Biyɛ́ɛ́léné 20:2 - Esaa-líat ɛ́ péná

² Váŋ nɛ́ ya byée nyuŋgu, nlom á nyɔ nyú bí ŋga yáŋa nɛ́ ǹsɔhɔ, tɔ nɛ́ Sátan, la yɔ yu kág nyíŋ nyɔ ányúū ɔkóó ví mímbú.

Biyɛ́ɛ́léné 20:2 ပူးပေါင်းရင်းမြစ်များ

Matéus 19:29

Jɔ́ nɛ́, nyɔ́ la nyɔ́ a ŋga yíg ndáá yɛ́ɛ́, elōgnyāŋ yé páam la yé ɓondígá, ɛsáŋɛ́, nyaŋɛ́, ɓɔɔ́n ɓɛ́ɛ́ tɔ mindíí mɛ́ɛ́ ányúū joó jáma, ag kɛ li kuh náŋ ŋgandag sīg-pɛ, ndí á kūh ki eniŋ éɓem kaa joga.

Matéus 8:29

Váŋ nɛ́ ɓá ɓōtlé lí ɓéglan nɛ́: «Yéé ɔ ŋgɔ sōmle ɓɛ́hɛ á Mɔ́ɔ̄n Ɔ́lolómɛ̄ nyɔ́! Wa sɔ́ ja ɓɛ́hɛ li ɓɔgɔ vá eceg ŋgi lí kɔlan é?»

Málkus 4:15

Jogo lí ɓot lí lɛ ákaa ŋgwáāg nzen ápah Eɓaŋgá yá mwɛ́hɓɛ. Ɓɔ́ nɛ́, ɛnɛ́ ɓá ámblé yɔ, á ékūyá-kúyá Sátan ɔ sɔ́, ɔ ɓógtɛ́ ɓɔ yɔ́ átē wāɓá.

Málkus 5:7

Váŋ nɛ́ a tɛ́ɛ́ nlón la ŋguu nɛ́: «Á Yésus, Mɔɔ́n Ɔlolómɛ̄ Nyɔlɛ, yéé ɔ ŋgɔ sōmle ma é? Sóon á jóō lí Ɔlolómɛ̄, ɔh sɔ́ɔ́g ɓé ma lí ɓɔgɔ.»

Yohánɛs 12:31

Nyí vɔ́ŋɔ́ɔ nɛ́ bí ŋga kááhɛ ɓot bí ŋkɔŋ-á-sí, nyí vɔ́ŋɔ́ɔ, ŋ̀kanʼyɛ a ɓot bí nyú ŋkɔŋ-á-sí ag lééɓɛ á ápūū.

Yohánɛs 16:11

Likɔlɓan la ŋkál, ag kɛ́ li étɛ nɛ́ ɓá yɔ́p ányúū nɛ Ɔlolómɛ̄ a kááhɛ́ ŋ̀kanʼyɛ a nyú ŋkɔŋ-á-sí

Elōg-Lóma 16:20

Puh eceg, Ɔlolómɛ̄ a ŋga tíi nsaŋ ag kɛ li kɔgte lí Sátan nyɔ́ a lɛ ɓɛ́nɛ á sí míkoo. Ndómbo nyí Ɛtáŋɛ wahá Yésus Kilístus ɛ ɓɛ́ la ɓɛ́nɛ.

Elōg-Hébɛl 2:14

Kasig ɓáŋ ɓɔɔ́n bí lɛ́ ɓot-bí-bínam, bú oŋgɓɛ́ nyaa ya á nyuú la á micii, Yésus ki a yāán kaa ɓɔ́, ɔ púnān la ɓɔ́ á líɓɛ́ɛg lí mut-a-binam. Ányúū náŋ nɛ́, li kele la nyɛmb yɛɛ́, a yáanɛ́ ǹsɔhɔ yɛmɛ́, nyɔ́ a mɓɛ́ a byɛ́ɛ́ ŋguu nyí li óm á nyɛmb.

Pétlos 1 5:8

Miníh lɛndkágán ɓé, ɓɛ́án pɛɛ átɔm nɛ́, ǹsɔhɔ, ǹlem waná, ag ciiŋgan váŋ kaa ŋgíla nɛ́ ɛ ŋga ɓám, á lí somo lí mut ɛ ŋga dí.

Pétlos 2 2:4

La mbálɛ, Ɔlolómɛ̄ āh láakɛ́ɛ ɓé áŋgɛl yí ɛ́ ɓɔŋɔ́ɔ́ áɓē, ndí a ómóó yɔ́ á eɓél ɛ́ nzáan, ápah a náŋɛ̄ yɔ ŋkágag la misáŋ mí bícɛɛ, á lí laaŋke lí ɔ́lɔ̄ ví ŋkál.

