Biyɛ́ɛ́léné 14:7 - Esaa-líat ɛ́ péná

⁷ Nyíŋ áŋgɛl ɛ ŋgí lɛgɛ la ŋguu nɛ́: «Kɔnán Ɔ́lolómɛ̄ woŋ, miní tí nyɛ́ lípēm átɔm nɛ́ eceg yá nyɛ́g, ŋgɛ́ŋ yɛ́ɛ̄ li kááhɛ ya kɔlan. Ɓéghánɛ m̀veg sí la lóō, túwɛ la ɓavoóm bísɛ mindím mí ŋga pámle.»

Biyɛ́ɛ́léné 14:7 ပူးပေါင်းရင်းမြစ်များ

Matéus 25:13

Tɔɓán hɔ́ pɛ́ɛ, átɔm nɛ́ miní ŋgá yí ɓé ɔ́lɔ̄ tɔ ŋgɛ́ŋ.»

Lúkas 17:18

Mut tɔ wa á póla yaɓá áh timan ɓé li tíi lí Ɔlolómɛ̄ mítamlan, amáh sig nyɔ́ ǹcɛn á mut é?»

Misɔ́n mí Ɓáōmɓɛ 14:15

«Kɛ́m ée! Yéé miní ŋga ɓɔ̄ŋ náŋ é? Ŋ̀gɛ̄n ɓɛ́hɛ ki bi lɛ̄ jā ɓot-bí-bínam kaa ɓɛ́nɛ! Pɔ́l M̀ɓɛɛŋ bi ŋga lɛ́gɛ ɓɛ́nɛ, ɛ lɛ̄ já nɛ́ miní mwahɛ́ bíŋ bijóŋ, miní ōŋ Ɔlolómɛ̄ nyɔ́ a lɛ á éniŋ, m̀veg sí, loó, túwɛ la biveglé byáɓá bísɛ.

Pétlos 1 4:7

Lisúg lí mam mísɛ lí lɛ́ ɓɛɓɛ. Niŋán ákaa ɓot bí peg, miníh ɓɛ́ɛ́g ɓé á nlɛndanɛ́ á li ɓɔŋ nɛ́ miní lā li kánɛ.

Biyɛ́ɛ́léné 11:13

Á nlemlem á eceg, sí yu póghán taŋ-taŋ, epah ɛ́ tísɔn yá átē á jóom yú mūglan, la akóó á ɓot nzambúwá wú wú múŋ á jéŋ libúmbé. Ɓot bí véé nyɛmb bú kɔɔ́n woŋ la ɓɔ́ bú ɓégɛ́ Ɔlolómɛ̄ a lɛ á lóō.

Biyɛ́ɛ́léné 11:18

Ɓot bí bikombo bísɛ ɓá ála ndí ɔún vɔ́ɔ nɛ́ vá ɛ́ni; eceg yɔ́ɔ lí kááhɛ lí ɓot ɓá wú yé, eceg yɔ́ɔ lí tíi li ɓaɓɔŋle ɓɔ́ɔ nsála yé, ɓá bí lɛ́ ɓápɔ́tle-bí-Ɔ́lolómɛ̄, ndog-Ɔlolómɛ̄ la ɓá bí ŋga kɔn joó jɔ́ɔ woŋ, ɓatɔ́ga la ɓacɛ́ŋ; eceg yɔ́ɔ lí ól lí ɓálɔɔ ŋkɔŋ-á-sí yé.»

Biyɛ́ɛ́léné 15:4

Ɛtáŋɛ, nzáá a ŋgá kɔn ɓé wa woŋ é? Nzáá a ŋgá ɓégɛ ɓé jóō jɔ́ɔ é? Ányúū nɛ wā-ntámɛ́ nɛ ɔ lɛ Mpúán. Bikombo bísɛ bíg kɛ li sɔ́, la byɔ́ bí úm míɓɔ̄ŋ ɔ́sū vɔ́ɔ, ányúū nɛ mam mí m̀ɓɛɛŋ wa ɓɔ̄ŋ mí lɛ́ mbálɛ.»

