Biyɛ́ɛ́léné 13:15 - Esaa-líat ɛ́ péná

¹⁵ Tít ya yáhɛ́ ɛ́ɓáa yu kūh ŋguu li tíi lí nyíŋ njimbilí m̀búl á éniŋ á li ɓɔŋ nɛ́ ɛ lá li pɔ́t, la li ól lí ɓáŋ bísɛ bí ŋgá ɓégɛ ɓé njimbilí.

Biyɛ́ɛ́léné 13:15 ပူးပေါင်းရင်းမြစ်များ

Yákop 2:26

La mbálɛ, nyúū ɛ ŋgíla m̀búl ɛg wú, nlemlem kaa ŋyéɓé á ŋgíla misɔ́n.

Biyɛ́ɛ́léné 13:1

Váŋ nɛ́ ma Yohánɛs ma ɛ́n tít nyí jóom lí míɓēg la mimú nzambúwá ɛg pámle á túwɛ. M̀ɓég sig a byɛ́ɛ̄ ɔtot, m̀mú sig ki á byɛ́ɛ joó bí ŋga vɔ́ɔ́léne Ɔlolómɛ̄.

Biyɛ́ɛ́léné 13:12

Ɛ ɓɛ́ɛ́la ŋguu ɛsɛ̄ nyí tít ɔsú, á lí ɓɔŋ lí mam á jóō jɛ́ɛ́. Ɛ ŋgí kágyɛ ŋkɔŋ-á-sí la ɓatɔɓene ɓɛ́ɛ́ nɛ́ bí ɓégɛ́ nyíŋ tít ɔsú nyí ɛ ɓɛ́ɛ́la ekwɛɛ yé ŋgí la yɔ li ól ndí yú man.

Biyɛ́ɛ́léné 13:14

La nyíŋ tít yu yɛ́ɛ́ ɓot bí ŋkɔŋ-á-sí la ŋguu ɓá tí yɔ á li ɓɔŋ lí mínɛ́ŋ ɔ́sū ví tít ɔsú. Yu kágyɛ́ ɓɔ nɛ́ bí mɛ̄ njimbilí á épunan ɛ́ nyí tít ɛ byɛ́ɛ̄ ékwɛɛ ɛ́ ŋga lá yɔ li ól ndí yú mān á lí tíi lí yɔ adit.

Biyɛ́ɛ́léné 14:11

Víta ví nzáan ápah bí lɛ́ á také víg ɓét á éɓem la eɓem. Ɓot bí ŋga ɓégɛ tít ndí tɔ edíŋgɛ́-díŋgɛ yɛ́ɛ́, tɔ nɛ́ ɓá ɓɛ́la ndembye joó jɛ́ɛ́, bí ŋgá ɓɛ́la ɓé evɛɛɓan díɓe tɔ nzámuh.

Biyɛ́ɛ́léné 14:9

Mu ɛ́n áŋgɛl etám nyí ya yáhɛ́ ɛ́ŋháa, yu ōŋ yíŋí ɛ́ɓáa, yu pɔ́t la ŋguu nɛ́: «Tɔ nzáá a ŋga ɓégɛ tít la edíŋgɛ́-díŋgɛ yɛ́ɛ́, ndí tɔ li ɓɛ́la lí ndembye yɛ́ɛ̄ á mbɔm tɔ á wɔ,

Biyɛ́ɛ́léné 16:2

La áŋgɛl ɔsú yu kɛ́, yu kóm líɓondó jɛ́ɛ́ á ŋkɔŋ-á-sí. Váŋ nɛ́ patí póó eɓé ɛ́sɛ yí bisɔghe yá pám ɓot á nyúū. Ɓot ɛ́ pámáá á nyúū bí ɓɛ́ɛ́, ɓá bí ɓɛ́ɛ́la ndembye nyí tít, la ɓáɓégɛ edíŋgɛ́-díŋgɛ yɛ́ɛ́.

Biyɛ́ɛ́léné 16:5

La ma mu ámblé áŋgɛl nyí ɛ ŋga kānʼyɛ mindím ɛg laga nɛ́: «Ɔ lɛ́ nyɔ́ a tɛ́ɛ́ sim, wa nyɔ́ ɔ ɓɛ́ɛ́, wa nyɔ́ ɔ lɛ, ɔ lɛ nyɔ́ Mpúán, átɔm nɛ́ la náŋ wa étɛ nɛ ɔ tɛ́ɛ́ sim.

