Biyɛ́ɛ́léné 17:7 - Esaa-líat ɛ́ péná

⁷ Váŋ nɛ́ áŋgɛl ya ɓāt ma nɛ́: «Ányúū yéé náŋ a ŋga nyágɛ wa é? Mɔ́m hɔ́ mi yɛ́ɛ́léné wa mbaŋ mindígá la nyí tít ɛ byɛ́ɛ̄ mimú nzambúwá la jóom lí míɓēg ɛ ɓɛ́gɛ̄ nyɛ́!

Biyɛ́ɛ́léné 17:7 ပူးပေါင်းရင်းမြစ်များ

Elōg-Tésaloníka 2 2:7

átɔm nɛ́, ŋguu ɛ sɔlɛ́ nyí M̀ɓɔŋ-aɓé ya ɓōtlé nsɔ́n. Ɛ́ ŋgí tɔ́ɔ ja nɛ́ mut a ŋgí byelég yɔ tɛɛla nyí vɔ́ŋɔ́ɔ a ɓágɓán, á lí ɓɔŋ nɛ́ nsɔ́n wɛ́ɛ́ á ɓét ŋguu.

Biyɛ́ɛ́léné 1:20

Á yé ɛ́ ŋga légɓé mbaŋ nyí atɛ́ nzambúwá nyú wa ɛ́n á wɔ́ wáma á m̀ɓɛ́nlómɛ la bitúlkáŋ bí góol nzambúwá, náŋ ag kɔplɛ nɛ́: atɛ́ nzambúwá á lɛ áŋgɛl nzambúwá nyí bíɓasɛ, bitúlkáŋ bí góol nzambúwá ki bú ɓɛ́ Bíɓasɛ nzambúwá.»

Biyɛ́ɛ́léné 12:3

Váŋ nɛ́ ndembye etám ya ɛ́ní á lóō. Ɛ ɓɛ́ɛ́ ja m̀ɓáláŋ á nyuŋgu a ŋga vɛ́ɛ ákaa nzáan. Nyíŋ nyuŋgu ɛ ɓɛ́ɛ́la mimú nzambúwá la jóom lí míɓēg, m̀mú sig ki á ɓɛ́ɛ́la ɔtot.

Biyɛ́ɛ́léné 17:8

Tít wa ɛ́n, ɛ ɓɛ́ɛ́, ndí ɛ sē ɓé pɛ. Ɛg kɛ li pámléne á eɓél-écɛ̄hɛ, la yɔ ɛ kɛ́ á njáŋgá. Ɓatɔɓene bí ŋkɔŋ-á-sí, ɓá moó máh ciiɓɛ ɓé á kálati nyí eniŋ li ɓotle á míɓōtlé mí ŋkɔŋ-á-sí, bíg kɛ li nyág eceg bí ŋga ɛ́n nyíŋ tít; átɔm nɛ́, ɛ ɓɛ́ɛ́ á kwaŋ, ɛ sē ɓé pɛ, ndí ɛg kɛ pɛ li sɔ́.

Biyɛ́ɛ́léné 18:1

Ma Yohánɛs mu ɛ́n sīg-pɛ áŋgɛl etám ɛg sɔ́le á lóō. Kasig ɛ ɓɛ́ɛ́la likanʼyɛ licɛ́ŋ, sí yu yál la lipém jɛ́ɛ́.