Yúde 1:6

Nlemlem, áŋgɛl yí yáh naŋɛ ɓé líɓɛ́ɛg jáɓá, ndí yú cóó lítɔɓéné jáɓá, Ɔlolómɛ̄ a náŋɛ̄ yɔ ŋkwɛɛ́hkɛ́gɛ la misáŋ-mí-bícɛɛ átē a livito á nlaaŋkán á ɔ́lɔ̄ vícɛ̄ŋ ví bíkááhɛ́nɛ́.

Biyɛ́ɛ́léné 12:13

Ɛnɛ́ nyuŋgu ya ɛ́n nɛ ya lééɓɛ́ á sí, yu nāŋgá m̀bíí á lí oŋ lí míndīgá nyɔ́ a byál mɔɔ́n-á-páam.

Biyɛ́ɛ́léné 12:15

Váŋ nɛ́ nyíŋ nyɔ ya ló míndīm ŋgandag ákaa mindím mí lɔm á mbúh mindígá nɛ́ mí ɔ́ɔ́ndɛ́ nyɛ́.

Biyɛ́ɛ́léné 12:17

Ŋyálāg la ɔún likɔlɓan la nyɔ́ŋ mindígá, nyuŋgu yu kɛ́ lí duhɛ lí nyíŋí mbota yɛ́ɛ̄ ɛsɛ̄ ya yégle, nyí ɛ ŋgí ógle mbéndá Ɔlolómɛ̄, yu ɓɛ́ ki mbóŋ nyí Yésus.

Biyɛ́ɛ́léné 12:3

Váŋ nɛ́ ndembye etám ya ɛ́ní á lóō. Ɛ ɓɛ́ɛ́ ja m̀ɓáláŋ á nyuŋgu a ŋga vɛ́ɛ ákaa nzáan. Nyíŋ nyuŋgu ɛ ɓɛ́ɛ́la mimú nzambúwá la jóom lí míɓēg, m̀mú sig ki á ɓɛ́ɛ́la ɔtot.

Biyɛ́ɛ́léné 12:4

Mpɛg wɛ́ɛ́ á ŋgí vɔ́l joga já átē á moga míŋháa mí átɛ̄ mí lɛ́ á lóō, wu léé jɔ á sí. Nyuŋgu yu tɛ́lɛ́ ɔ́sū ví míndīgá a ŋgí kogɛ, nɛ́ mɔɔ́n lá li byáa, ɛ mín nyɛ́.

Biyɛ́ɛ́léné 12:9

Nyúŋ m̀ɓáláŋ á nyuŋgu la áŋgɛl yɛ́ɛ́ bú lééɓɛ́ á ŋkɔŋ-á-sí; wɔ́ nɛ́ á lɛ́ nlom á nyɔ, nyú bí ŋga yáŋa nɛ́ Ǹsɔhɔ, Sátan, ŋ̀yɛ́ɛ ŋkɔŋ-á-sí ásɛ;

Biyɛ́ɛ́léné 13:2

Tít mi ɛ́nɛ́ɛ́ ɛ ŋgí punan la nzɛ, miɓɔ mɛ́ɛ́ mí ɓɛ́ɛ́ ákaa miɓɔ mí patí eŋgágáŋ yé éyoo wá; anyu wɛ́ɛ́ á ŋgí punan la anyu á ŋgíla. Nyuŋgu yu tí nyíŋ tít ŋguu yɛ́ɛ̄, yu tí ki yɔ etɔɓé-líkanʼyɛ yɛ́ɛ́ la likanʼyɛ licɛ́ŋ jɛ́ɛ́.

Biyɛ́ɛ́léné 13:4

Ɓot bísɛ bú ɓégɛ́ nyuŋgu ányúū nɛ ɛ tíéé tít likanʼyɛ jɛ́ɛ́; ámbúh náŋ, bú ɓégɛ́ tít bíg laga nɛ́: «Nzáá a byɛ́ɛ̄ ŋguu ákaa nyí tít é? Nzáá a ŋga lá yɔ li duhɛ é?»

Biyɛ́ɛ́léné 20:10

La ǹsɔhɔ, ŋ̀yɛ́ɛ ɓɔ́ ɔ lɛ̄ŋgɓɛ́ á ébúle yé nzáan la yé nzuhú ápah tít ɛ lɛ la ɓapɔ́tle-bí-Ɔ́lolómɛ̄ bí mínaa. Bíg kɛ li taka ŋgandag, díɓe la nzámuh á éɓem la á éɓem.

Biyɛ́ɛ́léné 20:7

Eceg víŋ ɔkóó ví mímbú ví ŋga kɛ́ li yál, bíg kɛ li pámɛ lí Sátan á m̀ɓog,

Biyɛ́ɛ́léné 9:11

Áŋgɛl nyí eɓél-écɛ̄hɛ nɛ́ ɛ ɓɛ́ɛ́ ákaa káísa yaɓá, nyí ɛ ŋga yáŋlɛ la mpɔ́t á Élōg-Hébɛl nɛ́ «Abádon» la mpɔ́t á Gelékia ki nɛ́ «Apóliyon» náŋ ag mínɛ nɛ́: «ǹcɛ́hɛ.»