Biyɛ́ɛ́léné 14:13 - Esaa-líat ɛ́ péná

¹³ La ma mú ámblé cíŋ ɛg sɔ́le á lóō ɛg laga nɛ́: cií nɛ́, «Nyí vɔ́ŋɔ́ɔ, misɔ́tá la ɓá bí ŋga wúēle até á ŋyéɓé á Nyɔ́ŋ-Ɛsáŋɛ́! M̀búl ag yó kɔɔ nɛ́, bí nyɔŋ evɛɛɓan yé misɔ́n máɓá, átɔm nɛ́ misɔ́n máɓá mí m̀ɓɛɛŋ, míg oŋ ɓɔ́.»

Biyɛ́ɛ́léné 14:13 ပူးပေါင်းရင်းမြစ်များ

Matéus 3:17

Váŋ nɛ́ cíŋ ya sɔ́lé á lóō yú lágá nɛ: «Nyɔ́ nɛ́ a lɛ̄ edidíŋɛ yáma Mɔɔ́n, nyɔ́ ma ɛ́n m̀ɓɛɛŋ nɛ́ mi pɔ́hɔ́.»

Lúkas 16:25

La Áblaháam ɔ yó nyɛ́ nɛ́: ‹Á mɔɔ́n wama, ɔ́ŋɔ́ɔ sig nɛ́ wa kūh ɛmɔ́ɔ misɔ́tá á éniŋ yɔ́ɔ, kí Lásalo a lɛ á sí eɓéé-nyúū; vɔ́ŋɔ́ɔ vá, nyɛ́g bíg ɓɔ́ɔ́ nyɛ́, wág ɔg táká.

Lúkas 16:9

«Ma hɔ́, mag laga ɓɛ́nɛ nɛ́: tɛ́gán míwāndá la ŋkuh á mínaa miní byɛ́ɛ̄ a li somo nɛ́ eceg á ŋgá man, míŋ miwándá mí lɛ́glé ɓɛ́nɛ á ndáá yí éniŋ éɓem.

Elōg-Lóma 14:8

Átɔm nɛ́, kí biíg niŋ, biíg niŋ ányúū Nyɔ́ŋ-Ɛsáŋɛ́, kí biíg wú, biíg wú ányúū Nyɔ́ŋ-Ɛsáŋɛ́. Jɔ́ nɛ́, ɓa ɓɛ́ á éniŋ tɔ ɓā wú, bi lɛ ɓá bí Nyɔ́ŋ-Ɛsáŋɛ́.

Elōg-Kɔlínto 1 15:18

La náŋ, ɓáŋ ki ɓá wú á ŋ̀atanɛ́ la Nyɔ́-a-Pɔ́hlɛ bí lɛ́ mínjáŋāg.

Elōg-Kɔlínto 1 15:20

Ndí á mbálɛ, Nyɔ́-a-Pɔ́hlɛ a pāhyé á póla ɓā ɓá wú, la nyɛ́ ɔ ɓɛ́ mut ɔsú a dúgú lí pahye á póla ɓā ɓá wú.

Elōg-Kɔlínto 1 15:58

Jɔ́ nɛ́ á élōgyāŋ yé édiŋ, lethánɛ, jam tɔ já líh yɔŋɓɛ́gɛ́ ɓé ɓɛ́nɛ, miní kɛ́la nsɔ́n á Nyɔ́ŋ-Ɛsáŋɛ́ la ɔsú ɛ́h ɓɛ́ ɓé lí tɔmb, la miɔ́ŋɔ nɛ́ esɔghe yé nsɔ́n yáná ɛ sē ɓé yɛ̄mɛ́ á ŋ̀atanɛ́ wāná la Nyɔ́ŋ-Ɛsáŋɛ́.

Elōg-Kɔlínto 2 5:8

Ɔɔ, bi lɛ mbáki ŋgandag la ɓɛ́hɛ-mɛ̄n nɛ́, biíg pɔhɔ li cóó lí nyí nyuú mut-a-binam, á lí kɛ lí lí ɓole á ŋgwáāg Nyɔ́ŋ-Ɛsáŋɛ́.

