Biyɛ́ɛ́léné 14:10 - Esaa-líat ɛ́ péná

¹⁰ nyɛ́g ag kɛ li nyú lí wáany nyí nlohanɛ́ a ɔún ví Ɔ́lolómɛ̄, nyí ɓá ɔlɔ́ á líɓondó lí ɔ́ūn vɛ́ɛ́, ɛ́h ɓɛ́ ɓé yɔ li puu; ag kɛ li kuh lí také até a nzáan la nzuhú, ɔ́sū ví áŋgɛl púán la ɔ́sū ví mɔɔ́n ntómbɛ́.

Biyɛ́ɛ́léné 14:10 ပူးပေါင်းရင်းမြစ်များ

Matéus 20:22

Yésus ɔ pélē nɛ́: «Miní ŋgá yí ɓé yé miní ŋga ɓāt. Ɓaá, miníg la li nyú lí líɓondó lí ésɔghe mi ŋga kɛ́ li nyú é?» La ɓɔ́ bú pélē nyɛ nɛ́: «Ɔɔ, biíg la.»

Matéus 25:41

Ámbúh náŋ, káísa ag kɛ hɔ́ lí laga lí ɓot bí ŋga ɓɛ́ nyɛ́ á m̀ɓɛ́ŋgáa nɛ́: ‹Nɛŋlán la ma, á mílɔgɔ́g mí ɓot mí! Kɛnán á éɓēl-nzáan nyí ɛ́ ŋgá dím ɓé, yé lɛ́ m̀ɓoŋhágan ányúū ǹsɔhɔ la áŋgɛl yɛ́ɛ́.

Matéus 26:39

La nyɛ́ ɔ nɛ́ŋɛ̄ puh, ɔ úlɓán, asú á sí, ɔ kánɛ̄ nɛ: «Etāa, kíyáɓɛ́nɛ náŋ a lɛ́ nɛ a ɓɔŋɓɛ, jé liɓondó lí ésɔghe lí nɛ́ŋɛ̄ la ma, ɛ́h ɓɔ̄ŋɓɛ́gɛ́ ɓé jā ákaa nsom wáma, ndí ákaa nsom wɔ́ɔ.»

Málkus 8:38

Ányúū nɛ́ nyɔ́ la nyɔ́ a ŋga kɔ̄n ɔsɔ́n ányúū yáma la ányúū biɓaŋgá byáma ɔ́sū ví nyí nyɔŋɔn ɛ lɛn, nyí miɓé, nyí yāh tiŋɓe ɓé la Ɔlolómɛ̄, Mɔɔ́n Mut nyɛ́g ag kɛ li kɔn lí ɔsɔ́n ányúū yɛ́ɛ̄, eceg a ŋga kɛ́ li sɔ́ elɔŋ la áŋgɛl epúán átē a lipém lí Ɛ́sāŋɛ́.»

Málkus 9:44

]

Misɔ́n mí Ɓáōmɓɛ 10:22

Bú pélē nyɛ nɛ́: «Kɔlnéya, ŋ̀kanʼyɛ nlɔŋ á eɓógo ɛ́ sónja, mut a tɛ́ɛ́ sim, a ŋga kɔ̄n Ɔlolómɛ̄ woŋ, nyɔ́ lilóm lí Élōg-Yúda lísɛ lí ŋga tíi mbóŋ élāām, nyɛ́ nɛ́ á óm ɓɛ́hɛ. Áŋgɛl Ɔlolómɛ̄ ya yɛ́ɛ́léné nyɛ nɛ́, ɔg nyɛɛ li kɛ á ndáá yɛ́ɛ̄, ɔ máŋlɛ́ nyɛ́ yé ɛ́sɛ ɔ byɛ́ɛ̄ á lí laga lí nyɛ.»

Elōg-Tésaloníka 2 1:7

Ɓɛ́nɛ ɓá miní ŋga táka, Ɔlolómɛ̄ ag kɛ ɓɛ́nɛ li tíi lí évɛɛɓan elɔŋ la ɓɛ́hɛ, eceg Ɛtáŋɛ Yésus a ŋga kɛ́ li yɛ́ɛ́léne lí ɓɛ́hɛ nyɛ́-mɛ̄n, á mísɔ̄ mɛ́ɛ́ á lóō la mbimban áŋgɛl.

Yúde 1:7

Nlemlem á jam tísɔn yí Sódom la Gomóla, la yíŋí tísɔn ɛ́ lɛ́ á ŋgwáāg, yí yɔ́g yá níŋgí á mpuŋgú á ndeŋg, yí ɛ́ lɛ́ nɛ ɓatɔɓene ɓá oŋ bíveglé bí bí sē ɓé ákaa ɓɔ́. Yíŋ tísɔn ɛ́sɛ ɛ́ lɛ́ lɛn ákaa ndembye á ékɔ́ghɛ yé nzáan nyí ɛ ŋgá dím ɓé á éɓem la á éɓem.

