Biyɛ́ɛ́léné 2:23 - Esaa-líat ɛ́ péná

²³ Mag kɛ li ól lí ɓɔ́ɔ̄n ɓɛ́ɛ́; váŋ, Biɓasɛ bísɛ bíg kɛ li yí nɛ́ ma nɛ́ mi lɛ nyɔ́ a ŋga pígi miɔ́ŋɔ la kóó yí ɓot-bí-bínam; mag kɛ li sála lí mut waná sig li oŋle la misɔ́n mɛ́ɛ́.

Biyɛ́ɛ́léné 2:23 ပူးပေါင်းရင်းမြစ်များ

Matéus 16:27

Átɔm nɛ́ Mɔɔ́n Mut ag kɛ li sɔ́ elɔŋ la áŋgɛl yɛ́ɛ́ átē a lipém lí Ɛ́sāŋɛ́. La náŋ, ag kɛ li sála lí mut sig li oŋle la miɓɔŋɔg mɛ́ɛ́.

Lúkas 16:15

La nyɛ́ ɔ lága ɓɔ nɛ́: «Ɓɛ́nɛ, miní étɛ nɛ́ miní tɛ́ɛ́ sim á miíh mí ɓot-bí-bínam, ndí Ɔlolómɛ̄ ag yí mímīm máná: yé ɛ́sɛ ki ɛ byɛ́ɛ̄ ádit ɔ́sū ví ɓot ɛ́ lɛ́ nyɛgá á miíh mí Ɔ́lolómɛ̄.

Yohánɛs 21:17

Á ŋgele ya yáhɛ ɛ́ŋháa, Yésus ɔ bíhī sīg-pɛ nyɛ́ nɛ́: «Á Símɔn, mɔɔ́n Yohánɛs, ɓaá ɔg diŋ ma é?» Pétlos ɔ súnan ányúū nɛ Yésus a bíhī nyɛ ŋgele ya yáhɛ ɛ́ŋháa nɛ́: «Ɓaá ɔg diŋ ma é?» La nyɛ́ ɔ tímānɛ̄ Yésus nɛ́: «Ɛtáŋɛ, wá nyɔ́ ɔ ŋgɔ yí mam mísɛ, ɔg yí m̀ɓɛɛŋ m̀ɓɛɛŋ nɛ́ mag diŋɛ wa.» Yésus aá la nyɛ nɛ́: «Táthán la mítōmbɛ́ máma.

Yohánɛs 4:16

Yésus ɔ yó nyɛ nɛ́: «Kɛɛ́n yáŋá nlóm wɔ́ɔ, ɔ tímān vá.»

Misɔ́n mí Ɓáōmɓɛ 1:24

La ɓɔ́ bú kánɛ́ nɛ: «Á Ɛtáŋɛ, wa nyɔ́ ɔ ŋgɔ yí mimím mí ɓot bísɛ, étɛ́ ɓɛ́hɛ mut wa pɔ́hɔ átē á ɓá ɓot bíɓáa,

Elōg-Lóma 14:12

La náŋ, mut wahá sig ag kɛ li tíi lí Ɔ́lolómɛ̄ ndagle ányúū yɛ́ɛ̄ nyɛ́-mɛ̄n.

Elōg-Lóma 8:27

Ɔlolómɛ̄ ki nyɔ́ a ŋga ɛ́n mímīm ag yí yé M̀búl a ŋga ɓāt, ányúū nɛ li oŋle la nsom á Ɔ́lolómɛ̄ nɛ M̀búl a ŋga kánɛ ányúū ndog-Ɔlolómɛ̄.

Elōg-Kɔlínto 2 5:10

Ákaa ɛ́sɛ, ɛ́g kɛ li somlɛ nɛ́ ɓɛ́hɛ bísɛ bi tɛ́lɛ́ á ntélélé ɔ́sū ví bíkāāhɛ́nɛ́ bí Nyɔ́-a-Pɔ́hlɛ, nɛ́ ndí mut sig a púmú yé ɛ lɛ́ nɛ a sál a éniŋ yɛ́ɛ́ míson, ɛ́ ɓɛ́ m̀ɓɛɛŋ, ɛ́ ɓɛ́ aɓé.

