Biyɛ́ɛ́léné 21:23 - Esaa-líat ɛ́ péná

²³ Nyíŋ tísɔn ɛh ɓɛ́ɛ́la ɓé kóó la mipúú mí vaŋgá tɔ la mí mí sóŋ nɛ mí páayɛ́ yɔ, ányúū nɛ, lipém lí Ɔlolómɛ̄ líg paayɛ yɔ, mɔɔ́n ntómbɛ́ ki ɔ ɓɛ́ etúlkáŋ yɛ́ɛ́.

Biyɛ́ɛ́léné 21:23 ပူးပေါင်းရင်းမြစ်များ

Matéus 16:27

Átɔm nɛ́ Mɔɔ́n Mut ag kɛ li sɔ́ elɔŋ la áŋgɛl yɛ́ɛ́ átē a lipém lí Ɛ́sāŋɛ́. La náŋ, ag kɛ li sála lí mut sig li oŋle la miɓɔŋɔg mɛ́ɛ́.

Málkus 8:38

Ányúū nɛ́ nyɔ́ la nyɔ́ a ŋga kɔ̄n ɔsɔ́n ányúū yáma la ányúū biɓaŋgá byáma ɔ́sū ví nyí nyɔŋɔn ɛ lɛn, nyí miɓé, nyí yāh tiŋɓe ɓé la Ɔlolómɛ̄, Mɔɔ́n Mut nyɛ́g ag kɛ li kɔn lí ɔsɔ́n ányúū yɛ́ɛ̄, eceg a ŋga kɛ́ li sɔ́ elɔŋ la áŋgɛl epúán átē a lipém lí Ɛ́sāŋɛ́.»

Lúkas 2:32

mipúú mí ŋga páaye ɓá bí sē ɓé ɓɔ́ɔ̄n bí Élōg-Yúda, la lipém lí Íslāɛl lilóm jɔ́ɔ.»

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 1:18

Mut tɔ wa a ɓáág ŋgí lí ɛ́n lí Ɔ́lolómɛ̄, amáh sig pɔmbɛ Mɔɔ́n Ɔ́lolómɛ̄ nyɔ́ a lɛ Ɔ́lolómɛ̄, nyɔ́ a ŋga nīŋ átē á Ɛsáŋɛ́, nyɛ́ a étɛ́ ɓɛ́hɛ nyɛ́.

Yohánɛs 1:4

La yɔ́ nɛ́ jam sig lá kuh éniŋ, la eniŋ yú ɓɛ́ mipúú mí ɓot.

Yohánɛs 1:9

Eɓaŋgá nɛ ɛ́ ɓɛ́ɛ́ mipúú mí mbálɛ, mí má sɔ́ á ŋkɔŋ-á-sí la mɔ́ mú paayé ɓot bísɛ.

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Yohánɛs 5:23

á lí ɓɔŋ nɛ́ ɓot bísɛ bí ditɛ́ Mɔɔ́n kaa bí ŋga dítɛ Ɛsáŋɛ́. Tɔ nzáá a ŋgá ditɛ ɓé Mɔɔ́n, a ŋgá ditɛ ɓé tɔ ki Ɛsáŋɛ́ nyɔ́ a óm nyɛ.

Misɔ́n mí Ɓáōmɓɛ 22:11

Ndí, kaa yéŋ epaa mipúú ɛ́ dímíí ma miíh, miwándá máma mí dúwɛ mú byeé ma á wɔ, mú wɛ́ɛ̄la ma nɛ́-tɛ́ɛla á tísɔn Dámas.

Biyɛ́ɛ́léné 14:4

Ɓɔ́, bíh ɓɔ̄ŋɔ́ɔ ɓé mpuŋgú la ɓondígá, la náŋ, bí lɛ́ kɔ́njí. Ɓɔ́, bíg oŋ mɔɔ́n ntómbɛ́ tɔ véé á ŋga kɛ̄. Ɓɔ́ nɛ́ ɓá sómɓɛ́ la micii até á ɓot-bí-bínam, jɔ́ nɛ́ ɓá dúgu lí tíéɓɛ lí Ɔ́lolómɛ̄ la mɔɔ́n ntómbɛ́ ákaa mpumu ɔ́sū;

Biyɛ́ɛ́léné 18:1

Ma Yohánɛs mu ɛ́n sīg-pɛ áŋgɛl etám ɛg sɔ́le á lóō. Kasig ɛ ɓɛ́ɛ́la likanʼyɛ licɛ́ŋ, sí yu yál la lipém jɛ́ɛ́.

Biyɛ́ɛ́léné 21:11

Ɛ ŋgí paa la lipém lí Ɔlolómɛ̄ jɔ́-mɛ̄n. Epaa yɛ́ɛ́ ɛ́ ɓɛ́ɛ́ ákaa taŋ ŋgɔg, ákaa patí ŋgɔg ya ɛ ŋga ɛ́ni yé epah la yéŋé bí ŋga yáŋa nɛ́ yáspe.

Biyɛ́ɛ́léné 21:25

Mikooká mɛ́ɛ́ mí ŋgá kɛ ɓé pɛ li legɓan, átɔm nɛ́ díɓe lí ŋgá ɓɛ́ ɓé pɛ múŋ á nyɔ́ŋ voóm.

Biyɛ́ɛ́léné 22:5

Díɓe lí ŋgá ɓɛ́ ɓé pɛ, mut tɔ wa a ŋgá ɓɛ́la ɓé pɛ kóó mipúú mí étūlkáŋ tɔ mipúú mí vaŋgá, átɔm nɛ́ Ɛtáŋɛ Ɔlolómɛ̄, ag kɛ ɓɔ́ lí paayɛ la mipúú mɛ́ɛ́, la ɓɔ́ bí tɔɔ la nyɛ́ á éɓem la á éɓem.

Biyɛ́ɛ́léné 5:6

Váŋ nɛ́ ma ɛ́n hɔ́, mɔɔ́n ntómbɛ́ nyɔ́ a ɓɛ́ɛ́ ɔ́ŋgɛn ɓá sɛ́m líbīt á lí tíi á nsúlé, á tɛ́ɛ́ á m̀mím á étɔɓé-líkanʼyɛ, á póla biveglé bínáa, lá a m̀mím á éti ɓacɛ́ŋ bí ékombo-lóō. A ɓɛ́ɛ́la míɓēg nzambúwá la miíh nzambúwá mí mí lɛ́ mímbūl nzambúwá mí Ɔ́lolómɛ̄, mí a ómóó á ŋkɔŋ-á-sí ásɛ.

Biyɛ́ɛ́léné 7:17

Átɔm nɛ́ mɔɔ́n ntómbɛ́ nyɔ́ a tɛ́ɛ́ á m̀mím á étɔɓé-líkanʼyɛ, ag ɓɛ́ ǹtát wāɓá ɓɔ́ jéŋ liɓembá; ag kɛ ɓɔ́ lí kɛla á míŋgɛ̄n mí míndīm mí éniŋ. Ndí Ɔlolómɛ̄ ki a tɔh ɓɔ́ bíya á miíh.»