Biyɛ́ɛ́léné 19:7 - Esaa-líat ɛ́ péná

⁷ Bi sóphɛ́ɛ, bi ɓɛ́ até á mivag, bi tí nyɛ́ lipém, átɔm nɛ́ eceg ɛ́ ŋgand aúg ɛ́ mɔɔ́n ntómbɛ́ yé! Ŋ̀gáá wɛ́ɛ̄ a súgɛ́ m̀ɓoŋhanɛ́.»

Biyɛ́ɛ́léné 19:7 ပူးပေါင်းရင်းမြစ်များ

Matéus 1:20

Ɛnɛ́ a manáá lí veg lí nyíŋ peg, áŋgɛl nyí Nyɔ́ŋ-Ɛsáŋɛ́ yu pámlé nyɛ á élɛɛ́lɛm, yu yó nyɛ nɛ́: «Á Yósɛp, mɔɔ́n Dávid, ɔh kɔnɔ́g ɓé woŋ li nyɔŋ lí ŋ̀gáá wɔ́ɔ Malía á yóg yɔ́ɔ; átɔm nɛ́ a nyɔ̄ŋ já líbum la ŋguu nyí M̀búl Mpúán.

Matéus 22:2

«Ekombo-lóō ɛ́ lɛ́ kaa káísa nyí ya ɓōŋhán ŋgand aúg nyí mɔ́ɔ̄n wɛ́ɛ̄ á páam.

Lúkas 12:36

Ɓɛ́án ákaa ɓot bí ŋga laaŋke mitiman mí ɛsáŋɛ́-a-mitán á ŋgand aúg, á li lege lí nyɛ likooká eceg a ŋga kɛ́ li sɔ́ ndí á kɔ̄tye.

Yohánɛs 3:29

Tɔ nzáá a byɛ́ɛ̄ ŋ̀gáá wɛ́ɛ̄, a lɛ nlóm á nyɔ́ŋ mindígá. Liwándá lí nyíŋ páam ki líg tɔɔ yɔ á ŋgwáāg, eceg lí ŋga ámble cíŋ yɛ́ɛ̄, ɛg kɔnɛ jɔ́ mivag. Náŋ nɛ́ a lɛ mívag máma, mí yáhɛ́.

Elōg-Kɔlínto 2 11:2

Mag kɔ́ɔ́ ɓɛ́nɛ ŋgandag, nlemlem kaa yé Ɔlolómɛ̄ a ŋga kɔ́ɔ́ ɓɛ́nɛ. Ma víŋléné ɓɛ́nɛ páam yāhya, yɔ nɛ́ ɛ lɛ̄ Nyɔ́-a-Pɔ́hlɛ, mu kɛ́lā ɓɛ́nɛ ɔ́sū vɛ́ɛ́ kaa ŋgɔn-mindígá nyí ɛ ŋgí lɛ kɔɔ kɔ́njí.

Elōg-Éféso 5:23

átɔm nɛ́ páam nɛ́ ɛ ŋga kānʼyɛ mindígá, ákaa Nyɔ́-a-Pɔ́hlɛ nyɛ́g a ŋga kānʼyɛ Eɓasɛ, nyɛ́ Ǹsuŋ Éɓasɛ yé ɛ́ lɛ́ nyúū yɛ́ɛ̄.

Elōg-Éféso 5:32

Nyíŋ mbaŋ ɛ lɛ́ ŋguu. Ma, mag laga nɛ́ ɛg pɔ́tle Nyɔ́-a-Pɔ́hlɛ la Eɓasɛ.

Elōg-Fílípi 3:3

Á mbálɛ, titih míkwɛɛ́g mí ɓot ɛ́ lɛ́ ɓɛ́hɛ, ányúū nɛ ɓɛ́hɛ nɛ́ M̀búl á Ɔlolómɛ̄ a ŋga óŋgánɛ li ɓɔŋle lí nyɛ esaa epúán, ányúū nɛ Yésus Kilístus nɛ́ a lɛ ɓɛ́hɛ ɛyáhá éwāhlé-ŋgáŋ, la ki nɛ́ ɓɛ́hɛ bi ŋgá pitye ɓé ɓɛ́hɛ-mɛ̄n.

Biyɛ́ɛ́léné 11:13

Á nlemlem á eceg, sí yu póghán taŋ-taŋ, epah ɛ́ tísɔn yá átē á jóom yú mūglan, la akóó á ɓot nzambúwá wú wú múŋ á jéŋ libúmbé. Ɓot bí véé nyɛmb bú kɔɔ́n woŋ la ɓɔ́ bú ɓégɛ́ Ɔlolómɛ̄ a lɛ á lóō.

Biyɛ́ɛ́léné 19:9

Váŋ nɛ́ áŋgɛl ya, ya laga ma nɛ́ mi cíi nɛ́: «Misɔ́tá la ɓot ɓá yáŋlɛ́ á ŋgand aúg nyí mɔɔ́n ntómbɛ́.» Yu lága sīg-pɛ nɛ́: «Bíŋ biɓaŋgá bí lɛ́ kɔɔ biɓaŋgá bí Ɔlolómɛ̄ nyɛ́-mɛ̄n.»

Biyɛ́ɛ́léné 21:2

La ma mu ɛ́n tísɔn epúán, Yelúsalɛm nyí péná ɛg sɔ́le á lóō á yóg Ɔlolómɛ̄, ɛ jáhɛ ákaa sɔ́mbɔ́ mindígá nɛ ya ɓōŋhán lí kɛ á yóg nlóm wɛ́ɛ̄.

Biyɛ́ɛ́léné 21:9

Váŋ nɛ́ áŋgɛl ya até á yí nzambúwá yí ɓɛ́ɛ́ ɛ́ ɓɛ́gɛ miɓondó nzambúwá, ŋyálāg la bisɔghe byá tiile nzambúwá ya sɔ́ ma li laga nɛ́: «Sɔ́, mag kɛ wa li étɛ lí évān, ŋ̀gáá mɔ́ɔ̄n ntómbɛ́.»