Biyɛ́ɛ́léné 16:1 - Esaa-líat ɛ́ péná

¹ La ma Yohánɛs mu ámblé cíŋ ecɛ́ŋ até á ndáá-ēcɛ́ŋ-Ɔlolómɛ̄ ɛg laga áŋgɛl nzambúwá nɛ́: «Kɛnán miní cámánɛ miɓondó nzambúwá mí ɔún ví Ɔlolómɛ̄ á ŋkɔŋ-á-sí»

Biyɛ́ɛ́léné 16:1 ပူးပေါင်းရင်းမြစ်များ

Biyɛ́ɛ́léné 11:19

Ɛnɛ́ ndáá-ēcɛ́ŋ-Ɔlolómɛ̄ nyí ɛ lɛ á lóō ya léglan la ŋkúú á ésaa-líat wú ɛ́ni múŋ á nyíŋ ndáá-ēcɛ́ŋ-Ɔlolómɛ̄; váŋ nɛ́ lóō lá mwɛg, cíŋ yú lón, mbambat yú ɓām, sí yu póghan la mitámŋga mú ɓɛ́hán ŋgándag.

Biyɛ́ɛ́léné 14:15

Ámbúh náŋ, áŋgɛl etám yu pámlé á ndáá-ēcɛ́ŋ-Ɔlolómɛ̄, la yɔ yú lága nyɔ́ a ɓɛ́ɛ́ a tɔ́ɔ̄ á lóō lí mbaga nɛ́: «Lɛŋgɛ́ mikwátɛ wɔ́ɔ a mpumu, ɔ púmú; ŋgɛ́ŋ mpumu ya kɔlan, átɔm nɛ́ mindíí mí ŋkɔŋ-á-sí má ólo.»

Biyɛ́ɛ́léné 14:18

Ámbúh nyíŋ, áŋgɛl etám yu pámlé á étága-nsúlé. Ɛ ɓɛ́ɛ́la ŋguu nyí li kanʼyɛ lí nzáan; yɔg yu lága nyí ɛ byɛ́ɛ̄ míkwátɛ a mpumu a ŋga vóó la cíŋ ŋguu nɛ́: «lɛŋgɛ́ nyɔ́ŋ mikwátɛ wɔɔ a mpumu, ɔ sɛ́m bisaŋ bí bínyɛŋgɛ́n bí wáany á míndīī mí ŋkɔŋ-á-sí, átɔm nɛ́ mitám mɛ́ɛ́ má ólo.»

Biyɛ́ɛ́léné 15:1

La ma Yohánɛs mu ɛ́n ndembye etám á lóō; nyíŋ ndembye ɛ ɓɛ́ɛ́ écɛ̄ŋɛ́, yu ɓɛ́ ki ekanɛ-ŋgan. Nyíŋ ndembye ɛ ɓɛ́ɛ́ ja áŋgɛl nzambúwá yí ɛ́ ɓɛ́ɛ́ ɛ́ ɓɛ́gɛ bisɔghe byá tiile nzambúwá, átɔm nɛ́ eceg bí ŋga kɛ́ li loo nɛ́ ɔún ví Ɔ́lolómɛ̄ ki ví ŋga kɛ́ li man.

Biyɛ́ɛ́léné 16:17

Áŋgɛl ya yáhɛ nzambúwá yu kóm liɓondó jɛ́ɛ́ á ŋgɔá, la cíŋ ecɛ́ŋ yu pámlé á étɔɓé-líkanʼyɛ yé ɓɛ́ɛ́ á ndáá-ēcɛ́ŋ-Ɔlolómɛ̄, yu yó nɛ́: «Náŋ a súg!»