Biyɛ́ɛ́léné 17:14

Ɛ́g kɛ li duhɛ lí mɔɔ́n ntómbɛ́, ndí mɔɔ́n ntómbɛ́ ag kɛ yɔ́ dí lí cíŋ, átɔm nɛ́ a lɛ Nyɔ́ŋ-Ɛsáŋɛ́ a ɓásāŋɛ́ bísɛ, ɔ ɓɛ́ ki Káísa nyí káísa ɛ́sɛ, ɓot ɓá yáŋlɛ, ɓá ɓá pɔ̄hlɛ la ɓá bí byɛ́ɛ̄ ékɔ̄ɔ̄-m̀mím la nyɛ́, ɓɔ́g bíg kɛ li dí lí cíŋ.»

Biyɛ́ɛ́léné 17:17

Átɔm nɛ́ Ɔlolómɛ̄ a vá ɓɔ kóó á mimím nɛ́ bí yáhɛ miɔ́ŋɔ mɛ́ɛ́, bí byáŋ likanʼyɛ jáɓá á lí sále lí nyíŋ tít, náŋ la náŋ nɛ́-tɛ́ɛ la á eceg biɓaŋgá bí nyɛ́ Ɔ́lolómɛ̄ bí ŋga kɛ́ li yál.

Biyɛ́ɛ́léné 17:6

La ma mu ɛ́n nɛ nyɔ́ŋ mindígá a péé mícii mí ndog-Ɔlolómɛ̄ la micii mí mbóŋ yí Yésus. Ɛnɛ́ ma ɛ́n nyɛ, mu nyág tɔláá.

Biyɛ́ɛ́léné 18:20

Á lóō, sophɛ́gɛ́ hɔ́ la mivag ányúū ecɛ́hɛ yɛ́ɛ́! Ɓɛ́nɛ ki, á ndog-Ɔlolómɛ̄, á ɓáōmɓɛ la ɓapɔ́tle-bí-Ɔ́lolómɛ̄, miní sōphɛ́ɛ átɔm nɛ́ Ɔlolómɛ̄ a kááhɛ́ nyíŋ tísɔn ányúū aɓé ɛ ɓɔŋléé ɓɛ́nɛ.

Biyɛ́ɛ́léné 18:24

Á yóg yɔ́ɔ pɔ́n nɛ́ micii mí ɓápɔ́tle-bí-Ɔ́lolómɛ̄, micii mí ndog-Ɔlolómɛ̄ elɔŋ la mí mí ɓot bísɛ ɓá ól á ŋkɔŋ-á-sí má kómɓɛ›.»

Biyɛ́ɛ́léné 19:20

La tít yu byéelɓɛ́ ŋkómá, bú byeé ki m̀pɔ́tle-a-Ɔlolómɛ̄ a minaa nyɔ́ a ɓɔŋɔ́ɔ́ mínɛ́ŋ ɔ́sū ví tít, ányúū li jáŋɛ lí ɓot bí kuhúú ndembye nyí tít la li ɓégɛ lí edíŋgɛ́-díŋgɛ yɛ́ɛ́. Tít la m̀pɔ́tle-a-Ɔlolómɛ̄ a minaa bú lééɓɛ́ bíg vɛɛɓan átē á éɓēl-nzáan nyí ɛ ŋgá dím ɓé, nyí nzuhú ɛ ŋga lóŋɛ.

Biyɛ́ɛ́léné 20:4

La ma mú ɛ́n bítɔɓé-bí-líkanʼyɛ. Bú tí ɓot bí ŋgí sɔ́ lí tɔ́ɔ̄ múŋ ŋguu nyí li kááhɛ. Mu ɛ́n ki mimbúl mí ɓot bí ólóó ányúū nɛ bí ŋgí tíi mbóŋ nyí Yésus la ányúū nɛ bí ŋgí lɛgɛ eɓaŋgá Ɔlolómɛ̄. Ɓɔ́ bíh ɓéghɛ́ɛ ɓé tít tɔ edíŋgɛ́-díŋgɛ yɛ́ɛ́, bíh ɓɛ́ɛ́la ɓé ndembye yɛ́ɛ́ á mbɔm tɔ á wɔ. Bú tímān á éniŋ, la ɓɔ́ bú tɔ́ɔ̄ á lí kanʼyɛ la Kilístus ányúū ɔkóó ví mímbú;