Biyɛ́ɛ́léné 13:6 - Esaa-líat ɛ́ péná

⁶ Váŋ nɛ́ tít ya ɓágá ányu, yu vɔ́ɔ́lé Ɔlolómɛ̄, yu vɔ́ɔ́lé jóō jɛ́ɛ́, yu vɔ́ɔ́lé líndūm lipúán ápah Ɔlolómɛ̄ a lɛ, la ɓáŋ bísɛ bí ŋga tɔ́ɓene wóŋ a lóō.

Biyɛ́ɛ́léné 13:6 ပူးပေါင်းရင်းမြစ်များ

Matéus 12:34

Á mbota péé nyí, nɛ láá miní lɛ́ nɛ maná lāgá mam mí m̀ɓɛɛŋ, nyaa nɛ́ miní lɛ́ ɓot ɓaɓé é? Ányúū nɛ anyu ág pɔ́t jā yé ɛ́sɛ yá byog á m̀mím.

Matéus 15:19

Átɔm nɛ́, míɔ̄ŋɔ miɓé, eólan, ndeŋg, eniŋ yé mpuŋgú, wií, mbóŋ mínaa, mióó, á m̀mím á mut nɛ́ bíŋ bísɛ bí ŋga sɔ́le.

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Elōg-Lóma 3:13

Ɔŋgɔŋɔ váɓá víg pámɛ eɓɔɔ kaa sɔŋ nɛ́ ɓá vulu. Ɔlémb váɓá víg vúl mínaa. Ncɛm á nyɔ nɛ́ á ŋga pámle ɓɔ́ á biɓéé-bí-ányu.

Elōg-Kólóso 1:19

Ányúū náŋ nɛ́ Ɔ́lolómɛ̄ a ɛ́n m̀ɓɛɛŋ nɛ́ a ɓɛ́ nyɛ́ asɛ̄ átē a Mɔɔ́n wɛ́ɛ̄.

Elōg-Kólóso 2:9

átɔm nɛ́ liɓɛ́ɛg lí Ɔ́lolómɛ̄ lísɛ lí lɛ́hɛ́nɛ́ átē a nyuú nyí Yésus Kilístus.

Elōg-Hébɛl 9:2

Ányúū náŋ, líndūm lí óŋɓɛ́ɛ, jé lí káaɓɛ́ɛ bipah bíɓáa. Epah ɔ́sū ɛ́ ŋgí yáŋlɛ nɛ́ ndugá púán, ápah etɛ́ɛ́yéné yé patí bí bítūlkáŋ ɛ́ ɓɛ́ɛ́, elɔŋ la téɓeli ndí la bikɔgá ɓá sɛmlé Ɔ́lolómɛ̄.

Elōg-Hébɛl 9:24

Á mbálɛ, Yésus Kilístus āh níŋgi ɓé á ndúgā púán nyí ya óŋɓɛ́ la ɓot-bí-bínam, nyí ɛ lɛ yɛmɛ́ édīŋgɛ́-díŋgɛ nyí taŋ ndugá púán. Ndí, á lóō jɔ́-mɛ̄n nɛ́ a níŋgi, nɛ́ ndí nyí lɛn, a tɛ́lɛ́ ɔ́sū ví Ɔ́lolómɛ̄ á lí sɔ́hye lí nyɛ ányúū yāhá.

Biyɛ́ɛ́léné 11:12

Yíŋ mbóŋ yú ámblé cíŋ ecɛ́ŋ nyí ɛ ŋgí sɔ́léne á lóō ɛg laga nɛ́: «Ɓétán mú!» La ɓɔ́ bú ɓét á lóō átē á mbaga á miíh mí ɓalem ɓáɓá.

Biyɛ́ɛ́léné 12:12

Jɔ́ nɛ́, kɔnán mívag, wa lóō la ɓɛ́nɛ ɓatɔɓene wóŋ! Eɓéé-nyúū la ɓɛ́nɛ; wa sí la wa túwɛ, átɔm nɛ́ ǹsɔhɔ a sūh á yóg yaná, ŋyálāg la ɔún, ákaa a ŋga yí nɛ́ yá yéglé ja nyɛ́ puh eceg.»