Biyɛ́ɛ́léné 16:9

Nlohanɛ́ a adíg á vaŋgá ɔ dígɛ́ ɓot; la ɓɔ́ bú vɔ́ɔ́lé jóō lí Ɔlolómɛ̄ nyɔ́ a byɛ́ɛ̄ ŋguu li óm lí bíŋ bisɔghe bicɛ́ŋ, ndí ɓáh veŋe ɓé bílɛ̄m nɛ́ bí ɓégɛ nyɛ.

Biyɛ́ɛ́léné 18:10

Woŋ á ésɔghe yɛ́ɛ́ ág kɛ ɓɔ́ lí tɛ́ɛ́yɛ́ lí énɛŋɛ́, la ɓɔ́ ɓá lága nɛ́: ‹Eɓéé-nyúū! Eɓéé-nyúū! Wa Bábílon, tísɔn ecɛ́ŋ, ŋguu tísɔn, ŋgɛ́ŋ ya pɔ́n nɛ́ ya kɔlan á lí kááhɛ lí wa!›

Biyɛ́ɛ́léné 18:17

ŋgɛ́ŋ ya pɔ́n nɛ ya kɔlan á lí ɓɔ́lan lí nyúŋ abyaŋ ásɛ ɔ ɓɛ́ɛ́la.› Ɓadúg-méli bísɛ la ɓot bí ndee ɓáɓá, ɓasál á túwɛ la ɓanuŋu misaŋgó á túwɛ bíg kɛ li tɛ́lɛ lí énɛŋɛ́.

Biyɛ́ɛ́léné 18:19

Ɓot bí ŋgí kómɓan libúlú á m̀mú, bíg lee, bíg tɛ́ɛ́ milón mí líwū nɛ́: ‹Eɓéé-nyúū! Eɓéé-nyúū! Á tísɔn ecɛ́ŋ nyí miɓɛɛŋ má byaŋɓɛ́ ɓot bísɛ bí byɛ́ɛ̄ kúŋgā á túwɛ; ŋgɛ́ŋ ya pɔ́n nɛ́ ya kɔlan á lí cɛ́hɛ́ lí wa›!

Biyɛ́ɛ́léné 19:5

Váŋ nɛ́ cíŋ ɛ sɔ́léé á étɔɓé-líkanʼyɛ yu laga nɛ́: «Ɓéghánɛ Ɔlolómɛ̄ wahá, ɓɛ́nɛ ɓaɓɔŋle ɓɛ́ɛ́ bísɛ, ɓatɔ́ga la ɓacɛ́ŋ, ɓɛ́nɛ ɓakɔn nyɛ́ woŋ.»

Biyɛ́ɛ́léné 4:11

«Ɛtáŋɛ wahá Ɔlolómɛ̄, ányúū nɛ wa nɛ́ wa vēg joó nɛ̄ jam, wa sómo nɛ míŋ mam mí ɓɛ́, la mɔ́ mú vēgɓɛ, ɔ kɔ́ɔ́ la lipém, eɓégɛ, la ŋguu!»

Biyɛ́ɛ́léné 4:9

Eceg sig bíŋ biveglé bí ŋgí tíi nyɔ́ a tɔɔ́ á étɔɓé-líkanʼyɛ, a ŋga nīŋ á éɓem la á éɓem lipém, bíg ŋgí ɓégɛ nyɛ́ la lí tíi lí nyɛ mítamlan.

Biyɛ́ɛ́léné 8:10

Ɛnɛ́ áŋgɛl ya yáhɛ́ ɛ́ŋháa ya ɔ́ŋ nséɓá wɛ́ɛ́, m̀ɓáláŋ á ɔ́tɛ̄ ví ŋga sɔ́léne á lóō ndí víg díg ákaa ŋwaa vú ɓɛ́hán á sí; vú ɓɛ́hán á lóō lí joga já átē á moga míŋháa mí ásōō la á lóō lí míŋgɛ̄n mí míndīm.