Biyɛ́ɛ́léné 14:1 - Esaa-líat ɛ́ péná

¹ La ma Yohánɛs mu ɛ́n, mɔɔ́n ntómbɛ́ a tɛ́ɛ á ɔ́kolá vícɛ̄ŋ ví Síon, elɔŋ la yé eɓógo ákōō la muúmínáa la ánáa yé ɓot. Mut sig múŋ á yéŋ elɔŋ a ɓɛ́ɛ́la joó lí mɔɔ́n ntómbɛ́ la jé lí Ɛsáŋɛ́ nciíg á mbɔm.

Biyɛ́ɛ́léné 14:1 ပူးပေါင်းရင်းမြစ်များ

Lúkas 12:8

Mag laga ɓɛ́nɛ nɛ́: tɔ nzáá a ŋga kɛ́ ma lí yéɓe ɔsú ví ɓot, Mɔɔ́n Mut ki ag kɛ nyɛ́ li yéɓe ɔsú ví áŋgɛl yí Ɔlolómɛ̄.

Elōg-Lóma 9:33

ákaa yá ciiɓɛ́ nɛ́: «Léɓyán, mag tɛ́ɛ́yɛ ŋgɔg ɔɓag á tísɔn nyí Síon, liáá lí ŋgɔg lí ŋga ɓɛ́h ɓot. Ndí nyɔ́ la nyɔ́ a ŋga ɛ́gɓéne jɔ́, m̀ɓá a ŋgá kɛ ɓé lí tám.»

Biyɛ́ɛ́léné 14:14

Má Yohánɛs mu ɛ́n sīg-pɛ mbaga ɛ ŋga púú, ɛ́ ŋgí ɛ́ni ɔ́ŋgɛn mɔɔ́n mut nɛ́ a tɔ́ɔ̄ á lóō jɛ́ɛ́. A ɓɛ́ɛ́la ɔtot ví góol á m̀mú, la mikwátɛ a mpumu a ŋga vóó á wɔ.

Biyɛ́ɛ́léné 14:3

Bí ŋgí lɔ́ŋgɛ ŋgoso péná, á ɔ́sū ví étɔɓé-líkanʼyɛ, ɔ́sū ví bíveglé bínáa la ɔ́sū ví ɓácɛ̄ŋ bí Ékombo-lóō. Ndí tɔ mut a ŋgí la ɓé lí yége lí nyíŋ ŋgoso, amáh sig yé eɓógo ákōō la muúmínáa la ɛ́náa yé ɓot ɛ́ sómɓɛ́ɛ la micii mí mɔɔ́n ntómbɛ́ á ŋkɔŋ-á-sí

Biyɛ́ɛ́léné 15:5

Ámbúh náŋ, mu ɛ́n ndáá-ēcɛ́ŋ-Ɔlolómɛ̄ nyí ɛ lɛ á lóō yu lēglan, nyí ɛ ɓɛ́ɛ́la lindúm lípūān ápah Ɔlolómɛ̄ a lɛ,

Biyɛ́ɛ́léné 22:4

Bíg kɛ li ɛ́n lí asú wɛ́ɛ́, joó jɛ́ɛ́ ki líg ɓɛ́ nciíg á mbɔm yáɓá.

Biyɛ́ɛ́léné 3:12

Ǹdí-cíŋ, mag kɛ nyɛ́ lí yaanɛ lí mbíi yí ndáá-ēcɛ́ŋ-Ɔlolómɛ̄ Loó jáma, m̀ɓá, a ŋgá kɛ ɓé pɛ li pám múŋ; mag kɛ li cii lí jóō lí Ɔlolómɛ̄ wama á nyúū yɛ́ɛ̄, la joó lí tísɔn nyí Ɔlolómɛ̄ wama, nyí ɛ lɛ̄ Yelúsalɛm nyí péná ya ómɓɛ́ la Loó jama. Mi cii ki joó jáma lí péná á nyúū yɛ́ɛ̄.

Biyɛ́ɛ́léné 4:1

Ámbúh náŋ, ma Yohánɛs mu ɛ́n líkooká lí áhɛ á lóō, cíŋ ɔsú mí ámbléé ɛ ŋgí pɔ́tɛ ma ákaa nséɓá, yu pɔ́t nɛ́: «Ɓét vá, mag kɛ wa lí étɛ lí yé ɛ́ ŋga kɛ́ li sɔ́.»

Biyɛ́ɛ́léné 6:8

La ma mu ɛ́n vɔ́si ɛ byɛ́ɛ̄ nsɔn á nzɔŋgɔ́ ɔwáá. Mut a ɓɛ́ɛ́ a tɔ́ɔ̄ yɔ á lóō a ɓɛ́ɛ́la joó nɛ «nyɛmb» ŋkɔŋ á ɓádūgu ki ag oŋ nyɛ́ á mbúh. Bú tí ɓɔ́ ŋguu nyí li kanʼyɛ li joga já até a moga mínáa mi ŋkɔŋ-á-sí; á lí ól lí ɓátɔɓene ɓɛ́ɛ́ la mboná, la nzal, la yé ɛ́sɛ ɛ́ ŋga sɔ́la nyɛmb, elɔŋ la tít éɓē ɛ́ ŋkɔŋ-á-sí ki.