Biyɛ́ɛ́léné 17:16 - Esaa-líat ɛ́ péná

¹⁶ Jé jóom lí míɓēg la nyí tít wa ɛ́n, bíg kɛ li síŋgɛ lí míndīgá a akwala; bíg kɛ nyɛ́ lí yíg lí esɔ́sɔ́l bí nyɔŋlé nyɛ́ yé ɛ́sɛ a byɛ́ɛ̄, a yéglé nsɔ́ Bíg kɛ li dí lí míson mɛ́ɛ́, yé ɛ́ ŋga yégle, bí dígɛ́ yɔ́ á nzáan.

Biyɛ́ɛ́léné 17:16 ပူးပေါင်းရင်းမြစ်များ

Biyɛ́ɛ́léné 12:3

Váŋ nɛ́ ndembye etám ya ɛ́ní á lóō. Ɛ ɓɛ́ɛ́ ja m̀ɓáláŋ á nyuŋgu a ŋga vɛ́ɛ ákaa nzáan. Nyíŋ nyuŋgu ɛ ɓɛ́ɛ́la mimú nzambúwá la jóom lí míɓēg, m̀mú sig ki á ɓɛ́ɛ́la ɔtot.

Biyɛ́ɛ́léné 16:12

Áŋgɛl ya yáhɛ ɛ́sáama yu kóm líɓondó jɛ́ɛ́ á ɔsóó vícɛ̄ŋ ví Éfláta; mindím mú sá á li ɓoŋhan lí nzen nyí káísa yí ɛ́ ŋga sɔ́le á mítūmnyam.

Biyɛ́ɛ́léné 17:10

Káísa ɛ́táan átē wāɓá yá ɓɛ́han, nyí ya yáhɛ́ ɛ́sáama ɛ tɔ́ɔ̄ á líkanʼyɛ, nyí ya yáhɛ́ nzambúwá ɛ lɛ̄ ŋgí lí sɔ́; ndí eceg ɛ ŋga kɛ́ li sɔ́, ɛ ŋgá kɛ ɓé lí ɓem.

Biyɛ́ɛ́léné 18:19

Ɓot bí ŋgí kómɓan libúlú á m̀mú, bíg lee, bíg tɛ́ɛ́ milón mí líwū nɛ́: ‹Eɓéé-nyúū! Eɓéé-nyúū! Á tísɔn ecɛ́ŋ nyí miɓɛɛŋ má byaŋɓɛ́ ɓot bísɛ bí byɛ́ɛ̄ kúŋgā á túwɛ; ŋgɛ́ŋ ya pɔ́n nɛ́ ya kɔlan á lí cɛ́hɛ́ lí wa›!

Biyɛ́ɛ́léné 18:8

Jɔ́ nɛ́, bí bisɔghe byá tɛ́ɛ́ɓɛ́ ányúū yɛ́ɛ̄: nyɛmb, milɛɛ, la nzal, byɔ́ bísɛ bíg kɛ ja nyɛ́ lí kuéle lí ɔ́lɔ̄ váhvá. Ámbúh náŋ, nzáan ɛg dígɛ́ nyɛ́, Átɔm nɛ́, Ɛtáŋɛ Ɔlolómɛ̄ nyɔ́ a kááhɛ́ nyɛ, a lɛ ŋguu.

Biyɛ́ɛ́léné 19:18

á lí dí lí míson mí káísa, mison mí ɓákanʼyɛ milɔŋ mí wélan, mison mí bilóh bí ɓot, mison mí vɔ́si la ɓaɓét-yɔ́-á-lóō, mison mí ɓot bísɛ bí lɛ́ kundɛ la mí mí míyɔ̄ŋ, mison mí ɓatɔ́ga la ɓacɛ́ŋ.»