Elōg-Fílípi 2:17

Ndí, tɔ yá pám ja nɛ́ micii máma má nyɛ́ɛ lí kómɓɛ ákaa likaale lí ŋga ɓátle á nsúlé nyú á lɛ́ nsɔ́n miní ŋga sál ányúū ŋyéɓé wáná, náŋ ag kɔnɛ jā ma mívag, mi sōphɛ́ ki elɔŋ la ɓɛ́nɛ bísɛ.

Elōg-Tésaloníka 1 4:14

Kasig bi ŋga yéɓe kɔɔ la mbálɛ nɛ́ Yésus a wú, ɔ pāhye, náŋ ki nɛ́ ɓaá nyɛ́ɛ lí yéɓe nɛ́ ɓá bísɛ ɓá wú ányúū Yésus, Ɔlolómɛ̄ ag kɛ́ ɓɔ́ lí pahyɛ nɛ́ bí ɓɛ́ elɔŋ la Yésus.

Elōg-Tésaloníka 1 4:16

Ányúū nɛ, eceg ŋgɛ́ŋ ya kūt, eceg bi ŋga kɛ́ li ámble lí cíŋ nyí áŋgɛl ecɛ́ŋɛ́ la nlón á nséɓá á Ɔ́lolómɛ̄, Nyɔ́ŋ-Ɛsáŋɛ́ nyɛ́-mɛ̄n ag kɛ li sɔ́le á lōó, váŋ hɔ́, ɓot ɓá wú ányúū Nyɔ́-a-Pɔ́hlɛ nɛ́ bí ŋga kɛ́ li dúgu lí lí pahye.

Elōg-Tésaloníka 1 5:10

nyɔ́ a wú ányúū yāhá, á lí ɓɔŋ nɛ́, ɓa ɓɛ́ pɛ́ɛ tɔ á ɔ́lɔ̄, bi nīŋ élɔŋ la nyɛ́ átē a ŋ̀atanɛ́.

Timotéo 1 5:24

Ɓot ɓá bí lɛ̄, ɓá míɓē máɓá mí ŋga ɛ́ni sɔ́kágánɛ́ bíg kááhɛ ɓɔ́. Ndí ɓatám, miɓé máɓá míg ɛ́ni ja ámbúh eceg.

Timotéo 1 5:25

Náŋ ki nɛ́ mísɔ̄n mí m̀ɓɛɛŋ mɔ́g mí ŋga pómánɛ li ɛ́ni, ndí tɔ mí mí ŋgá vóó ɓé lí ɛ́ni, mɔ́g mí ŋgá tígle ɓé á lísɔl.

Biyɛ́ɛ́léné 1:11

Ɛ ŋgí lɛgɛ nɛ́: «Yé ɛ́sɛ ɔ ŋgɔ kɛ́ li ɛ́n, cií yɔ́ á pɔ̄m kálati, ɔ óm yɔ á bí Biɓasɛ nzambúwá: á yé Éféso, á yé Simílna, á yé Pɛlgáma, á yé Tiatília, á yé Sáldɛs, á yé Filadɛlfía la á yé Laodíse.»

Biyɛ́ɛ́léné 10:4

Eceg mbámká nzambúwá yí mbambat yá ámblɛ́, mu sōmó lí cii, la ma mu ámblé cíŋ ya sɔ́lé á lóō ɛg laga ma nɛ́: «Sɔɔ́ njɛn á yí mbámká nzambúwá yí mbambat, ɔh ciíg ɓé wɔ.»

Biyɛ́ɛ́léné 11:15

Ɛnɛ́ áŋgɛl ya yáhɛ́ nzambúwá ya ɔ́ŋ nséɓá wɛ́ɛ́; cíŋ ecɛ́ŋ yú sɔ́le á lóō yú lága nɛ́: «Nyí vɔ́ŋɔ́ɔ likanʼyɛ lí ŋkɔŋ-á-sí la timan jé lí Ɛtáŋɛ wahá la jé lí Nyɔ́-a-Pɔ́hlɛ; ag kɛ li kanʼyɛ á éɓem la á éɓem.»

Biyɛ́ɛ́léné 11:19

Ɛnɛ́ ndáá-ēcɛ́ŋ-Ɔlolómɛ̄ nyí ɛ lɛ á lóō ya léglan la ŋkúú á ésaa-líat wú ɛ́ni múŋ á nyíŋ ndáá-ēcɛ́ŋ-Ɔlolómɛ̄; váŋ nɛ́ lóō lá mwɛg, cíŋ yú lón, mbambat yú ɓām, sí yu póghan la mitámŋga mú ɓɛ́hán ŋgándag.

