Biyɛ́ɛ́léné 13:8 - Esaa-líat ɛ́ péná

⁸ Ɓot bí ŋkɔŋ-á-sí bíg kɛ yɔ li ɓégɛ, ɓá moó máh ciiɓɛ ɓé á kálati eniŋ li ɓotle á míɓōtlé mí ŋkɔŋ-á-sí; á kálati eniŋ nyí mɔɔ́n ntómbɛ́ ɓá ól.

Biyɛ́ɛ́léné 13:8 ပူးပေါင်းရင်းမြစ်များ

Matéus 25:34

Káísa ɛg kɛ li laga lí ɓá bí lɛ́ á m̀ɓɛ́nlómɛ wɛɛ́ nɛ: ‹Sɔ́án, ɓɛ́nɛ ɓá maná lómblɛ́ la Etāa, nyɔŋán Ékombo ákaa embámbá yé ɓá ɓoŋhán ɓɛ́nɛ, li ɓotle á mívegɓɛ mí ŋkɔŋ-á-sí

Lúkas 10:20

Tɔ la náŋ asɛ̄, miníh sophɛ́gɛ́ ɓé ányúū nɛ mimbúl míɓē míg ógle ɓɛ́nɛ, ndí vagán ja nɛ́ moó máná ma ciiɓɛ́ á ékombo-lóō.»

Yohánɛs 1:29

Ámbúh víŋ ɔlɔ́, ɛnɛ́ Yohánɛs a ɛ́n Yésus ag siŋgle nyɛ́ ɓɛɓɛ, ɔ lága nɛ: «Nyɔ́ nɛ́ a lɛ mɔɔ́n ntómbɛ́ á Ɔlolómɛ̄ a ŋga ɓógtɛ aɓé á ŋkɔŋ-á-sí

Elōg-Éféso 1:4

Átē a ediŋ yɛ́ɛ́, a dúgú ɓɛ́hɛ li pɔhɔ sɔ́kágánɛ́ ŋkɔŋ-á-sí ág vegɓɛ, nɛ́ bi átán la Nyɔ́-a-Pɔ́hlɛ, la nɛ́ bi ɓɛ́ ɓápūán, ŋgíla ɔnɛ́g ɔ́sū vɛ́ɛ́.

Elōg-Fílípi 4:3

Wág á taŋ yama liwándá lí nsɔ́n, mag sɔ́hye wa nɛ́ ɔ óŋgánɛ ɓáŋ ɓondígá, átɔm nɛ́ ɓɔ́ la Kelemāŋ la míŋí míwāndá mí nsɔ́n mísɛ, ɓaá du elɔŋ á lí camanɛ lí Pɔ́l M̀ɓɛɛŋ, ɓɛ́hɛ ɓá moó má ciiɓɛ́ á kálati nyí eniŋ.

Títo 1:2

nɛ́ bí ɓɛ́la lipitá nɛ bíg kuh eniŋ éɓem yé ɛ́ lɛ́ nɛ́, Ɔlolómɛ̄ nyɔ́ āh ɓáŋaa ɓé mínaa a kakáánɛ li ɓotle lí yɔŋ éceg.

Biyɛ́ɛ́léné 12:15

Váŋ nɛ́ nyíŋ nyɔ ya ló míndīm ŋgandag ákaa mindím mí lɔm á mbúh mindígá nɛ́ mí ɔ́ɔ́ndɛ́ nyɛ́.

Biyɛ́ɛ́léné 13:12

Ɛ ɓɛ́ɛ́la ŋguu ɛsɛ̄ nyí tít ɔsú, á lí ɓɔŋ lí mam á jóō jɛ́ɛ́. Ɛ ŋgí kágyɛ ŋkɔŋ-á-sí la ɓatɔɓene ɓɛ́ɛ́ nɛ́ bí ɓégɛ́ nyíŋ tít ɔsú nyí ɛ ɓɛ́ɛ́la ekwɛɛ yé ŋgí la yɔ li ól ndí yú man.

