Biyɛ́ɛ́léné 19:9 - Esaa-líat ɛ́ péná

⁹ Váŋ nɛ́ áŋgɛl ya, ya laga ma nɛ́ mi cíi nɛ́: «Misɔ́tá la ɓot ɓá yáŋlɛ́ á ŋgand aúg nyí mɔɔ́n ntómbɛ́.» Yu lága sīg-pɛ nɛ́: «Bíŋ biɓaŋgá bí lɛ́ kɔɔ biɓaŋgá bí Ɔlolómɛ̄ nyɛ́-mɛ̄n.»

Biyɛ́ɛ́léné 19:9 ပူးပေါင်းရင်းမြစ်များ

Lúkas 22:16

Ánsī nɛ́, la mbálɛ, mag laga ɓɛ́nɛ nɛ́ mi ŋgá dí ɓé pɛ ma Páska nɛ́-tɛ́ɛ ndembye yɛ́ɛ̄ ya ɛ́ni á Ékombo Ɔ́lolómɛ̄.»

Timotéo 1 1:15

Yé eɓaŋgá ɛ́ ŋga lága nɛ́: «Yésus Kilístus a sɔ́ á ŋkɔŋ-á-sí ányúū li suŋ lí ɓáɓɔŋ-miɓé», yéŋ eɓaŋgá ɛ́ kɔ́ɔ́ nɛ́ ɓot bí váléné yɔ́ lípitá, ɓɔ́ bísɛ ki bí lɛ́glé yɔ́ ákaa ɛ́ ŋga sōmlɛ. Átē á ɓáŋ m̀ɓɔŋ-miɓé, ma nɛ́ mi lɛ nyɔ́ ɔsú.

Timotéo 1 4:9

Yéŋ eɓaŋgá ɛ́ kɔ́ɔ nɛ́ bí válé yɔ́ lípitá, ɛ kɔ́ɔ ki nɛ́ ɓot bísɛ bí lɛ́glé yɔ́ kaa ɛ́ ŋga sōmlɛ,

Timotéo 2 2:11

Eɓaŋgá ɛ́ kɔ́ɔ̄ nɛ́ bí válé lípitá yɔ́ yé nɛ́: Kíyáɓɛ́nɛ ɓa wú elɔŋ la Yésus, elɔŋ la nyɛ́ biíg kɛ li niŋ.

Títo 3:8

Yéŋ eɓaŋgá ɛ́ kɔ́ɔ nɛ́ bi válé yɔ́ lípitá, jɔ́ nɛ́ kóó ɛ lɛ̄ ma nɛ́ ɔ nyɔ̄ŋ eceg la nyúŋ ŋkwɛl, nɛ́ ndí ɓá bísɛ ɓá vá ŋyéɓé wáɓá la Ɔlolómɛ̄ bí tiŋɓé á lí ɓɔŋ lí mísɔ̄n mí m̀ɓɛɛŋ. Náŋ nɛ́ a lɛ m̀ɓɛɛŋ, ɔ ɓɛ́ ki nsɛ́ŋ ányúū ɓot bísɛ.

Biyɛ́ɛ́léné 1:1

Nyí kálati ɛ byɛ́ɛ biyɛ́ɛ́léné bí Yésus Kilístus a ŋga yíhɛ; Ɔlolómɛ̄ a tí nyɛ bíŋ biyɛ́ɛ́léné á li ɓɔŋ nɛ́ a yíhɛ́ ɓaɓɔŋle ɓɛ́ɛ́ yé ɛ ŋga kɛ́ li sɔ́ puh eceg. A yíhɛ́ ɓɔ́ náŋ li loole la áŋgɛl yɛ́ɛ̄ a ómlé m̀ɓɔŋle wɛɛ́ Yohánɛs,

Biyɛ́ɛ́léné 1:19

Cií hɔ́ yé wa ɛ́n, yé ɛ́ lɛ la yé ɛ́ ŋga kɛ́ li sɔ́ ámbúh eceg.

Biyɛ́ɛ́léné 10:4

Eceg mbámká nzambúwá yí mbambat yá ámblɛ́, mu sōmó lí cii, la ma mu ámblé cíŋ ya sɔ́lé á lóō ɛg laga ma nɛ́: «Sɔɔ́ njɛn á yí mbámká nzambúwá yí mbambat, ɔh ciíg ɓé wɔ.»

Biyɛ́ɛ́léné 14:13

La ma mú ámblé cíŋ ɛg sɔ́le á lóō ɛg laga nɛ́: cií nɛ́, «Nyí vɔ́ŋɔ́ɔ, misɔ́tá la ɓá bí ŋga wúēle até á ŋyéɓé á Nyɔ́ŋ-Ɛsáŋɛ́! M̀búl ag yó kɔɔ nɛ́, bí nyɔŋ evɛɛɓan yé misɔ́n máɓá, átɔm nɛ́ misɔ́n máɓá mí m̀ɓɛɛŋ, míg oŋ ɓɔ́.»

Biyɛ́ɛ́léné 17:1

Váŋ nɛ́ áŋgɛl ya átē a yí nzambúwá yí ɛ́ ɓɛ́ɛ́ ɛ́ ɓɛ́gɛ miɓondó nzambúwá ya sɔ́ ɓɛ́ɓɛ la ma Yohánɛs, yu kwɛ́lɛ̄ ma nɛ́: «Sɔ́, mi kɛ́ mi étɛ wa ŋkál á m̀ɓɔŋ-mpuŋgú ǹcɛ́ŋ nyɔ́ a tɔ́ɔ̄ á ŋgwáāg túwɛ.

