale mí ŋga sɔ́le la ékɔnan-ŋgɔ́ɔ́ yɛ́ɛ́.

Biyɛ́ɛ́léné 14:13

La ma mú ámblé cíŋ ɛg sɔ́le á lóō ɛg laga nɛ́: cií nɛ́, «Nyí vɔ́ŋɔ́ɔ, misɔ́tá la ɓá bí ŋga wúēle até á ŋyéɓé á Nyɔ́ŋ-Ɛsáŋɛ́! M̀búl ag yó kɔɔ nɛ́, bí nyɔŋ evɛɛɓan yé misɔ́n máɓá, átɔm nɛ́ misɔ́n máɓá mí m̀ɓɛɛŋ, míg oŋ ɓɔ́.»

Biyɛ́ɛ́léné 2:7

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ: Ǹdí-cíŋ, mag kɛ nyɛ́ lí tíi lí eéé éniŋ ɛ́ tɛ́ɛ́ á paladīs nyí Ɔlolómɛ̄ ákaa lidí.»

Biyɛ́ɛ́léné 21:2

La ma mu ɛ́n tísɔn epúán, Yelúsalɛm nyí péná ɛg sɔ́le á lóō á yóg Ɔlolómɛ̄, ɛ jáhɛ ákaa sɔ́mbɔ́ mindígá nɛ ya ɓōŋhán lí kɛ á yóg nlóm wɛ́ɛ̄.

Biyɛ́ɛ́léné 21:6

La nyɛ́ ɔ lága sīg-pɛ ma nɛ́: «Mɔ́mísɛ má yál. Mi lɛ Álfa la Oméga, miɓotlé la lisúg. Nyɔ́ la nyɔ́ evéhé ɛ́ byɛ́ɛ̄, mag kɛ nyɛ́ lí tíi lí míndīm mí líŋgɛ̄n lí éniŋ yɛmɛ́.

Biyɛ́ɛ́léné 21:9

Váŋ nɛ́ áŋgɛl ya até á yí nzambúwá yí ɓɛ́ɛ́ ɛ́ ɓɛ́gɛ miɓondó nzambúwá, ŋyálāg la bisɔghe byá tiile nzambúwá ya sɔ́ ma li laga nɛ́: «Sɔ́, mag kɛ wa li étɛ lí évān, ŋ̀gáá mɔ́ɔ̄n ntómbɛ́.»

Biyɛ́ɛ́léné 22:1

Ámbúh náŋ, áŋgɛl yu étɛ́ ma Yohánɛs lɔm lí míndīm mí éniŋ, mí ŋga páa ákaa elembán. Míŋ mindím míg pámléne á étɔɓé-líkanʼyɛ yé Ɔ́lolómɛ̄ la yé mɔ́ɔ̄n ntómbɛ́.

Biyɛ́ɛ́léné 22:16

Ma Yésus, ma óm áŋgɛl yama nɛ́ ɛ yɛ́ɛ́léné ɓɛ́nɛ míŋ mam mísɛ á Bíɓasɛ. Ma, mi lɛ ntɔ́m á m̀biya á káísa Dávid, ɔtɛ́ ví ŋga páa ví miyɛ́ mí kítí.»

Biyɛ́ɛ́léné 7:17

Átɔm nɛ́ mɔɔ́n ntómbɛ́ nyɔ́ a tɛ́ɛ́ á m̀mím á étɔɓé-líkanʼyɛ, ag ɓɛ́ ǹtát wāɓá ɓɔ́ jéŋ liɓembá; ag kɛ ɓɔ́ lí kɛla á míŋgɛ̄n mí míndīm mí éniŋ. Ndí Ɔlolómɛ̄ ki a tɔh ɓɔ́ bíya á miíh.»