Biyɛ́ɛ́léné 20:12 - Esaa-líat ɛ́ péná

¹² La ma mu ɛ́n ɓot ɓá wú, ɓacɛ́ŋ la ɓatɔ́ga bí tɛ́ɛ ɔ́sū ví étɔɓé-líkanʼyɛ; kálati yú vúúlɛ. Kálati etám yu vúúlɛ sīg-pɛ; yɔ nɛ́ ɛ lɛ kálati nyí eniŋ. Bú kááhɛ́ ɓot ɓá wú, mut sig li oŋle la miɓɔŋɔg mɛ́ɛ́, ákaa yá ciiɓɛ́ á kálati.

Biyɛ́ɛ́léné 20:12 ပူးပေါင်းရင်းမြစ်များ

Matéus 11:22

La mbálɛ mag laga ɓɛ́nɛ nɛ́ á ɔ́lɔ̄ ví bíkááhɛ́nɛ́, ekɔ́ghɛ yáná ɛ́g kɛ li ɓɛ́ lí écɛ̄ŋ li loo lí yé ɓot bí Tíil la ɓá bí Sídon.

Matéus 16:27

Átɔm nɛ́ Mɔɔ́n Mut ag kɛ li sɔ́ elɔŋ la áŋgɛl yɛ́ɛ́ átē a lipém lí Ɛ́sāŋɛ́. La náŋ, ag kɛ li sála lí mut sig li oŋle la miɓɔŋɔg mɛ́ɛ́.

Lúkas 10:20

Tɔ la náŋ asɛ̄, miníh sophɛ́gɛ́ ɓé ányúū nɛ mimbúl míɓē míg ógle ɓɛ́nɛ, ndí vagán ja nɛ́ moó máná ma ciiɓɛ́ á ékombo-lóō.»

Misɔ́n mí Ɓáōmɓɛ 24:15

Mi byɛ́ɛ́ jé lipitá la Ɔlolómɛ̄ nlemlem kaa ɓɔ́ nɛ́, lipahye lí ɓot bí tɛ́ɛ́ sim la ɓá bíh tɛ́ɛ́ ɓé sim líg kɛ li ɓɛ́.

Elōg-Lóma 2:6

Múŋ á víŋ ɔlɔ́, ag kɛ li sála lí mut sig li oŋle la miɓɔŋɔg mɛ́ɛ́.

Elōg-Kɔlínto 1 4:5

Ányúū náŋ, miníh kááhɛ́gɛ́ ɓé eceg ŋgí lí kɔ́lan, sɔ́kágánɛ́ Nyɔ́ŋ-Ɛsáŋɛ́ ag sɔ́. Nyɛ́ nɛ́ a ŋga kɛ́ li pámɛ á mípūū yé ɛ́sɛ ɛ́ sɔ́lɛ̄ á lívito, ag kɛ ki li yɛ́lɛ lí míɔ̄ŋɔ mí mímīm. La váŋ, Ɔlolómɛ̄ ag kɛ li ségɛ lí mut sig á nyaa ɛ kɔ́ɔ̄ la nyɛ́.

Elōg-Kɔlínto 2 5:10

Ákaa ɛ́sɛ, ɛ́g kɛ li somlɛ nɛ́ ɓɛ́hɛ bísɛ bi tɛ́lɛ́ á ntélélé ɔ́sū ví bíkāāhɛ́nɛ́ bí Nyɔ́-a-Pɔ́hlɛ, nɛ́ ndí mut sig a púmú yé ɛ lɛ́ nɛ a sál a éniŋ yɛ́ɛ́ míson, ɛ́ ɓɛ́ m̀ɓɛɛŋ, ɛ́ ɓɛ́ aɓé.

Elōg-Fílípi 4:3

Wág á taŋ yama liwándá lí nsɔ́n, mag sɔ́hye wa nɛ́ ɔ óŋgánɛ ɓáŋ ɓondígá, átɔm nɛ́ ɓɔ́ la Kelemāŋ la míŋí míwāndá mí nsɔ́n mísɛ, ɓaá du elɔŋ á lí camanɛ lí Pɔ́l M̀ɓɛɛŋ, ɓɛ́hɛ ɓá moó má ciiɓɛ́ á kálati nyí eniŋ.

Biyɛ́ɛ́léné 11:18

Ɓot bí bikombo bísɛ ɓá ála ndí ɔún vɔ́ɔ nɛ́ vá ɛ́ni; eceg yɔ́ɔ lí kááhɛ lí ɓot ɓá wú yé, eceg yɔ́ɔ lí tíi li ɓaɓɔŋle ɓɔ́ɔ nsála yé, ɓá bí lɛ́ ɓápɔ́tle-bí-Ɔ́lolómɛ̄, ndog-Ɔlolómɛ̄ la ɓá bí ŋga kɔn joó jɔ́ɔ woŋ, ɓatɔ́ga la ɓacɛ́ŋ; eceg yɔ́ɔ lí ól lí ɓálɔɔ ŋkɔŋ-á-sí yé.»

