Biyɛ́ɛ́léné 2:24 - Esaa-líat ɛ́ péná

²⁴ Ndí, ɓɛ́nɛ ɓot bí Éɓasɛ yé Tiatíla, ɓɛ́nɛ ɓá manáh oŋle ɓé míŋ miéélé tɔ li somo lí li sɔ́ŋtánɛ lí yé bí ŋga yáŋa ‹njiɓa ɛ́ mam mí Sátan›, mag laga ɓɛ́nɛ nɛ́, mi ŋgá kágyɛ ɓé ma ɓɛ́nɛ edidítɛ mbɛgɛ etám tɔ yá;

Biyɛ́ɛ́léné 2:24 ပူးပေါင်းရင်းမြစ်များ

Misɔ́n mí Ɓáōmɓɛ 15:28

Ákaa ɛ́sɛ, M̀búl Mpúán la ɓɛ́hɛ-mɛ̄n ɓaá súgɛ́ nɛ, bí ŋgá kágyɛ ɓé pɛ ɓɛ́nɛ li ɓɛgɛ lí mbɛgɛ etám, amáh sig bí bicila byá loohán nsɛ́ŋ.

Misɔ́n mí Ɓáōmɓɛ 16:14

Mindígá wa múŋ á elɔŋ ɛ́ ɓondígá bí ŋgí yáŋa nɛ́ Lídia, ŋgɔn tísɔn nyí Tiatília, a ŋgí yéɓe la Ɔlolómɛ̄, a ŋgí nuŋu taŋ bívɛɛ́vɛ́ɛ bí míɓato mí ŋga véé díyɛ. A ŋgí ámble ɓɛ́hɛ, la Nyɔ́ŋ-Ɛsáŋɛ́ ɔ legé m̀mím wɛ́ɛ́ á lí ɓɔŋ nɛ́ a sɔ́ŋtánɛ biɓaŋgá bí Póol.

Elōg-Kɔlínto 1 2:10

Ákaa ɛ́sɛ, ɓɛ́hɛ nɛ́ Ɔ́lolómɛ̄ a yɛ́ɛ́léné nyíŋ mbaŋ li loole la M̀búl Mpúán. Kasig M̀búl Mpúán a ŋga pígi joó nɛ̄ jam, li pám tɛɛla á peg ɛ sɔ́lɛ̄ yí Ɔlolómɛ̄ a vúl.

Elōg-Kɔlínto 2 11:3

Ndí, mag kɔn woŋ nɛ́, kaa nyɔ ɛ lɔ́ɔ́ndéé Éva la micaŋg mɛ́ɛ́, miɔ́ŋɔ máná ki mí táág kɔ́tɔ́ la mɔ́ mí nɛ̄ŋɓɛ́ taŋ yaná ekɔ́ɔ́ maná nyɛɛ́ lí ɓɛ́la la Nyɔ́-a-Pɔ́hlɛ.

Elōg-Kɔlínto 2 2:11

á lí ɓɔŋ nɛ́ biíh mwahkɛ́gɛ́ ɓé Sátan nɛ́ a yɛ́ɛ́ ɓɛ́hɛ, átɔm nɛ́ bi ŋgá yég ɓé ɓɛ́hɛ miɔ́ŋɔ mɛ́ɛ́.

Yákop 3:15

Nyíŋ nyaa peg ɛ ŋgá sɔ́le ɓé á lōó, ɛ lɛ nyí ŋkɔŋ-á-sí, ɛ lɛ nyí mut a ŋgíla eyí, ɛ lɛ nyí m̀búl m̀ɓé.

Biyɛ́ɛ́léné 1:11

Ɛ ŋgí lɛgɛ nɛ́: «Yé ɛ́sɛ ɔ ŋgɔ kɛ́ li ɛ́n, cií yɔ́ á pɔ̄m kálati, ɔ óm yɔ á bí Biɓasɛ nzambúwá: á yé Éféso, á yé Simílna, á yé Pɛlgáma, á yé Tiatília, á yé Sáldɛs, á yé Filadɛlfía la á yé Laodíse.»

Biyɛ́ɛ́léné 12:9

Nyúŋ m̀ɓáláŋ á nyuŋgu la áŋgɛl yɛ́ɛ́ bú lééɓɛ́ á ŋkɔŋ-á-sí; wɔ́ nɛ́ á lɛ́ nlom á nyɔ, nyú bí ŋga yáŋa nɛ́ Ǹsɔhɔ, Sátan, ŋ̀yɛ́ɛ ŋkɔŋ-á-sí ásɛ;

Biyɛ́ɛ́léné 13:14

La nyíŋ tít yu yɛ́ɛ́ ɓot bí ŋkɔŋ-á-sí la ŋguu ɓá tí yɔ á li ɓɔŋ lí mínɛ́ŋ ɔ́sū ví tít ɔsú. Yu kágyɛ́ ɓɔ nɛ́ bí mɛ̄ njimbilí á épunan ɛ́ nyí tít ɛ byɛ́ɛ̄ ékwɛɛ ɛ́ ŋga lá yɔ li ól ndí yú mān á lí tíi lí yɔ adit.

Biyɛ́ɛ́léné 2:13

«Mag yí yóg yɔ́ɔ; váŋ nɛ́ Sátan a byɛ́ɛ̄ etɔɓé-líkanʼyɛ yɛ́ɛ́. Ndí ɔ átɛ la ma, wāh táŋɓan ɓé ŋyéɓé wɔ́ɔ ɔ byɛ́ɛ̄ la ma tɔ á eceg yé bí ólóó mbóŋ yáma nyí ɛ́ tɛ́ɛ́ nɛ́ Antípas, á yóg yaná, ápah Sátan a ŋga tɔ́ɓene.

Biyɛ́ɛ́léné 2:18

Ciilé áŋgɛl nyí Eɓasɛ yé Tiatíla nɛ́: Mɔɔ́n Ɔ́lolómɛ̄, nyɔ́ miíh mí ŋga lóŋ kaa ɔlémb ví nzáan, la mikoo mí ŋga vɔ́ŋɔ́ɔ ákaa taŋ enúná ɓá vá á nzáan ag pɔ́t nɛ́:

Biyɛ́ɛ́léné 2:9

«Mag yí ésɔghe yɔ́ɔ la liyɛ́ɛ́ jɔ́ɔ, tɔ náŋ ákaa ɔ lɛ m̀byaŋ; mag yí mam bí ŋga ɓéeyɛ wa la ɓá bí ŋga sɛ̄gɓan nɛ́ bí lɛ́ ɓɔ́ɔ̄n bí Élōg-Yúda; ndom nɛ́ bí sē ɓé ɓɔ̄, bí lɛ́ ja ‹ɓot bí nlɔŋ á Sátan›.