Biyɛ́ɛ́léné 20:15 - Esaa-líat ɛ́ péná

¹⁵ Ndí nyɔ́ la nyɔ́ jóō líh cíiɓɛ ɓé á kálati nyí eniŋ ɔ lɛ̄ŋgɓɛ́ á yéŋ ébúle yé nzáan.

Biyɛ́ɛ́léné 20:15 ပူးပေါင်းရင်းမြစ်များ

Matéus 13:42

la áŋgɛl ɛ́ lɛ̄ŋgɛ́ ɓɔ́ á éɓēl-nzáan, ápah liwú la edí-mísoŋ bí ŋga kɛ́ li ɓɛ́.

Matéus 13:50

Ɛ́g kɛ li lɛŋgɛ lí ɓot ɓaɓé á éɓēl-nzáan, ápah liwú la edí-mísoŋ bí ŋga kɛ́ li ɓɛ́.»

Matéus 25:41

Ámbúh náŋ, káísa ag kɛ hɔ́ lí laga lí ɓot bí ŋga ɓɛ́ nyɛ́ á m̀ɓɛ́ŋgáa nɛ́: ‹Nɛŋlán la ma, á mílɔgɔ́g mí ɓot mí! Kɛnán á éɓēl-nzáan nyí ɛ́ ŋgá dím ɓé, yé lɛ́ m̀ɓoŋhágan ányúū ǹsɔhɔ la áŋgɛl yɛ́ɛ́.

Málkus 16:16

Nyɔ́ a ŋga kɛ́ li yéɓe ndí á kūh nzoɓan, ag kɛ li suŋɓɛ. Ndí nyɔ́ a ŋgá kɛ ɓé lí yéɓe ag kɛ li kuh lí ékɔ́ghɛ.

Lúkas 10:20

Tɔ la náŋ asɛ̄, miníh sophɛ́gɛ́ ɓé ányúū nɛ mimbúl míɓē míg ógle ɓɛ́nɛ, ndí vagán ja nɛ́ moó máná ma ciiɓɛ́ á ékombo-lóō.»

Yohánɛs 14:6

Yésus ɔ pélē nyɛ nɛ́: «Ma nɛ́ mi lɛ nzen, mbálɛ, la eniŋ. Mut tɔ wa a ŋgá kɛ ɓé á yóg Etāa kíyáɓɛ́nɛ āh loolé ɓé la ma.

Yohánɛs 3:36

Nyɔ́ a ŋga yéɓe la Mɔɔ́n, a byɛ́ɛ́ eniŋ éɓem. Nyɔ́ a ŋgá ógle ɓé Mɔ́ɔ̄n, a ŋgá kɛ ɓé lí kuh lí éniŋ, ndí, ɔún ví Ɔ́lolómɛ̄ víg tíg la nyɛ́.»

Misɔ́n mí Ɓáōmɓɛ 4:12

Lisuŋga tɔ já lí ŋgá sɔ́le ɓé voóm ntám amáh sig la nyɛ́, átɔm nɛ́, mú á sí vaŋgá, Ɔlolómɛ̄ āh tíi ɓé ɓot-bí-bínam joó lítām tɔ já lí ŋga sɔ́la ɓɛ́hɛ lisuŋga.»

Elōg-Hébɛl 12:25

Nyɔŋán lítāt, miníh púnúg ɓé lí ámble lí nyɔ́ la nyɔ́ a ŋga pɔ́tɛ ɓɛ́nɛ. Átɔm nɛ́, kíyáɓɛ́nɛ ɓɔɔ́n bí Íslāɛl ɓáh véé ɓé ékɔ́ghɛ eceg bí ŋgí pún lí ámble lí Móse kí ag ɓóŋyɛ ɓɔ́ mam mú á ŋkɔŋ-á-sí, ɛbuu-la-ŋgele yáŋvéé la ɓɛ́hɛ, kí bu pún lí ámble lí nyɔ́ a ŋga pɔ́thɛ́nɛ ɓɛ́hɛ á lóō é?

Elōg-Hébɛl 2:3

Nɛ́-láá hɔ́ ɓɛ́hɛ-mɛ̄n bi ŋga lá li véé lí ékɔ́ghɛ kíyáɓɛ́nɛ ɓaá yaŋá bíɓaŋgá bí ŋga sɔ́la nyíŋ taŋ lisuŋga é? Jéŋ lisuŋga nɛ́ Nyɔ́ŋ-Ɛsáŋɛ́ nyɛ́-mɛ̄n a dúgléé lí lɛgɛ, ámbúh nyɛ́, ɓot bí ámbléé nyɛ́ bú tímān ɓɛ́hɛ li yīgyɛ lí nlemlem á jam,

Biyɛ́ɛ́léné 19:20

La tít yu byéelɓɛ́ ŋkómá, bú byeé ki m̀pɔ́tle-a-Ɔlolómɛ̄ a minaa nyɔ́ a ɓɔŋɔ́ɔ́ mínɛ́ŋ ɔ́sū ví tít, ányúū li jáŋɛ lí ɓot bí kuhúú ndembye nyí tít la li ɓégɛ lí edíŋgɛ́-díŋgɛ yɛ́ɛ́. Tít la m̀pɔ́tle-a-Ɔlolómɛ̄ a minaa bú lééɓɛ́ bíg vɛɛɓan átē á éɓēl-nzáan nyí ɛ ŋgá dím ɓé, nyí nzuhú ɛ ŋga lóŋɛ.

Biyɛ́ɛ́léné 20:10

La ǹsɔhɔ, ŋ̀yɛ́ɛ ɓɔ́ ɔ lɛ̄ŋgɓɛ́ á ébúle yé nzáan la yé nzuhú ápah tít ɛ lɛ la ɓapɔ́tle-bí-Ɔ́lolómɛ̄ bí mínaa. Bíg kɛ li taka ŋgandag, díɓe la nzámuh á éɓem la á éɓem.

Biyɛ́ɛ́léné 20:12

La ma mu ɛ́n ɓot ɓá wú, ɓacɛ́ŋ la ɓatɔ́ga bí tɛ́ɛ ɔ́sū ví étɔɓé-líkanʼyɛ; kálati yú vúúlɛ. Kálati etám yu vúúlɛ sīg-pɛ; yɔ nɛ́ ɛ lɛ kálati nyí eniŋ. Bú kááhɛ́ ɓot ɓá wú, mut sig li oŋle la miɓɔŋɔg mɛ́ɛ́, ákaa yá ciiɓɛ́ á kálati.

Biyɛ́ɛ́léné 20:14

Váŋ nɛ́ ɓá lɛŋgɛ́ nyɛmb la ŋkɔŋ á ɓádūgu á ébúle yé nzáan. Ebúle yé nzáan nɛ́ ɛ́ lɛ nyɛmb ya yáhɛ́ ɛ́ɓáa nyí ya tíile!

Biyɛ́ɛ́léné 3:5

Náŋ nɛ́ ǹdí-cíŋ a ŋga kɛ́ li jál lí bípúpúɛ bí mbɔ́tí. Mi ŋgá kɛ ɓé ma lí sáá lí jóō jɛ́ɛ́ a kálati eniŋ; mag kɛ nyɛ́ lí lem ɔ́sū ví Etāa la ɔ́sū ví áŋgɛl yɛ́ɛ́.