Biyɛ́ɛ́léné 2:21 - Esaa-líat ɛ́ péná

²¹ Ma tí nyɛ eceg nɛ́ a véŋé éniŋ, ndí a ŋgá somo ɓé lí cóó lí éniŋ yɛ́ɛ́ yé ákwala.

Biyɛ́ɛ́léné 2:21 ပူးပေါင်းရင်းမြစ်များ

Elōg-Lóma 9:22

Ɔlolómɛ̄ a díŋɛ̄ lí étɛ lí ɔ́ūn vɛ́ɛ́, ɔ díŋɛ̄ ki nɛ́ bi yí ŋguu yɛ́ɛ̄. Ndí, ɓá bísɛ bí mɓɛ́ bí kɔ́ɔ la ɔún vɛ́ɛ́, ɓɔ́ ɓot bí ŋgí kɛ á njáŋgá, a ɔ́hánɛ́ ɓɔ ŋgandag.

Pétlos 1 3:20

Míŋ mimbúl nɛ̄ mí lɛ́ ɓot ɓá ndɔ́gɓéné Ɔlolómɛ̄ á kwakwáŋɛ, eceg Ɔlolómɛ̄ a ɔ́háánɛ nɛ́ Nóa a ɓáŋ ŋkúú, ápah apuh á ɓot, ɓot mwaam bí níŋgléé la ɓɔ́ bú sūŋɓɛ́ la mindím.

Pétlos 2 3:15

Yíán nɛ́, la ŋgandag eɔ́hánɛ nyí Nyɔ́ŋ-Ɛsáŋɛ́ nɛ miní ŋga kɛ́ li kuh lí lísuŋga. Múŋ á míŋ milemlem mí míɔ̄ŋɔ nɛ́ mɔɔ́lyāŋ wahá a ediŋ Póol a cíilé ɓɛ́nɛ, li oŋle la peg Ɔlolómɛ̄ a tíéé nyɛ́.

Pétlos 2 3:9

Nyɔ́ŋ-Ɛsáŋɛ́ a ŋgá bíŋhan ɓé lí yáhɛ lí mikakanɛ mɛ́ɛ́, tɔ náŋ ákaa ɓot ɓatám bí ŋga ɔ́ŋɔ nɛ́ a lóohán bíŋhan. Ndí, ányúū yaná, Nyɔ́ŋ-Ɛsáŋɛ́ a byɛ́ɛ eɔ́hánɛ, nsom wɛ́ɛ́ a sē ɓé nɛ́ jogo á póla yaná bí jáŋɛ́ eniŋ yáɓá, ndí, nɛ́ ɓɛ́hɛ bísɛ bi la li veŋe lí éniŋ.

Biyɛ́ɛ́léné 16:11

la ɓɔ́ bú vɔ́ɔ́lé Ɔlolómɛ̄ nyɔ́ á lɛ á lóō ányúū ŋgandag yaɓá esɔghe la póó yáɓá, ndí tɔ la náŋ ɓáh veŋe ɓé bílɛ̄m bí míɓɔŋɔg máɓá.

Biyɛ́ɛ́léné 16:9

Nlohanɛ́ a adíg á vaŋgá ɔ dígɛ́ ɓot; la ɓɔ́ bú vɔ́ɔ́lé jóō lí Ɔlolómɛ̄ nyɔ́ a byɛ́ɛ̄ ŋguu li óm lí bíŋ bisɔghe bicɛ́ŋ, ndí ɓáh veŋe ɓé bílɛ̄m nɛ́ bí ɓégɛ nyɛ.