Biyɛ́ɛ́léné 16:17

Áŋgɛl ya yáhɛ nzambúwá yu kóm liɓondó jɛ́ɛ́ á ŋgɔá, la cíŋ ecɛ́ŋ yu pámlé á étɔɓé-líkanʼyɛ yé ɓɛ́ɛ́ á ndáá-ēcɛ́ŋ-Ɔlolómɛ̄, yu yó nɛ́: «Náŋ a súg!»

Biyɛ́ɛ́léné 19:9

Váŋ nɛ́ áŋgɛl ya, ya laga ma nɛ́ mi cíi nɛ́: «Misɔ́tá la ɓot ɓá yáŋlɛ́ á ŋgand aúg nyí mɔɔ́n ntómbɛ́.» Yu lága sīg-pɛ nɛ́: «Bíŋ biɓaŋgá bí lɛ́ kɔɔ biɓaŋgá bí Ɔlolómɛ̄ nyɛ́-mɛ̄n.»

Biyɛ́ɛ́léné 2:1

Ciilé áŋgɛl nyí Eɓasɛ yé Éféso nɛ́: Nyɔ́ a byɛ́ɛ̄ átɛ̄ nzambúwá á wɔ wɛ́ɛ́ á m̀ɓɛ́nlómɛ, a ŋga lóole á m̀mím á bítūlkáŋ bí góol nzambúwá ag pɔ́t nɛ́:

Biyɛ́ɛ́léné 2:7

Nyɔ́ a byɛ́ɛ̄ miɔ́ɔ́, a ámblé yéé M̀búl a ŋga lága Biɓasɛ: Ǹdí-cíŋ, mag kɛ nyɛ́ lí tíi lí eéé éniŋ ɛ́ tɛ́ɛ́ á paladīs nyí Ɔlolómɛ̄ ákaa lidí.»

Biyɛ́ɛ́léné 20:6

Misɔ́tá la ndog-Ɔlolómɛ̄ nyí ya nyɔ̄ŋ ŋgáɓo á jéŋ lipahye lí ɔ́sū. Bí ŋgá kɛ ɓé lí yí lí nyɛmb ya yáhɛ ɛ́ɓáa nyí ya tíile; bíg kɛ li ɓɛ́ lí ɓátíi-nsúlé bí Ɔlolómɛ̄ la ɓá bí Kilístus; bíg kɛ li tɔɔ la nyɛ́ á líkanʼyɛ ányúū ɔkóó ví mímbú.

Biyɛ́ɛ́léné 21:5

Váŋ nɛ́ nyɔ́ a yɔgɛ́ á étɔɓé-líkanʼyɛ a lágā nɛ: «Nyí vɔ́ŋɔ́ɔ, mag timanɛ mam mísɛ péná.» Ámbúh náŋ ɔ lága nɛ: «Cií, átɔm nɛ́, bí biɓaŋgá bí tɛ́ɛ́, ndí bú ɓɛ́ ki mbálɛ.»

Biyɛ́ɛ́léné 22:17

M̀búl Ɔ́lolómɛ̄ la sɔ́mbɔ́ mindígá bíg lága nɛ́: «Sɔ́!» Tɔ nzáá a ŋga ámble nyɛ́g a lágá nɛ́: «Sɔ́!» Tɔ nzáá évēhé ɛ́ byɛ́ɛ̄ a sɔ̄. Tɔ nzáá a byɛ́ɛ̄ kóó li nyú lí míndīm mí éniŋ, a kūh mɔ́ yɛmɛ́.

Biyɛ́ɛ́léné 6:11

Váŋ nɛ́ ɓá tí mut sig epúpúɛ mbɔ́tí, bú lága ɓɔ̄ nɛ́ bí ɔ́hánɛ pɛ puh eceg, nɛ́-tɛ́ɛ táŋga ɓot bí ŋga sál la ɓɔ́ ya yál, elɔŋ la elōgétāŋ yáɓá bí ŋga nyɛ́ɛ li ól kaa ɓɔ́.