Biyɛ́ɛ́léné 17:17

Átɔm nɛ́ Ɔlolómɛ̄ a vá ɓɔ kóó á mimím nɛ́ bí yáhɛ miɔ́ŋɔ mɛ́ɛ́, bí byáŋ likanʼyɛ jáɓá á lí sále lí nyíŋ tít, náŋ la náŋ nɛ́-tɛ́ɛ la á eceg biɓaŋgá bí nyɛ́ Ɔ́lolómɛ̄ bí ŋga kɛ́ li yál.

Biyɛ́ɛ́léné 2:1

Ciilé áŋgɛl nyí Eɓasɛ yé Éféso nɛ́: Nyɔ́ a byɛ́ɛ̄ átɛ̄ nzambúwá á wɔ wɛ́ɛ́ á m̀ɓɛ́nlómɛ, a ŋga lóole á m̀mím á bítūlkáŋ bí góol nzambúwá ag pɔ́t nɛ́:

Biyɛ́ɛ́léné 2:12

Ciilé áŋgɛl nyí Eɓasɛ yé Pɛlgáma nɛ́: Nyɔ́ a byɛ́ɛ̄ mboná nsɔŋ ɛ ŋga vóó bípah bíɓáa ag pɔ́t nɛ́:

Biyɛ́ɛ́léné 2:18

Ciilé áŋgɛl nyí Eɓasɛ yé Tiatíla nɛ́: Mɔɔ́n Ɔ́lolómɛ̄, nyɔ́ miíh mí ŋga lóŋ kaa ɔlémb ví nzáan, la mikoo mí ŋga vɔ́ŋɔ́ɔ ákaa taŋ enúná ɓá vá á nzáan ag pɔ́t nɛ́:

Biyɛ́ɛ́léné 2:8

Ciilé áŋgɛl nyí Eɓasɛ yé Simílna nɛ́: Nyɔ́ Ɔsú la nyɔ́ a Tíile, nyɔ́ a wúēē, ndí ɔ pāhye ag pɔ́t nɛ́:

Biyɛ́ɛ́léné 21:5

Váŋ nɛ́ nyɔ́ a yɔgɛ́ á étɔɓé-líkanʼyɛ a lágā nɛ: «Nyí vɔ́ŋɔ́ɔ, mag timanɛ mam mísɛ péná.» Ámbúh náŋ ɔ lága nɛ: «Cií, átɔm nɛ́, bí biɓaŋgá bí tɛ́ɛ́, ndí bú ɓɛ́ ki mbálɛ.»

Biyɛ́ɛ́léné 22:6

Ámbúh náŋ, áŋgɛl yu lága ma Yohánɛs nɛ́: «Bí biɓaŋgá bí tɛ́ɛ́, bú ɓɛ́ ki mbálɛ. Nyɔ́ŋ-Ɛsáŋɛ́ Ɔlolómɛ̄ nyɔ́ a tí ɓápɔ́tle-bí-Ɔ́lolómɛ̄ ɓɛ́ɛ́ éyī, a óm áŋgɛl yɛ́ɛ̄, nɛ́ ɛ étɛ ɓáɓɔŋle ɓɛ́ɛ́ yé ɛ́ ŋga kɛ́ li sɔ́ puh eceg.»

Biyɛ́ɛ́léné 3:1

Ciilé áŋgɛl nyí Eɓasɛ yé Sáldɛs nɛ́: Nyɔ́ a byɛ́ɛ̄ mí mímbūl nzambúwá mí Ɔ́lolómɛ̄ la atɛ́ nzambúwá ag pɔ́t nɛ: «Mag yí mísɔ̄n mɔ́ɔ. Ɓot bíg máŋa nɛ́ ɔ lɛ á éniŋ, ndom nɛ́ wa wú!

Biyɛ́ɛ́léné 3:14

Ciilé áŋgɛl nyí Eɓasɛ yé Laodíse nɛ́: Ɛ́ ɓɛ́ náŋ, titih mbóŋ nyí mbálɛ, nyɔ́ a lɛ tín nyí bíveglé bí Ɔlolómɛ̄ ag pɔ́t nɛ́:

Biyɛ́ɛ́léné 3:20

Ɛ́n sig, mi tɛ́ɛ́ ɔ́sū ví líkooká, mag kɔtye. Kíyáɓɛ́nɛ mut a ámblé cíŋ yama, ndí á légē líkooká, mag níŋgi á ndáá yɛ́ɛ̄, mi dí elɔŋ la nyɛ́, nyɛ́g a dí elɔŋ la ma.

Biyɛ́ɛ́léné 3:7

Ciilé áŋgɛl nyí Eɓasɛ yé Filadɛlfía nɛ́: Nyɔ́ Mpúán, Ɓátúpēgɛ, nyɔ́ a byɛ́ɛ̄ ɔ́diɓa ví káísa Dávid, nyɔ́ a lɛ nɛ́ kí a lége, mut tɔ wa a ŋgá leg ɓé, kí a lēg, mut tɔ wa a ŋgá la ɓé lí lege, ag pɔ́t nɛ́: