Biyɛ́ɛ́léné 12:9 - Esaa-líat ɛ́ péná

⁹ Nyúŋ m̀ɓáláŋ á nyuŋgu la áŋgɛl yɛ́ɛ́ bú lééɓɛ́ á ŋkɔŋ-á-sí; wɔ́ nɛ́ á lɛ́ nlom á nyɔ, nyú bí ŋga yáŋa nɛ́ Ǹsɔhɔ, Sátan, ŋ̀yɛ́ɛ ŋkɔŋ-á-sí ásɛ;

Biyɛ́ɛ́léné 12:9 ပူးပေါင်းရင်းမြစ်များ

Matéus 13:39

Ǹlem nyɔ́ a ɓɛ̄l líkāā-lí-ŋkóg nɛ́ a lɛ ǹsɔhɔ. Mpumu á lɛ́ lísūg lí ŋkɔŋ-á-sí, ɓapumu nɛ́ bí lɛ́ áŋgɛl.

Matéus 24:24

Ákaa ɛ́sɛ, mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á lí ɓɔŋ lí mínɛ̄ŋ la binanaŋga bí mam, á lí jáŋɛ lí ɓot, kí ɓɔ̄ŋ nɛ́ bí ŋga lā, kí bí ŋga jáŋɛ ki ɓá Ɔlolómɛ̄ a pɔ́hɔ.

Matéus 25:41

Ámbúh náŋ, káísa ag kɛ hɔ́ lí laga lí ɓot bí ŋga ɓɛ́ nyɛ́ á m̀ɓɛ́ŋgáa nɛ́: ‹Nɛŋlán la ma, á mílɔgɔ́g mí ɓot mí! Kɛnán á éɓēl-nzáan nyí ɛ́ ŋgá dím ɓé, yé lɛ́ m̀ɓoŋhágan ányúū ǹsɔhɔ la áŋgɛl yɛ́ɛ́.

Matéus 4:1

Ámbúh náŋ, M̀búl Mpúán ɔ kɛ́lā Yésus á éyāŋ nɛ ǹsɔhɔ a céglɛ́ nyɛ́.

Matéus 4:10

Váŋ nɛ́ Yésus a tímānɛ̄ nyɛ̄ nɛ́: «Ɓagɓán ma á mbɔm á Sátan! Átɔm nɛ́ yá ciiɓɛ́ nɛ: ‹Ɔg kɛ ja lí ɓégɛ lí Nyɔ́ŋ-Ɛsáŋɛ́ Loó jɔ́ɔ nyɛ́-ntámɛ́, nyɛ́-ntámɛ́ kí nɛ́ ɔ ŋgɔ kɛ́ li ɓɔŋle›.»

Matéus 4:5

Váŋ nɛ́ ǹsɔhɔ a kɛ́lā nyɛ̄ á Tísɔn Púán, ɔ ɓétɛ́ nyɛ á njoŋgi nyí ndáá-ēcɛ́ŋ-Ɔlolómɛ̄,

Matéus 4:8

Ǹsɔhɔ, ɔ ɓét sīg-pɛ la nyɛ́ á lóō lí ɔ́kolá vícɛ̄ŋ, ɔ étɛ̄ nyɛ bikombo bísɛ bí ŋkɔŋ-á-sí la lipém jáɓá

Lúkas 10:18

Yésus ɔ pélē ɓɔ nɛ́: «Mií ŋga ɛ́n Sátan ag ɓógo á lóō li ɓɛ́han á sí ákaa mbambat.

Lúkas 13:16

Ndí nyɔ́ mindígá, ŋgɔn lilóm lí Áblaháam, nyɔ́ Sátan a kág jóom lí mímbú la mwaam jé lɛn, ɓaá, yáh somlɛ ɓé nɛ nyíŋ ŋgatka yɛ́ɛ̄ ɛ kúhlɛ ja á ɔlɔ́ ví évɛɛɓan é?»

Lúkas 22:3

Váŋ nɛ́ Sátan a níŋgléé á nyúū Yúdas nyɔ́ bí ŋga yáŋa nɛ́ Iskáliot; a ɓɛ́ɛ́ á táŋga nyí Jóom lí ɓáōmɓɛ la bíɓáa.

Lúkas 22:31

Nyɔ́ŋ-Ɛsáŋɛ́ a byɛ́ nɛ́: «Á Símɔn, á Símɔn, Sátan a ɓāt ma ɓɛ́nɛ á li somo nɛ́ a pógɛ́ ɓɛ́nɛ ákaa bí ŋga sɛ́ghe miíh mí kón.

Lúkas 8:12

Ŋgwāág nzen ɛ lɛ ɓot ɓá bí ŋga ámble eɓaŋgá Ɔ́lolómɛ̄ ndí ǹsɔhɔ a ɓógtɛ́ ɓɔ yɔ́ á m̀mím á lí ɓɔŋ nɛ́ bíh ɓɛ́ɛ́g ɓé la ŋyéɓé nɛ bí sūŋɓɛ̄.

Yohánɛs 12:31

Nyí vɔ́ŋɔ́ɔ nɛ́ bí ŋga kááhɛ ɓot bí ŋkɔŋ-á-sí, nyí vɔ́ŋɔ́ɔ, ŋ̀kanʼyɛ a ɓot bí nyú ŋkɔŋ-á-sí ag lééɓɛ á ápūū.

Yohánɛs 14:30

Li ɓotle nyí lɛn, mi ŋgá kwɛ̄l ɓé pɛ ma la ɓɛ́nɛ, ányúū nɛ́ ŋ̀kanʼyɛ a nyú ŋkɔŋ-á-sí a lɛ lí sɔ́; tɔ náŋ kaa a ŋgá la ɓé ma lí ɓɔŋ lí tɔ jam.

Yohánɛs 16:11

Likɔlɓan la ŋkál, ag kɛ́ li étɛ nɛ́ ɓá yɔ́p ányúū nɛ Ɔlolómɛ̄ a kááhɛ́ ŋ̀kanʼyɛ a nyú ŋkɔŋ-á-sí

Yohánɛs 8:44

Ɛsɔ́ŋɛ́ wāná nɛ ǹsɔhɔ, nsom wɛ́ɛ́ nɛ miní byɛ́ɛ́ kóó li ɓɔŋ. Li ɓotle á ɔ́kolpáŋá, a tīŋɓéné á lí ólhánɛ lí mut-a-binam; áh tɔɓene ɓé á mbálɛ, ányúū nɛ mbálɛ ɛ sē ɓé la nyɛ. Eceg a ŋga ɓāŋ minaa, náŋ nɛ́ a lɛ líɓɛ́ɛg jɛ́ɛ́, ányúū nɛ a lɛ mut-a-minaa, ɛsáŋɛ́ a minaa.

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Misɔ́n mí Ɓáōmɓɛ 5:3

Váŋ nɛ́ Pétlos a lága nyɛ nɛ́: «Wɛɛ́kɛ́ɛ́! Á Ananías, ányúū yéé wa mwáhɛ Sátan ɔ níŋgí wa á m̀mím é? Wa yɛ́ɛ́ M̀búl Mpúán la wá wu yéglán joga lí mɔní já jé lí nyuŋgá sí.

Elōg-Lóma 16:18

Ányúū nɛ́, ɓot kaa ɓɔ́ bí ŋgá sále ɓé Nyɔ́-a-Pɔ́hlɛ Ɛtáŋɛ wahá, ndí bíg sál ja ányúū mibum máɓá, la ki nɛ́ bíg yɛ́ɛ ɓot bí sē ɓé pɛɛ la bilɔ́ŋgɔ bí bíɓaŋgá, ndí la lɛɛ́-lɛ̄ɛ́ yáɓá mikwɛl mí mínaa.

Elōg-Lóma 16:20

Puh eceg, Ɔlolómɛ̄ a ŋga tíi nsaŋ ag kɛ li kɔgte lí Sátan nyɔ́ a lɛ ɓɛ́nɛ á sí míkoo. Ndómbo nyí Ɛtáŋɛ wahá Yésus Kilístus ɛ ɓɛ́ la ɓɛ́nɛ.