Biyɛ́ɛ́léné 13:8

Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.

Biyɛ́ɛ́léné 17:8

Tít wa ɛ́n, ɛ ɓɛ́ɛ́, ndí ɛ sē ɓé pɛ. Ɛg kɛ li pámléne á eɓél-écɛ̄hɛ, la yɔ ɛ kɛ́ á njáŋgá. Ɓatɔɓene bí ŋkɔŋ-á-sí, ɓá moó máh ciiɓɛ ɓé á kálati nyí eniŋ li ɓotle á míɓōtlé mí ŋkɔŋ-á-sí, bíg kɛ li nyág eceg bí ŋga ɛ́n nyíŋ tít; átɔm nɛ́, ɛ ɓɛ́ɛ́ á kwaŋ, ɛ sē ɓé pɛ, ndí ɛg kɛ pɛ li sɔ́.

Biyɛ́ɛ́léné 19:5

Váŋ nɛ́ cíŋ ɛ sɔ́léé á étɔɓé-líkanʼyɛ yu laga nɛ́: «Ɓéghánɛ Ɔlolómɛ̄ wahá, ɓɛ́nɛ ɓaɓɔŋle ɓɛ́ɛ́ bísɛ, ɓatɔ́ga la ɓacɛ́ŋ, ɓɛ́nɛ ɓakɔn nyɛ́ woŋ.»

Biyɛ́ɛ́léné 2:23

Mag kɛ li ól lí ɓɔ́ɔ̄n ɓɛ́ɛ́; váŋ, Biɓasɛ bísɛ bíg kɛ li yí nɛ́ ma nɛ́ mi lɛ nyɔ́ a ŋga pígi miɔ́ŋɔ la kóó yí ɓot-bí-bínam; mag kɛ li sála lí mut waná sig li oŋle la misɔ́n mɛ́ɛ́.

Biyɛ́ɛ́léné 20:11

Váŋ hɔ́ nɛ ma ɛ́n m̀ɓáláŋ á épūpúɛ á étɔɓé-líkanʼyɛ, la mut nyɔ́ a tɔɔ́ múŋ. Sí la lóō bú nyɔ́ŋ ɔ́sū vɛ́ɛ́ ɛ́h ɓɛ́ ɓé lí yíg lí ndembye.

Biyɛ́ɛ́léné 20:13

Túwɛ ɔ pámɛ́ mímbim mɛ́ɛ́, nyɛmb la ŋkɔŋ á ɓádūgu ɓɔ́g bú pámɛ́ mímbim máɓá; bú kááhɛ́ mut sig li oŋle la miɓɔŋɔg mɛ́ɛ́.

Biyɛ́ɛ́léné 20:15

Ndí nyɔ́ la nyɔ́ jóō líh cíiɓɛ ɓé á kálati nyí eniŋ ɔ lɛ̄ŋgɓɛ́ á yéŋ ébúle yé nzáan.

Biyɛ́ɛ́léné 21:27

Yoóm ɛ́ líbūá tɔ yá ɛ́ ŋgá kɛ́ ɓé lí níŋgi múŋ á nyíŋ tísɔn, nlemlem la tɔ nzáá ki a ŋga ɓɔŋ mam mí nyɛgá la li ɓaŋ lí mínaa. Ɓot bí ŋga kɛ́ li níŋgi á nyíŋ tísɔn bí lɛ́ ɓá moó má ciiɓɛ á kálati eniŋ nyí mɔɔ́n ntómbɛ́.

Biyɛ́ɛ́léné 22:12

Yésus a byɛ́ nɛ́: «Ɛ́n sig, mag sɔ́ puh eceg, mā-mɛn mag kɛ li wɛɛla lí nsála wáma á wɔ, á lí sála lí mut sig li oŋle la misɔ́n mɛ́ɛ́.

Biyɛ́ɛ́léné 3:5

Náŋ nɛ́ ǹdí-cíŋ a ŋga kɛ́ li jál lí bípúpúɛ bí mbɔ́tí. Mi ŋgá kɛ ɓé ma lí sáá lí jóō jɛ́ɛ́ a kálati eniŋ; mag kɛ nyɛ́ lí lem ɔ́sū ví Etāa la ɔ́sū ví áŋgɛl yɛ́ɛ́.