Biyɛ́ɛ́léné 22:1 - Esaa-líat ɛ́ péná

¹ Ámbúh náŋ, áŋgɛl yu étɛ́ ma Yohánɛs lɔm lí míndīm mí éniŋ, mí ŋga páa ákaa elembán. Míŋ mindím míg pámléne á étɔɓé-líkanʼyɛ yé Ɔ́lolómɛ̄ la yé mɔ́ɔ̄n ntómbɛ́.

Biyɛ́ɛ́léné 22:1 ပူးပေါင်းရင်းမြစ်များ

Yohánɛs 13:32

Ɔlolómɛ̄ nyɛ́-mɛ̄n ag kɛ li étɛ lí lípēm lí Mɔɔ́n, ag kɛ jɔ́ lí étɛ puh eceg.

Yohánɛs 15:26

«Eceg mi ŋga kɛ́ li timan á mbóg Etāa, mag ómle ɓɛ́nɛ M̀mɔ́mɛ, nyɛ́ nɛ́ a lɛ M̀búl á mbálɛ a ŋga sɔ́le á mbóg Etāa. Nyɛ́-mɛ̄n ki nɛ́ a ŋga kɛ́ li tíi lí mbóŋ yáma.

Yohánɛs 4:14

ndí tɔ nzáá a ŋga kɛ́ li nyú lí míndīm mi ŋga kɛ́ nyɛ́ lí tíi, m̀ɓá-mɓá evéhé ɛ́ ŋga kɛ ɓé pɛ nyɛ́ lí byee; á mveŋghanɛ́ mindím mi ŋga kɛ́ nyɛ́ lí tíi, á até wɛ́ɛ̄ míg kɛ li yaan lí líŋgɛ̄n ápah eniŋ éɓem ɛ́ ŋga pámle.»

Misɔ́n mí Ɓáōmɓɛ 2:33

Ɔlolómɛ̄ ɔ ɓétɛ nyɛ á m̀ɓɛ́nlómɛ wɛɛ́, Ɛsáŋɛ́ ɔ tí nyɛ M̀búl Mpúán a kakáánɛ, nyɛ́g ɔ kúúlé ɓɛ́hɛ wɔ́, kaa miní lɛ́ lí ɛ́n la li ámble.

Biyɛ́ɛ́léné 1:1

Nyí kálati ɛ byɛ́ɛ biyɛ́ɛ́léné bí Yésus Kilístus a ŋga yíhɛ; Ɔlolómɛ̄ a tí nyɛ bíŋ biyɛ́ɛ́léné á li ɓɔŋ nɛ́ a yíhɛ́ ɓaɓɔŋle ɓɛ́ɛ́ yé ɛ ŋga kɛ́ li sɔ́ puh eceg. A yíhɛ́ ɓɔ́ náŋ li loole la áŋgɛl yɛ́ɛ̄ a ómlé m̀ɓɔŋle wɛɛ́ Yohánɛs,

Biyɛ́ɛ́léné 21:11

Ɛ ŋgí paa la lipém lí Ɔlolómɛ̄ jɔ́-mɛ̄n. Epaa yɛ́ɛ́ ɛ́ ɓɛ́ɛ́ ákaa taŋ ŋgɔg, ákaa patí ŋgɔg ya ɛ ŋga ɛ́ni yé epah la yéŋé bí ŋga yáŋa nɛ́ yáspe.

Biyɛ́ɛ́léné 21:6

La nyɛ́ ɔ lága sīg-pɛ ma nɛ́: «Mɔ́mísɛ má yál. Mi lɛ Álfa la Oméga, miɓotlé la lisúg. Nyɔ́ la nyɔ́ evéhé ɛ́ byɛ́ɛ̄, mag kɛ nyɛ́ lí tíi lí míndīm mí líŋgɛ̄n lí éniŋ yɛmɛ́.