Elōg-Gálátia 6:5

Ákaa ɛ́sɛ, mut sig a nyɛ́ɛ li ɓɛgɛ lí mbɛ́gɛ yɛɛ́.

Elōg-Hébɛl 4:13

Eveglé tɔ yá ɛ́ sɔ́lɛ̄ á miíh mí Ɔlolómɛ̄ ɛ́ sē ɓé. Byoóm bísɛ bí áhɛ á miíh mɛ́ɛ́, ag ɛ́n jam sig kaa láá lí lɛ, biíg kɛ nyɛ́ lí tɛ́lɛ ɔ́sū á lí tíi lí nyɛ ndagle.

Pétlos 1 1:17

Kasig miní ŋga yáŋa joó lí Etāa á míkánɛ, nyɔ́ ah byɛ́ɛ́ ɓé ndɔ́tlán tɔ ya, nyɔ́ a ŋga kááhɛ mut sig li oŋle la miɓɔŋɔg mɛ́ɛ́, kɔnán hɔ́ Ɔlolómɛ̄ wōŋ á míɓɔŋɔg máná eceg ɛ́sɛ miní ŋga nīŋ á ŋkɔŋ-á-sí.

Biyɛ́ɛ́léné 2:11

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ. Ǹdí-cíŋ, a ŋgá kɛ ɓé lí wú lí nyɛmb ya yáhɛ́ ɛ́ɓáa nyí ya tíile.»

Biyɛ́ɛ́léné 2:7

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ: Ǹdí-cíŋ, mag kɛ nyɛ́ lí tíi lí eéé éniŋ ɛ́ tɛ́ɛ́ á paladīs nyí Ɔlolómɛ̄ ákaa lidí.»

Biyɛ́ɛ́léné 20:12

La ma mu ɛ́n ɓot ɓá wú, ɓacɛ́ŋ la ɓatɔ́ga bí tɛ́ɛ ɔ́sū ví étɔɓé-líkanʼyɛ; kálati yú vúúlɛ. Kálati etám yu vúúlɛ sīg-pɛ; yɔ nɛ́ ɛ lɛ kálati nyí eniŋ. Bú kááhɛ́ ɓot ɓá wú, mut sig li oŋle la miɓɔŋɔg mɛ́ɛ́, ákaa yá ciiɓɛ́ á kálati.

Biyɛ́ɛ́léné 20:13

Túwɛ ɔ pámɛ́ mímbim mɛ́ɛ́, nyɛmb la ŋkɔŋ á ɓádūgu ɓɔ́g bú pámɛ́ mímbim máɓá; bú kááhɛ́ mut sig li oŋle la miɓɔŋɔg mɛ́ɛ́.

Biyɛ́ɛ́léné 22:12

Yésus a byɛ́ nɛ́: «Ɛ́n sig, mag sɔ́ puh eceg, mā-mɛn mag kɛ li wɛɛla lí nsála wáma á wɔ, á lí sála lí mut sig li oŋle la misɔ́n mɛ́ɛ́.

Biyɛ́ɛ́léné 6:8

La ma mu ɛ́n vɔ́si ɛ byɛ́ɛ̄ nsɔn á nzɔŋgɔ́ ɔwáá. Mut a ɓɛ́ɛ́ a tɔ́ɔ̄ yɔ á lóō a ɓɛ́ɛ́la joó nɛ «nyɛmb» ŋkɔŋ á ɓádūgu ki ag oŋ nyɛ́ á mbúh. Bú tí ɓɔ́ ŋguu nyí li kanʼyɛ li joga já até a moga mínáa mi ŋkɔŋ-á-sí; á lí ól lí ɓátɔɓene ɓɛ́ɛ́ la mboná, la nzal, la yé ɛ́sɛ ɛ́ ŋga sɔ́la nyɛmb, elɔŋ la tít éɓē ɛ́ ŋkɔŋ-á-sí ki.