Biyɛ́ɛ́léné 21:3 - Esaa-líat ɛ́ péná

³ Váŋ nɛ́ ma ámblé élōh cíŋ nyí ɛ ŋgí pámle á étɔɓé-líkanʼyɛ ɛg yó nɛ́: «Lindúm ápah Ɔlolómɛ̄ a lɛ la ɓot jé» ag kɛ li ɓɛ́ lí elɔŋ la ɓɔ́. Ɓɔ́, bíg kɛ li ɓɛ́ lí milóm mɛ́ɛ́, nyɛ́g a ɓɛ́ Ɔlolómɛ̄ waɓá.

Biyɛ́ɛ́léné 21:3 ပူးပေါင်းရင်းမြစ်များ

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 14:23

Yésus ɔ pélē nyɛ nɛ́: «Tɔ nzáá a ŋga díŋɛ ma, ag naŋɛ eɓaŋgá yáma, Etāa ki ag kɛ nyɛ́ lí díŋɛ, ma la Etāa biíg sɔ́ á yóg yɛ́ɛ̄, bi tɔ́ɔ̄ elɔŋ la nyɛ́.

Elōg-Kɔlínto 2 6:16

Ɓaá yéé ndáá-ēcɛ́ŋ-Ɔlolómɛ̄ la bisát bí byɛ́ɛ̄ élɔŋ é? Á mbálɛ, ɓɛ́hɛ bi lɛ ndáá-ēcɛ́ŋ-Ɔlolómɛ̄, Loó lí éniŋ ákaa nyɛ́-mɛ̄n a ŋga pɔ́t nɛ́: «Mag kɛ li tɔɔ á póla yaɓá, mi wɛ́ɛ́ ki la ɓɔ́, mag kɛ li ɓɛ́ lí Lōó jáɓá, ɓɔ́g bí ɓɛ́ lilóm jáma.»

Elōg-Kɔlínto 2 6:18

Mag kɛ li ɓɛ́ lí ɛ́sɔ̄ŋɛ́ wāná, ɓɛ́nɛ ki miní ɓɛ́ ɓɔɔ́n ɓáma bí páam la ɓá bí ŋgɔn. Ma, Nyɔ́ŋ-Ɛsáŋɛ́ a ŋguu mísɛ nɛ́ mi ŋga pɔ́t.»

Elōg-Tésaloníka 1 3:11

Ɔlolómɛ̄ Etāa wahá nyɛ́-mɛ̄n, la Ɛtáŋɛ wahá Yésus, bí légē ɓɛ́hɛ nzen ɛ ŋga pám á mbóg yāná!

Elōg-Hébɛl 11:16

Á mbálɛ, bí ŋgí somo lí ɓɛ́la lí ɛwáɓá ŋkɔŋ nyú wá loohán élɔ́ŋgɔ, nyú á lɛ́ á lóō. Ányúū náŋ nɛ́ Ɔ́lolómɛ̄ a ŋgá kɔn ɓé ɔ́sɔ̄n lí yáŋlɛ́ɛ nɛ́ Loó jáɓá, kasig a ɓōŋhán ɓɔ tísɔn ewút.

Elōg-Hébɛl 8:10

Nyɔ́ŋ-Ɛsáŋɛ́ ag kɛ la ɔsú nɛ́: «Esaa-líat mi ŋga kɛ́ li ɓɔ̄ŋ la lilóm lí Íslāɛl, ámbúh nyúŋ alɔ́ yɔ́ yé nɛ́, eceg mi ɓɛ́ mag tíi ɓɔ́ mbéndá yáma, mag kɛ ja yɔ́ lí cíi á míɔ̄ŋɔ máɓá la á mímīm máɓá. Mag kɛ li ɓɛ́ lí Loó jáɓá, ɓɔ́g bí ɓɛ́ lilóm jáma.

Elōg-Hébɛl 8:2

Nyɛ́ nɛ́ a lɛ á nsɔ́n á ndugá púán, náŋ ɛnɛ á taŋ lindúm jé lá óŋɓɛ́ la Nyɔ́ŋ-Ɛsáŋɛ́, ndí ah la mut-a-binam ɓé.

Biyɛ́ɛ́léné 10:4

Eceg mbámká nzambúwá yí mbambat yá ámblɛ́, mu sōmó lí cii, la ma mu ámblé cíŋ ya sɔ́lé á lóō ɛg laga ma nɛ́: «Sɔɔ́ njɛn á yí mbámká nzambúwá yí mbambat, ɔh ciíg ɓé wɔ.»

Biyɛ́ɛ́léné 10:8

Váŋ nɛ́ cíŋ mi ámbléé ɛg sɔ́le á lóō ya yó sīg-pɛ ma nɛ́: «Kɛɛ́n, nyɔ̄ŋ nyíŋ kálati ɛ áhɛ́ á wɔ á áŋgɛl nyí ɛ tɛ́ɛ́ á lóō lí túwɛ la á sí.»

Biyɛ́ɛ́léné 12:10

La ma Yohánɛs mu ámblé cíŋ ecɛ́ŋ ɛ́g lón nɛ́: «Eceg lísuŋga hɔ́ yé yá kɔlan, eceg yé mbimban la yé likanʼyɛ lí Ɔlolómɛ̄ wahá. Nyí vɔ́ŋɔ́ɔ, likanʼyɛ li lɛ́ á mɔ mí Nyɔ́-a-Pɔ́hlɛ wɛɛ́ átɔm nɛ́, ǹsɔ́mánɛ elōgétāŋ yáhá a lééɓɛ́ á sí enɛŋɛ́ la lóō; nyɛ́ nɛ́ a ŋgí sɔ́mánɛ ɓɔ́ díɓe la nzámuh ɔ́sū ví Ɔ́lolómɛ̄ wahá.

Biyɛ́ɛ́léné 21:7

Embámbá ǹdí-cíŋ a ŋga kɛ̄ li koto ɛ́g ɓɛ́ nɛ́: ma mag ɓɛ́ Lōó jɛ́ɛ́, nyɛ́g a ɓɛ́ mɔɔ́n wáma.

Biyɛ́ɛ́léné 22:3

Eɓómá ɛ́ ŋgá kɛ ɓé pɛ li ɓɛ́. Etɔɓé-líkanʼyɛ yé Ɔ́lolómɛ̄ la mɔɔ́n ntómbɛ́ ɛ́g ɓɛ́ á tísɔn, ɓaɓɔŋle ɓɛ́ɛ́ ɓɔ́g bíg kɛ nyɛ́ lí ɓɔŋle lí esaa epúán.

Biyɛ́ɛ́léné 7:15

Ányúū náŋ nɛ́ bí tɛ́ɛ́ ɔ́sū ví étɔɓé-líkanʼyɛ yé Ɔlolómɛ̄, á lí ɓɔŋle lí nyɛ esaa púán díɓe la nzámuh átē a ndáá-ēcɛ́ŋ-Ɔlolómɛ̄ yɛ́ɛ̄. Ndí nyɔ́ a tɔɔ́ á étɔɓé-líkanʼyɛ, ag kɛ ɓɔ́ lí bútyɛ á líndūm jɛ́ɛ́.