Biyɛ́ɛ́léné 15:2 - Esaa-líat ɛ́ péná

² La ma mu ɛ́n voóm ɔ́ŋgɛn túwɛ nyí Kilístal, náŋ ɛnɛ voóm a ŋga púnan la elembán, nɛ kí ɔ tɛ́ɛ́ á yé epah ɔg ɛ́n yéŋé. Yéŋ epaa ɛ́ ŋgí ɛ́ni ɔ́ŋgɛn nzáan nɛ́ ɓɛ́ɛ́ múŋ até. Mu ɛ́n ɓádī-tít-cíŋ, ɓot ɓá ɓá pún lí ɓégɛ lí edíŋgɛ́-díŋgɛ yɛ́ɛ́ la li vá lí táŋga nyí joó jɛ́ɛ́ á mbɔm; bí tɛ́ɛ á lóō lí nyɔ́ŋ voóm, bí ɓɛ́gɛ andende Ɔlolómɛ̄ a tí ɓɔ.

Biyɛ́ɛ́léné 15:2 ပူးပေါင်းရင်းမြစ်များ

Matéus 3:11

«Ma, mag tíi ɓɛ́nɛ nzoɓan átē a mindím nyí ɛ ŋga étɛ nɛ́ maná tám áɓē wáná, munú vēŋé bílɛ̄m, ndí nyɔ́ a ŋga sɔ́ ámbúh yáma ag loo ma ŋguu. Mih kɔ́ɔ́ ɓé ma nyɛ́ li ɓógtɛ lí bítāmbí. Ndí nyɛ́, ág kɛ ɓɛ́nɛ li tíi lí nzóɓan nyí nzáan la nyí M̀búl Mpúán.

Pétlos 1 1:7

á lí ɓɔŋ nɛ́ míŋ miceglan mí étɛ ɔvega ví ŋyéɓé wáná. Góol ɛg lɔɓe, tɔ náŋ kaa bí ŋga vá yɔ á nzáan á lí yí kí nɛ́ ɛ lɛ taŋ. Nlemlem á jam nɛ́ bí ŋga li ɓɔ̄ŋ la ŋyéɓé wáná nyú á lɛ́ taŋ li loo lí nyíŋ góol, á lí ɓɔŋ nɛ́ miní kuh bíɓégɛ, lipém la adit eceg Yésus Kilístus a ŋga kɛ́ li étɛ lí nyúū yɛ́ɛ̄.

Pétlos 1 4:12

Á élōgyāŋ yé ediŋ, náŋ ah nyágɛ́gɛ́ ɓé ɓɛ́nɛ nɛ́ miní lɛ́ átē á nzáan miceglan, ɔ́ŋgɛn náŋ a lɛ́ ǹcɛn á jam.

Biyɛ́ɛ́léné 12:11

Ndí, elōgétāŋ yáhá, yá dí nyɛ cíŋ, li loole la micii mí mɔɔ́n ntómbɛ́ la mbóŋ nyí eɓaŋgá Ɔ́lolómɛ̄ ɓá tíi. Ɓáh kɔn ɓé woŋ li tíi lí éniŋ yáɓá á nyɛmb.

Biyɛ́ɛ́léné 13:1

Váŋ nɛ́ ma Yohánɛs ma ɛ́n tít nyí jóom lí míɓēg la mimú nzambúwá ɛg pámle á túwɛ. M̀ɓég sig a byɛ́ɛ̄ ɔtot, m̀mú sig ki á byɛ́ɛ joó bí ŋga vɔ́ɔ́léne Ɔlolómɛ̄.

Biyɛ́ɛ́léné 13:14

La nyíŋ tít yu yɛ́ɛ́ ɓot bí ŋkɔŋ-á-sí la ŋguu ɓá tí yɔ á li ɓɔŋ lí mínɛ́ŋ ɔ́sū ví tít ɔsú. Yu kágyɛ́ ɓɔ nɛ́ bí mɛ̄ njimbilí á épunan ɛ́ nyí tít ɛ byɛ́ɛ̄ ékwɛɛ ɛ́ ŋga lá yɔ li ól ndí yú mān á lí tíi lí yɔ adit.

Biyɛ́ɛ́léné 13:17

La náŋ, mut tɔ wa a ŋga kɛ ɓé li sóm ndí tɔ li nuŋu, kíyáɓɛ́nɛ ah byɛ́ɛ́ ɓé ndembye nyí nyíŋ tít, joó jɛ́ɛ́ tɔ táŋga nyí ɛ ŋga kɛ́la joó jɛ́ɛ́.

Biyɛ́ɛ́léné 21:18

Ɓá óŋ bíŋ bididiya la taŋ ŋgɔg bí ŋga yáŋa nɛ́ yáspe. Tísɔn ɛ ɓɛ́ɛ́ ŋóŋɓɛ́gɛ la taŋ góol nyí ɛ ŋga punan la ŋgɔg ɛ lɛ ákaa elembán yé ɛ́ lɛ́ nɛ kí ɔ tɛ́ɛ yé epah ɔg ɛ́n yéŋé.

Biyɛ́ɛ́léné 4:6

Ɔsú ví étɔɓé-líkanʼyɛ ví ɓɛ́ɛ́ ákaa bipúpúɛ bí mindím, mí ŋga púnan la elembán, nɛ kí ɔ tɛ́ɛ́ á yé epah ɔg ɛ́n yéŋé. Biveglé bínáa bí byɛ́ɛ̄ miíh ŋgandag ɔ́sū la á mbúh bí ɓɛ́ɛ́ á m̀mím la á míŋgwáāg mí yéŋ etɔɓé-líkanʼyɛ.

Biyɛ́ɛ́léné 5:8

Ɛnɛ́ a lɛ́glé yɔ, bíŋ biveglé bínáa elɔŋ la mí muúmɓáa mí ɓácɛ̄ŋ bí ékombo-lóō la bínáa mú úlɓan, mú úm míɓɔ̄ŋ á sí á ɔ́sū ví mɔɔ́n ntómbɛ́. Mut sig á élɔŋ yáɓá a ɓɛ́ɛ́ á byɛ́ɛ ɔndende la miɓondó mí góol ŋyálāg la binumba, bí bí lɛ́ míkánɛ mí ndog-Ɔlolómɛ̄.