Biyɛ́ɛ́léné 17:8 - Esaa-líat ɛ́ péná

⁸ Tít wa ɛ́n, ɛ ɓɛ́ɛ́, ndí ɛ sē ɓé pɛ. Ɛg kɛ li pámléne á eɓél-écɛ̄hɛ, la yɔ ɛ kɛ́ á njáŋgá. Ɓatɔɓene bí ŋkɔŋ-á-sí, ɓá moó máh ciiɓɛ ɓé á kálati nyí eniŋ li ɓotle á míɓōtlé mí ŋkɔŋ-á-sí, bíg kɛ li nyág eceg bí ŋga ɛ́n nyíŋ tít; átɔm nɛ́, ɛ ɓɛ́ɛ́ á kwaŋ, ɛ sē ɓé pɛ, ndí ɛg kɛ pɛ li sɔ́.

Biyɛ́ɛ́léné 17:8 ပူးပေါင်းရင်းမြစ်များ

Matéus 25:34

Káísa ɛg kɛ li laga lí ɓá bí lɛ́ á m̀ɓɛ́nlómɛ wɛɛ́ nɛ: ‹Sɔ́án, ɓɛ́nɛ ɓá maná lómblɛ́ la Etāa, nyɔŋán Ékombo ákaa embámbá yé ɓá ɓoŋhán ɓɛ́nɛ, li ɓotle á mívegɓɛ mí ŋkɔŋ-á-sí

Lúkas 10:20

Tɔ la náŋ asɛ̄, miníh sophɛ́gɛ́ ɓé ányúū nɛ mimbúl míɓē míg ógle ɓɛ́nɛ, ndí vagán ja nɛ́ moó máná ma ciiɓɛ́ á ékombo-lóō.»

Lúkas 8:31

Ndí mɔ́ mú sɔ́hyé Yésus nɛ́ ah ómóg ɓé mɔ átē á eɓél-écɛ̄hɛ.

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Misɔ́n mí Ɓáōmɓɛ 15:18

yí ɛ́ ŋga yílɛ li ɓotle ɓɛɛvéé›.»

Elōg-Éféso 1:4

Átē a ediŋ yɛ́ɛ́, a dúgú ɓɛ́hɛ li pɔhɔ sɔ́kágánɛ́ ŋkɔŋ-á-sí ág vegɓɛ, nɛ́ bi átán la Nyɔ́-a-Pɔ́hlɛ, la nɛ́ bi ɓɛ́ ɓápūán, ŋgíla ɔnɛ́g ɔ́sū vɛ́ɛ́.

Títo 1:2

nɛ́ bí ɓɛ́la lipitá nɛ bíg kuh eniŋ éɓem yé ɛ́ lɛ́ nɛ́, Ɔlolómɛ̄ nyɔ́ āh ɓáŋaa ɓé mínaa a kakáánɛ li ɓotle lí yɔŋ éceg.

Pétlos 1 1:20

Nyɔ́-a-Pɔ́hlɛ nɛ́ Ɔlolómɛ̄ a pɔ́hɔ sɔ́kágánɛ́ ag veg ŋkɔŋ-á-sí, ɔ ɓɔ̄ŋ nɛ a yílɛ̄ á mísūg mí eceg ányúū m̀ɓɛɛŋ wáná.

Biyɛ́ɛ́léné 11:7

Ndí eceg ɛ́ ŋga kɛ́ li manɛ lí li tíi lí mbóŋ yaɓá, tít nyí ŋga pámléne á eɓél-écɛ̄hɛ ɛg kɛ yɔ́ lí duhɛ, ɛg dí yíŋ mbóŋ cíŋ la yɔ ɛ ól yɔ́.

Biyɛ́ɛ́léné 17:11

Ndí nyí tít ɛ ɓɛ́ɛ́ á kwaŋ, nyí ɛ sē ɓé pɛ, yɔ-mɛn nɛ́ ɛ lɛ káísa ya yáhɛ́ mwaam. Ɛ lɛ ki á táŋga nyí yí káísa nzambúwá, yɔg ɛ lɛ̄ lí kɛ á njáŋgá.

Biyɛ́ɛ́léné 17:2

Káísa yí ŋkɔŋ-á-sí yá ɓɔŋ mpuŋgú elɔŋ la nyɛ́; ɓatɔɓene bí ŋkɔŋ-á-sí ki bú péé mílɔg mí mpuŋgú wɛ́ɛ́.»

Biyɛ́ɛ́léné 20:10

La ǹsɔhɔ, ŋ̀yɛ́ɛ ɓɔ́ ɔ lɛ̄ŋgɓɛ́ á ébúle yé nzáan la yé nzuhú ápah tít ɛ lɛ la ɓapɔ́tle-bí-Ɔ́lolómɛ̄ bí mínaa. Bíg kɛ li taka ŋgandag, díɓe la nzámuh á éɓem la á éɓem.

Biyɛ́ɛ́léné 20:12

La ma mu ɛ́n ɓot ɓá wú, ɓacɛ́ŋ la ɓatɔ́ga bí tɛ́ɛ ɔ́sū ví étɔɓé-líkanʼyɛ; kálati yú vúúlɛ. Kálati etám yu vúúlɛ sīg-pɛ; yɔ nɛ́ ɛ lɛ kálati nyí eniŋ. Bú kááhɛ́ ɓot ɓá wú, mut sig li oŋle la miɓɔŋɔg mɛ́ɛ́, ákaa yá ciiɓɛ́ á kálati.

Biyɛ́ɛ́léné 20:15

Ndí nyɔ́ la nyɔ́ jóō líh cíiɓɛ ɓé á kálati nyí eniŋ ɔ lɛ̄ŋgɓɛ́ á yéŋ ébúle yé nzáan.

Biyɛ́ɛ́léné 3:10

Kasig ɛ́ lɛ́ nɛ, wa náŋɛ éɓaŋgá yama átē a m̀ɓán, mág, mag kɛ wa lí tát á ŋgɛ́ŋ nyí miceglan mí ŋga kɛ́ li kuele lí ŋkɔŋ-á-sí ásɛ, á li vá lí ɓátɔɓene bí ŋkɔŋ-á-sí á éceglɛ.

Biyɛ́ɛ́léné 3:5

Náŋ nɛ́ ǹdí-cíŋ a ŋga kɛ́ li jál lí bípúpúɛ bí mbɔ́tí. Mi ŋgá kɛ ɓé ma lí sáá lí jóō jɛ́ɛ́ a kálati eniŋ; mag kɛ nyɛ́ lí lem ɔ́sū ví Etāa la ɔ́sū ví áŋgɛl yɛ́ɛ́.