Biyɛ́ɛ́léné 21:9

Váŋ nɛ́ áŋgɛl ya até á yí nzambúwá yí ɓɛ́ɛ́ ɛ́ ɓɛ́gɛ miɓondó nzambúwá, ŋyálāg la bisɔghe byá tiile nzambúwá ya sɔ́ ma li laga nɛ́: «Sɔ́, mag kɛ wa li étɛ lí évān, ŋ̀gáá mɔ́ɔ̄n ntómbɛ́.»

Biyɛ́ɛ́léné 22:17

M̀búl Ɔ́lolómɛ̄ la sɔ́mbɔ́ mindígá bíg lága nɛ́: «Sɔ́!» Tɔ nzáá a ŋga ámble nyɛ́g a lágá nɛ́: «Sɔ́!» Tɔ nzáá évēhé ɛ́ byɛ́ɛ̄ a sɔ̄. Tɔ nzáá a byɛ́ɛ̄ kóó li nyú lí míndīm mí éniŋ, a kūh mɔ́ yɛmɛ́.

Biyɛ́ɛ́léné 22:6

Ámbúh náŋ, áŋgɛl yu lága ma Yohánɛs nɛ́: «Bí biɓaŋgá bí tɛ́ɛ́, bú ɓɛ́ ki mbálɛ. Nyɔ́ŋ-Ɛsáŋɛ́ Ɔlolómɛ̄ nyɔ́ a tí ɓápɔ́tle-bí-Ɔ́lolómɛ̄ ɓɛ́ɛ́ éyī, a óm áŋgɛl yɛ́ɛ̄, nɛ́ ɛ étɛ ɓáɓɔŋle ɓɛ́ɛ́ yé ɛ́ ŋga kɛ́ li sɔ́ puh eceg.»

Biyɛ́ɛ́léné 3:21

Ǹdí-cíŋ, ag kɛ li tɔɔ elɔŋ la ma á étɔɓé-líkanʼyɛ yama, ákaa mág ma tɔ́ɔ̄ la Etāa á étɔɓé-líkanʼyɛ yɛ́ɛ́ eceg ma dí cíŋ.

Biyɛ́ɛ́léné 5:13

Váŋ nɛ́ ma ámblé ki biveglé bí lɛ́ á lóō, bí bí lɛ́ á sí, bí bí lɛ́ á sí-ntím la á túwɛ; byɔ́ bísɛ bíg lón nɛ́: «Eɓégɛ, adit, lipém, la ŋguu bí ɓɛ́la nyɔ́ a tɔɔ́ á étɔɓé-líkanʼyɛ, nyɛ́ la mɔɔ́n ntómbɛ́ á éɓem la á éɓem.»

Biyɛ́ɛ́léné 5:6

Váŋ nɛ́ ma ɛ́n hɔ́, mɔɔ́n ntómbɛ́ nyɔ́ a ɓɛ́ɛ́ ɔ́ŋgɛn ɓá sɛ́m líbīt á lí tíi á nsúlé, á tɛ́ɛ́ á m̀mím á étɔɓé-líkanʼyɛ, á póla biveglé bínáa, lá a m̀mím á éti ɓacɛ́ŋ bí ékombo-lóō. A ɓɛ́ɛ́la míɓēg nzambúwá la miíh nzambúwá mí mí lɛ́ mímbūl nzambúwá mí Ɔ́lolómɛ̄, mí a ómóó á ŋkɔŋ-á-sí ásɛ.

Biyɛ́ɛ́léné 7:17

Átɔm nɛ́ mɔɔ́n ntómbɛ́ nyɔ́ a tɛ́ɛ́ á m̀mím á étɔɓé-líkanʼyɛ, ag ɓɛ́ ǹtát wāɓá ɓɔ́ jéŋ liɓembá; ag kɛ ɓɔ́ lí kɛla á míŋgɛ̄n mí míndīm mí éniŋ. Ndí Ɔlolómɛ̄ ki a tɔh ɓɔ́ bíya á miíh.»