Biyɛ́ɛ́léné 13:4 - Esaa-líat ɛ́ péná

⁴ Ɓot bísɛ bú ɓégɛ́ nyuŋgu ányúū nɛ ɛ tíéé tít likanʼyɛ jɛ́ɛ́; ámbúh náŋ, bú ɓégɛ́ tít bíg laga nɛ́: «Nzáá a byɛ́ɛ̄ ŋguu ákaa nyí tít é? Nzáá a ŋga lá yɔ li duhɛ é?»

Biyɛ́ɛ́léné 13:4 ပူးပေါင်းရင်းမြစ်များ

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Tésaloníka 2 2:4

nyɛ́ nɛ́ a ŋga tɛ́ŋgánɛ yé ɛ́sɛ ɓot bí ŋga nyɔ̄ŋ kaa miloó la li ɓégɛ, ag kɛ li ɓáá lí m̀mím lí tɔɔ nyɛ́-mɛ̄n á ndáá-ēcɛ́ŋ-Ɔlolómɛ̄, la li sɛgɓan nɛ́ a lɛ̄ Ɔ́lolómɛ̄.

Biyɛ́ɛ́léné 12:3

Váŋ nɛ́ ndembye etám ya ɛ́ní á lóō. Ɛ ɓɛ́ɛ́ ja m̀ɓáláŋ á nyuŋgu a ŋga vɛ́ɛ ákaa nzáan. Nyíŋ nyuŋgu ɛ ɓɛ́ɛ́la mimú nzambúwá la jóom lí míɓēg, m̀mú sig ki á ɓɛ́ɛ́la ɔtot.

Biyɛ́ɛ́léné 12:4

Mpɛg wɛ́ɛ́ á ŋgí vɔ́l joga já átē á moga míŋháa mí átɛ̄ mí lɛ́ á lóō, wu léé jɔ á sí. Nyuŋgu yu tɛ́lɛ́ ɔ́sū ví míndīgá a ŋgí kogɛ, nɛ́ mɔɔ́n lá li byáa, ɛ mín nyɛ́.

Biyɛ́ɛ́léné 13:11

Váŋ nɛ́ ma ɛ́n sīg-pɛ tít etám ɛg pámléne á sí. Ɛ ɓɛ́ɛ́la míɓēg míɓáa ákaa mɔɔ́n ntómbɛ́, ndí ɛg pɔ́t ákaa nyuŋgu.

Biyɛ́ɛ́léné 13:15

Tít ya yáhɛ́ ɛ́ɓáa yu kūh ŋguu li tíi lí nyíŋ njimbilí m̀búl á éniŋ á li ɓɔŋ nɛ́ ɛ lá li pɔ́t, la li ól lí ɓáŋ bísɛ bí ŋgá ɓégɛ ɓé njimbilí.

Biyɛ́ɛ́léné 13:2

Tít mi ɛ́nɛ́ɛ́ ɛ ŋgí punan la nzɛ, miɓɔ mɛ́ɛ́ mí ɓɛ́ɛ́ ákaa miɓɔ mí patí eŋgágáŋ yé éyoo wá; anyu wɛ́ɛ́ á ŋgí punan la anyu á ŋgíla. Nyuŋgu yu tí nyíŋ tít ŋguu yɛ́ɛ̄, yu tí ki yɔ etɔɓé-líkanʼyɛ yɛ́ɛ́ la likanʼyɛ licɛ́ŋ jɛ́ɛ́.

Biyɛ́ɛ́léné 17:14

Ɛ́g kɛ li duhɛ lí mɔɔ́n ntómbɛ́, ndí mɔɔ́n ntómbɛ́ ag kɛ yɔ́ dí lí cíŋ, átɔm nɛ́ a lɛ Nyɔ́ŋ-Ɛsáŋɛ́ a ɓásāŋɛ́ bísɛ, ɔ ɓɛ́ ki Káísa nyí káísa ɛ́sɛ, ɓot ɓá yáŋlɛ, ɓá ɓá pɔ̄hlɛ la ɓá bí byɛ́ɛ̄ ékɔ̄ɔ̄-m̀mím la nyɛ́, ɓɔ́g bíg kɛ li dí lí cíŋ.»

Biyɛ́ɛ́léné 18:18

Bíg kɛ li lón eceg bí ŋga ɛ́n víta ví tísɔn kí yu nyɔ̄ŋ nzáan. Tísɔn tɔ ya ɛ ɓáág ŋgí li ɓɛ́ ákaa nyí tísɔn ecɛ́ŋ.

Biyɛ́ɛ́léné 9:20

Ndí, ɓá ɓot bí yégléé, ɓá bí véé bí bisɔghe, ɓáh veŋe ɓé bílɛ̄m byáɓá, ɓáh mwahɛ ɓé lí ɓégɛ lí mímbūl míɓē, bisát, bí góol tɔ bí sílba, bí bícɛɛ, bí ŋgɔg la bí bínjēŋ bí bí ŋgá la ɓé lí ɛ́n, li ámble, ndí tɔ li wɛɛ.