Biyɛ́ɛ́léné 17:8

Tít wa ɛ́n, ɛ ɓɛ́ɛ́, ndí ɛ sē ɓé pɛ. Ɛg kɛ li pámléne á eɓél-écɛ̄hɛ, la yɔ ɛ kɛ́ á njáŋgá. Ɓatɔɓene bí ŋkɔŋ-á-sí, ɓá moó máh ciiɓɛ ɓé á kálati nyí eniŋ li ɓotle á míɓōtlé mí ŋkɔŋ-á-sí, bíg kɛ li nyág eceg bí ŋga ɛ́n nyíŋ tít; átɔm nɛ́, ɛ ɓɛ́ɛ́ á kwaŋ, ɛ sē ɓé pɛ, ndí ɛg kɛ pɛ li sɔ́.

Biyɛ́ɛ́léné 21:27

Yoóm ɛ́ líbūá tɔ yá ɛ́ ŋgá kɛ́ ɓé lí níŋgi múŋ á nyíŋ tísɔn, nlemlem la tɔ nzáá ki a ŋga ɓɔŋ mam mí nyɛgá la li ɓaŋ lí mínaa. Ɓot bí ŋga kɛ́ li níŋgi á nyíŋ tísɔn bí lɛ́ ɓá moó má ciiɓɛ á kálati eniŋ nyí mɔɔ́n ntómbɛ́.

Biyɛ́ɛ́léné 3:10

Kasig ɛ́ lɛ́ nɛ, wa náŋɛ éɓaŋgá yama átē a m̀ɓán, mág, mag kɛ wa lí tát á ŋgɛ́ŋ nyí miceglan mí ŋga kɛ́ li kuele lí ŋkɔŋ-á-sí ásɛ, á li vá lí ɓátɔɓene bí ŋkɔŋ-á-sí á éceglɛ.

Biyɛ́ɛ́léné 3:20

Ɛ́n sig, mi tɛ́ɛ́ ɔ́sū ví líkooká, mag kɔtye. Kíyáɓɛ́nɛ mut a ámblé cíŋ yama, ndí á légē líkooká, mag níŋgi á ndáá yɛ́ɛ̄, mi dí elɔŋ la nyɛ́, nyɛ́g a dí elɔŋ la ma.

Biyɛ́ɛ́léné 3:5

Náŋ nɛ́ ǹdí-cíŋ a ŋga kɛ́ li jál lí bípúpúɛ bí mbɔ́tí. Mi ŋgá kɛ ɓé ma lí sáá lí jóō jɛ́ɛ́ a kálati eniŋ; mag kɛ nyɛ́ lí lem ɔ́sū ví Etāa la ɔ́sū ví áŋgɛl yɛ́ɛ́.

Biyɛ́ɛ́léné 5:12

Yéŋ edila áŋgɛl ɛ́ ŋgí lɔ́ŋgɛ á lóō lóō nɛ́: «Mɔɔ́n ntómbɛ́ nyɔ́ ɓá sɛ́m cíŋ á lí tíi ákaa nsúlé, a byɛ́ɛ́ kundɛ li kuh lí ŋguu, abyaŋ, peg, mbimban, adit, lipém la eɓégɛ.»

Biyɛ́ɛ́léné 5:13

Váŋ nɛ́ ma ámblé ki biveglé bí lɛ́ á lóō, bí bí lɛ́ á sí, bí bí lɛ́ á sí-ntím la á túwɛ; byɔ́ bísɛ bíg lón nɛ́: «Eɓégɛ, adit, lipém, la ŋguu bí ɓɛ́la nyɔ́ a tɔɔ́ á étɔɓé-líkanʼyɛ, nyɛ́ la mɔɔ́n ntómbɛ́ á éɓem la á éɓem.»

Biyɛ́ɛ́léné 6:1

Váŋ nɛ́ ma Yohánɛs ma ɛ́n hɔ́: Eceg mɔɔ́n ntómbɛ́ a kɔpléé eɓátan-ɛ́-ndembye ɔsú á byɔ́ nzambúwá, mu ámblé éveglé ɔ́sū átē á byɔ́ bínáa ɛ́g ɓām ákaa mbambat nɛ́: «Sɔ́!»