Biyɛ́ɛ́léné 15:7

Eveglé yá átē a bí biveglé bínáa yú tí yí áŋgɛl nzambúwá míɓondó mí góol nzambúwá, mí mí ɓɛ́ɛ́ mí yáhɛ la ɔún ví Ɔ́lolómɛ̄ nyɔ́ a ŋga nīŋ á éɓem la á eɓem.

Biyɛ́ɛ́léné 16:19

Tísɔn ecɛ́ŋ yu mūglan, yu káaɓán móga míŋháa, tísɔn yí bíkombo bísɛ yú kúlu. Váŋ nɛ́ Ɔlolómɛ̄ a ɔ́ŋɔ Bábílon ecɛ́ŋ, á lí tíi lí yɔ liɓondó lí byɛ́ɛ̄ milɔg mí ŋga tɔ̄g la ɔún vɛ́ɛ́ vícɛ̄ŋ.

Biyɛ́ɛ́léné 18:3

Átɔm nɛ́, nyíŋ tísɔn ya nyúhɛ́ bikombo bísɛ milɔg mí má pámlé á éniŋ yɛ́ɛ́ yé ákwala. Káísa yí ŋkɔŋ-á-sí yú ɓɔ̄ŋ mpuŋgú élɔŋ la yɔ, la ɓot bí nyuŋgá bí ŋkɔŋ-á-sí bú byaŋá á nlohanɛ́ wɛ́ɛ̄ a mpuŋgú á ndeŋg.»

Biyɛ́ɛ́léné 18:6

Miní ɓɔŋlé nyíŋ tísɔn ákaa ya ɓɔ̄ŋlé ɓáŋá, miní timánɛ yɔ jam ya ɓɔ̄ŋ, náŋ ŋgele ɛ́ɓáa. Yááhánɛ liɓondó jɛ́ɛ́ la milɔg mí ŋguu, náŋ ŋgele ɛ́ɓáa li loo lí yé ya nyúɛ́hɛ́ ɓáŋá.

Biyɛ́ɛ́léné 19:15

Mboná nsɔŋ yu pámlé nyɛ á ányu á lí sɔghɛ lí bíkombo. Ag kɛ́ li ɓɛ́la lí ɔso ví écɛɛ á lí kanʼyɛ lí byɔ́ la ŋguu, ag kɛ li cógte lí m̀ɓálá nyú a byɛ́ɛ̄ wáany nyí ɛ ŋga tɔ̄g la ɔún ví Ɔlolómɛ̄ á Ŋguu-mísɛ.

Biyɛ́ɛ́léné 19:20

La tít yu byéelɓɛ́ ŋkómá, bú byeé ki m̀pɔ́tle-a-Ɔlolómɛ̄ a minaa nyɔ́ a ɓɔŋɔ́ɔ́ mínɛ́ŋ ɔ́sū ví tít, ányúū li jáŋɛ lí ɓot bí kuhúú ndembye nyí tít la li ɓégɛ lí edíŋgɛ́-díŋgɛ yɛ́ɛ́. Tít la m̀pɔ́tle-a-Ɔlolómɛ̄ a minaa bú lééɓɛ́ bíg vɛɛɓan átē á éɓēl-nzáan nyí ɛ ŋgá dím ɓé, nyí nzuhú ɛ ŋga lóŋɛ.

Biyɛ́ɛ́léné 20:10

La ǹsɔhɔ, ŋ̀yɛ́ɛ ɓɔ́ ɔ lɛ̄ŋgɓɛ́ á ébúle yé nzáan la yé nzuhú ápah tít ɛ lɛ la ɓapɔ́tle-bí-Ɔ́lolómɛ̄ bí mínaa. Bíg kɛ li taka ŋgandag, díɓe la nzámuh á éɓem la á éɓem.

Biyɛ́ɛ́léné 20:14

Váŋ nɛ́ ɓá lɛŋgɛ́ nyɛmb la ŋkɔŋ á ɓádūgu á ébúle yé nzáan. Ebúle yé nzáan nɛ́ ɛ́ lɛ nyɛmb ya yáhɛ́ ɛ́ɓáa nyí ya tíile!

Biyɛ́ɛ́léné 21:8

Ndí, ányúū aɓɔɓɔŋga á ɓot, ɓot ɓáh tiŋɓe ɓé la ma, ɓaɓéé-mam, ɓot bí miólan, ɓot bí mpuŋgú, ɓot bí míkaŋ, ɓaɓégɛ-bisát la ɓot bí minaa bísɛ; bíg kɛ li kɛ á ébúle yé nzáan la nzuhú. Náŋ nɛ́ a lɛ nyɛmb ya yáhɛ́ ɛ́ɓáa nyí ya tíile.»