Biyɛ́ɛ́léné 16:8 - Esaa-líat ɛ́ péná

⁸ Áŋgɛl ya yáhɛ ɛ́náa yu kóm líɓondó jɛ́ɛ́ á vāŋgá, la vaŋgá vú kūh kundɛ li dígɛ lí ɓot la adíg wɛ́ɛ́.

Biyɛ́ɛ́léné 16:8 ပူးပေါင်းရင်းမြစ်များ

Matéus 13:6

Ndí ɛnɛ́ vaŋgá vá paayé jɔ, lú díg, lú óm átɔm nɛ́ mikaŋ mɛ́ɛ́ míh níŋglée ɓé taŋ á sí.

Lúkas 21:25

«Ndembye ɛ́g kɛ li ɛ́ni á vaŋgá, á sóŋ la á átɛ̄. Mú á sí, milóm míg kɛ li pamblan la woŋ, la li kót ányúū biduŋgú bí túwɛ la mpóghānɛ́ wɛ́ɛ̄.

Misɔ́n mí Ɓáōmɓɛ 2:20

Vaŋgá víg kɛ li yaan lí lívito, sóŋ ɛ yáan micii sɔ́kágánɛ́ ɔlɔ́ vícɛ̄ŋ la ví ví lípēm ví Nyɔ́ŋ-Ɛsáŋɛ́ víg sɔ́.

Biyɛ́ɛ́léné 14:18

Ámbúh nyíŋ, áŋgɛl etám yu pámlé á étága-nsúlé. Ɛ ɓɛ́ɛ́la ŋguu nyí li kanʼyɛ lí nzáan; yɔg yu lága nyí ɛ byɛ́ɛ̄ míkwátɛ a mpumu a ŋga vóó la cíŋ ŋguu nɛ́: «lɛŋgɛ́ nyɔ́ŋ mikwátɛ wɔɔ a mpumu, ɔ sɛ́m bisaŋ bí bínyɛŋgɛ́n bí wáany á míndīī mí ŋkɔŋ-á-sí, átɔm nɛ́ mitám mɛ́ɛ́ má ólo.»

Biyɛ́ɛ́léné 6:12

La ma mu ɛ́n, eceg a kɔ̄pɔ́ éɓátan-ɛ́-ndembye yá yáhɛ́ bísáama, sí yu póghán ŋgandag vaŋgá vú vín ákaa mbɔ́tí miléna, la sóŋ yu vɛ́ɛ ákaa micii.

Biyɛ́ɛ́léné 7:16

La náŋ, bí ŋgá kɛ ɓé pɛ li ógtan lí nzal, bí ŋgá ɓɛ́la ɓé pɛ evéhé míndīm, bí ŋgá kɛ ɓé pɛ li ógtan lí ádīg á vaŋgá tɔ adíg ntám.

Biyɛ́ɛ́léné 8:12

Ɛnɛ́ áŋgɛl ya yáhɛ́ ɛ́náa ya ɔ́ŋ nséɓá wɛ́ɛ́, epah yá yé vaŋgá átē á bipah bíŋháa, epah yá yé sóŋ átē á bipah bíŋháa la joga já jé lí átɛ̄ átē á moga míŋháa lú kūh njɔm; lú jáŋɛ́ épah yá yé épaa yáɓá átē á bipah bíŋháa. Nzámuh yu jáŋɛ́ épah yá yé épaa yɛ́ɛ́ átē á bipah bíŋháa, nlemlem á jam la díɓe.

Biyɛ́ɛ́léné 9:2

Ɔtɛ́ vú legé yéŋ eɓél-écɛ̄hɛ, la víta vú ɓét ákaa víta ví lísalká lícɛ̄ŋ; víŋ víta vú púan la ŋgɔá, vú dímbhánɛ́ vaŋgá.