Biyɛ́ɛ́léné 15:5

Ámbúh náŋ, mu ɛ́n ndáá-ēcɛ́ŋ-Ɔlolómɛ̄ nyí ɛ lɛ á lóō yu lēglan, nyí ɛ ɓɛ́ɛ́la lindúm lípūān ápah Ɔlolómɛ̄ a lɛ,

Biyɛ́ɛ́léné 18:20

Á lóō, sophɛ́gɛ́ hɔ́ la mivag ányúū ecɛ́hɛ yɛ́ɛ́! Ɓɛ́nɛ ki, á ndog-Ɔlolómɛ̄, á ɓáōmɓɛ la ɓapɔ́tle-bí-Ɔ́lolómɛ̄, miní sōphɛ́ɛ átɔm nɛ́ Ɔlolómɛ̄ a kááhɛ́ nyíŋ tísɔn ányúū aɓé ɛ ɓɔŋléé ɓɛ́nɛ.

Biyɛ́ɛ́léné 21:3

Váŋ nɛ́ ma ámblé élōh cíŋ nyí ɛ ŋgí pámle á étɔɓé-líkanʼyɛ ɛg yó nɛ́: «Lindúm ápah Ɔlolómɛ̄ a lɛ la ɓot jé» ag kɛ li ɓɛ́ lí elɔŋ la ɓɔ́. Ɓɔ́, bíg kɛ li ɓɛ́ lí milóm mɛ́ɛ́, nyɛ́g a ɓɛ́ Ɔlolómɛ̄ waɓá.

Biyɛ́ɛ́léné 4:1

Ámbúh náŋ, ma Yohánɛs mu ɛ́n líkooká lí áhɛ á lóō, cíŋ ɔsú mí ámbléé ɛ ŋgí pɔ́tɛ ma ákaa nséɓá, yu pɔ́t nɛ́: «Ɓét vá, mag kɛ wa lí étɛ lí yé ɛ́ ŋga kɛ́ li sɔ́.»

Biyɛ́ɛ́léné 4:4

Muúmɓáa mí bítɔɓé-bí-líkanʼyɛ la bínáa mú díí yéŋ etɔɓé-líkanʼyɛ; muúmɓáa mí ɓácɛ̄ŋ bí ékombo-lóō la bínáa ki mí tɔ́ɔ̄ á bíŋ bitɔɓé-bí-líkanʼyɛ, bí ɓɛ́ɛ́ bí jáhɛ bipúpúɛ bí mbɔ́tí, bí jáhɛ ki atot á góol á mímú máɓá.

Biyɛ́ɛ́léné 5:13

Váŋ nɛ́ ma ámblé ki biveglé bí lɛ́ á lóō, bí bí lɛ́ á sí, bí bí lɛ́ á sí-ntím la á túwɛ; byɔ́ bísɛ bíg lón nɛ́: «Eɓégɛ, adit, lipém, la ŋguu bí ɓɛ́la nyɔ́ a tɔɔ́ á étɔɓé-líkanʼyɛ, nyɛ́ la mɔɔ́n ntómbɛ́ á éɓem la á éɓem.»

Biyɛ́ɛ́léné 7:15

Ányúū náŋ nɛ́ bí tɛ́ɛ́ ɔ́sū ví étɔɓé-líkanʼyɛ yé Ɔlolómɛ̄, á lí ɓɔŋle lí nyɛ esaa púán díɓe la nzámuh átē a ndáá-ēcɛ́ŋ-Ɔlolómɛ̄ yɛ́ɛ̄. Ndí nyɔ́ a tɔɔ́ á étɔɓé-líkanʼyɛ, ag kɛ ɓɔ́ lí bútyɛ á líndūm jɛ́ɛ́.

Biyɛ́ɛ́léné 7:9

Ámbúh náŋ, ma Yohánɛs mu ɛ́n, édila ɛ́ ɓot yé mut tɔ wa a ŋgí yí ɓé táŋga. Yéŋ edila ɛ́ ɓot ɛ́ ɓɛ́ɛ́la ɓot bí bíkombo bísɛ, milóm mísɛ, milómɛ mísɛ la mipɔ́t mísɛ. Ɓáŋ ɓot bí ɓɛ́ɛ́ bí tɛ́ɛ ɔ́sū ví étɔɓé-líkanʼyɛ la ɔ́sū ví mɔɔ́n ntómbɛ́, bí jáhɛ bipúpúɛ bí mbɔ́tí, bú ɓɛ́la ki mitaa á mɔ.