Biyɛ́ɛ́léné 16:17 - Esaa-líat ɛ́ péná

¹⁷ Áŋgɛl ya yáhɛ nzambúwá yu kóm liɓondó jɛ́ɛ́ á ŋgɔá, la cíŋ ecɛ́ŋ yu pámlé á étɔɓé-líkanʼyɛ yé ɓɛ́ɛ́ á ndáá-ēcɛ́ŋ-Ɔlolómɛ̄, yu yó nɛ́: «Náŋ a súg!»

Biyɛ́ɛ́léné 16:17 ပူးပေါင်းရင်းမြစ်များ

Yohánɛs 19:30

Ɛnɛ́ a nyú éɓāmhá-wáany, ɔ yó nɛ: «Mɔ́mísɛ má yál!» La nyɛ́ ɔ ɛ́ŋʼyɛ́ m̀mú, ɔ páte.

Elōg-Éféso 2:2

á ɔkolpáŋá, eceg miní ŋgí ógle loó lí nyú ŋkɔŋ-á-sí, ŋ̀kanʼyɛ nyɔ́ a lɛ á póla sí la loó. Nyɔ́ŋ ŋ̀kanʼyɛ nɛ́ a lɛ m̀búl m̀ɓé á ŋga sál vɔ́ŋɔ́ɔ á póla ɓot ɓá ndɔ́gɓéné Ɔ́lolómɛ̄.

Elōg-Éféso 6:12

átɔm nɛ́, ah la ɓot-bí-bínam ɓé nɛ́ bi ŋga dúu, ndí biíg du la Mikanʼyɛ mí lɛ́ á lōó, la patí Ŋguu ɛ́sɛ ɛ́ lɛ́ á lōó, la Ɓaɓémbɛ bí nyú ŋkɔŋ á lívito, la mimbúl míɓē mí lɛ́ á lóō.

Biyɛ́ɛ́léné 11:15

Ɛnɛ́ áŋgɛl ya yáhɛ́ nzambúwá ya ɔ́ŋ nséɓá wɛ́ɛ́; cíŋ ecɛ́ŋ yú sɔ́le á lóō yú lága nɛ́: «Nyí vɔ́ŋɔ́ɔ likanʼyɛ lí ŋkɔŋ-á-sí la timan jé lí Ɛtáŋɛ wahá la jé lí Nyɔ́-a-Pɔ́hlɛ; ag kɛ li kanʼyɛ á éɓem la á éɓem.»

Biyɛ́ɛ́léné 11:19

Ɛnɛ́ ndáá-ēcɛ́ŋ-Ɔlolómɛ̄ nyí ɛ lɛ á lóō ya léglan la ŋkúú á ésaa-líat wú ɛ́ni múŋ á nyíŋ ndáá-ēcɛ́ŋ-Ɔlolómɛ̄; váŋ nɛ́ lóō lá mwɛg, cíŋ yú lón, mbambat yú ɓām, sí yu póghan la mitámŋga mú ɓɛ́hán ŋgándag.

Biyɛ́ɛ́léné 14:15

Ámbúh náŋ, áŋgɛl etám yu pámlé á ndáá-ēcɛ́ŋ-Ɔlolómɛ̄, la yɔ yú lága nyɔ́ a ɓɛ́ɛ́ a tɔ́ɔ̄ á lóō lí mbaga nɛ́: «Lɛŋgɛ́ mikwátɛ wɔ́ɔ a mpumu, ɔ púmú; ŋgɛ́ŋ mpumu ya kɔlan, átɔm nɛ́ mindíí mí ŋkɔŋ-á-sí má ólo.»

Biyɛ́ɛ́léné 14:17

Ámbúh náŋ, áŋgɛl etám yu pámlé á ndáá-ēcɛ́ŋ-Ɔlolómɛ̄ nyí ɛ lɛ á lóō, yɔg ɛ ɓɛ́ɛ́ ɛ byɛ́ɛ́ mikwátɛ a mpumu a ŋga vóó.

Biyɛ́ɛ́léné 16:1

La ma Yohánɛs mu ámblé cíŋ ecɛ́ŋ até á ndáá-ēcɛ́ŋ-Ɔlolómɛ̄ ɛg laga áŋgɛl nzambúwá nɛ́: «Kɛnán miní cámánɛ miɓondó nzambúwá mí ɔún ví Ɔlolómɛ̄ á ŋkɔŋ-á-sí»

Biyɛ́ɛ́léné 21:6

La nyɛ́ ɔ lága sīg-pɛ ma nɛ́: «Mɔ́mísɛ má yál. Mi lɛ Álfa la Oméga, miɓotlé la lisúg. Nyɔ́ la nyɔ́ evéhé ɛ́ byɛ́ɛ̄, mag kɛ nyɛ́ lí tíi lí míndīm mí líŋgɛ̄n lí éniŋ yɛmɛ́.