Biyɛ́ɛ́léné 19:19 - Esaa-líat ɛ́ péná

¹⁹ La ma mu ɛ́n tít, káísa yí ŋkɔŋ-á-sí la ndog ɓadu-wélan yáɓá, bú kómān á lí dúhɛ lí mut a tɔɔ́ á vɔ́si la ndog yɛ́ɛ̄ ɓadu-wélan.

Biyɛ́ɛ́léné 19:19 ပူးပေါင်းရင်းမြစ်များ

Biyɛ́ɛ́léné 11:7

Ndí eceg ɛ́ ŋga kɛ́ li manɛ lí li tíi lí mbóŋ yaɓá, tít nyí ŋga pámléne á eɓél-écɛ̄hɛ ɛg kɛ yɔ́ lí duhɛ, ɛg dí yíŋ mbóŋ cíŋ la yɔ ɛ ól yɔ́.

Biyɛ́ɛ́léné 14:9

Mu ɛ́n áŋgɛl etám nyí ya yáhɛ́ ɛ́ŋháa, yu ōŋ yíŋí ɛ́ɓáa, yu pɔ́t la ŋguu nɛ́: «Tɔ nzáá a ŋga ɓégɛ tít la edíŋgɛ́-díŋgɛ yɛ́ɛ́, ndí tɔ li ɓɛ́la lí ndembye yɛ́ɛ̄ á mbɔm tɔ á wɔ,

Biyɛ́ɛ́léné 16:14

Ákaa ɛ́sɛ, míŋ mimbúl mí lɛ́ mimbúl míɓē. Míg ɓɔŋ minɛ́ŋ la mɔ́ ma kɛ li ɓoman la káísa yí ŋkɔŋ-á-sí ásɛ, á li komanɛ lí yɔ nɛ́ ɛ́ dúhɛ̄ Ɔlolómɛ̄ á Ŋguu-mísɛ eceg m̀bya ǹcɛ́ŋ wɛ́ɛ́ á ŋga kɔlan.

Biyɛ́ɛ́léné 16:16

Mimbúl miɓé mú kómánɛ̄ yíŋ káísa á voóm bí ŋga yáŋa la mpɔ́t á Élōg-Hébɛl nɛ́ Almagédɔŋ.

Biyɛ́ɛ́léné 18:9

Káísa yí ŋkɔŋ-á-sí yí yá nyɔ̄ŋ ŋgáɓo á éniŋ yɛ́ɛ́ yé mpuŋgú la á lítaŋgá jɛ́ɛ́, ɛ́g kɛ li lee la li taka eceg ɛ́ ŋga kɛ́ li ɛ́n lí víta ví tísɔn kí yu nyɔ̄ŋ nzáan.

Biyɛ́ɛ́léné 19:21

Mboná nyí ɛ ŋgí pámle á ányu á mut a tɔɔ́ á lóō lí vɔ́si yu ól ɓáŋá ɓádu-wélan bísɛ; anɔn ásɛ wú dí míson máɓá.