Elōg-Kɔlínto 2 11:14

Náŋ a ŋgá nyágɛ́ ɓé tɔ mut átɔm nɛ́ Sátan nyɛ́-mɛ̄n a sɔ̄lɓéné á líɓɛ́ɛg lí áŋgɛl nyí mipúú.

Elōg-Kɔlínto 2 11:3

Ndí, mag kɔn woŋ nɛ́, kaa nyɔ ɛ lɔ́ɔ́ndéé Éva la micaŋg mɛ́ɛ́, miɔ́ŋɔ máná ki mí táág kɔ́tɔ́ la mɔ́ mí nɛ̄ŋɓɛ́ taŋ yaná ekɔ́ɔ́ maná nyɛɛ́ lí ɓɛ́la la Nyɔ́-a-Pɔ́hlɛ.

Elōg-Kɔlínto 2 12:7

Ndí, kaa bíŋ biyɛ́ɛ́léné bí ɓɛ́ɛ́ ékanɛ-ŋgan á lí púnɛ lí ma nɛ́ mi ɓɛ́ kúmba, bú yáan mā ɔ́kaŋ ví líle á cíŋ. Vɔ́ nɛ́ ví lɛ́ nyí áŋgɛl nyí Sátan nyí ɓa tɛ́ɛ́yɛ́ nɛ ɛ lɔ́gɔ́g ma á lí púnɛ lí ma nɛ́ mi ɓɛ́ kúmba.

Elōg-Kɔlínto 2 2:11

á lí ɓɔŋ nɛ́ biíh mwahkɛ́gɛ́ ɓé Sátan nɛ́ a yɛ́ɛ́ ɓɛ́hɛ, átɔm nɛ́ bi ŋgá yég ɓé ɓɛ́hɛ miɔ́ŋɔ mɛ́ɛ́.

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Éféso 4:14

La náŋ, bi ŋgá ɓɛ́ ɓé pɛ ɓɔɔ́n ɓátɔ̄ga, ɓá ŋgɔá nyí miéélé mí nyaa la nyaa ɛ ŋga ndémtanɛ, ɓá ɓot-bí-mínaa bí ŋga léé á pɛ́ɛ́ la misóómbá máɓá.

Elōg-Tésaloníka 2 2:3

Miníh mwahkɛ́gɛ́ ɓé nɛ mut tɔ wa a yɛ́ɛ́ ɓɛ́nɛ á tɔ yɔɔ́yɔ́ɔ patí. Átɔm nɛ́, sɔ́kágánɛ́ víŋ ɔlɔ́ víg kɔlan, lisandá lícɛ̄ŋ lí ŋga tɛ́ŋgánɛ Ɔlolómɛ̄ líg kɛ li ɓɛ́han, M̀ɓɔŋ-aɓé ki ag kɛ li yɛ́lɛ, nyɛ́ nɛ́ a lɛ̄ Mɔ́ɔ̄n á njáŋgá,

Timotéo 1 2:14

Ah Ádam ɓé tɔ nɛ́ Sátan a yɛ́ɛ, ndí mindígá. Ɛnɛ́ míndīgá a yéɓé mínaa, áh ógle ɓé pɛ mbéndá nyí Ɔlolómɛ̄.

Timotéo 2 3:13

Ndí, biɓéɓéyɛ bí ɓot la ɓakatɓan mam bíg kondye ja lí súŋɓan á áɓē, bíg jáŋɛ ɓɔ́-mɛ̄n, ndí bíg jáŋɛ ki ɓatám.

Elōg-Hébɛl 2:14

Kasig ɓáŋ ɓɔɔ́n bí lɛ́ ɓot-bí-bínam, bú oŋgɓɛ́ nyaa ya á nyuú la á micii, Yésus ki a yāán kaa ɓɔ́, ɔ púnān la ɓɔ́ á líɓɛ́ɛg lí mut-a-binam. Ányúū náŋ nɛ́, li kele la nyɛmb yɛɛ́, a yáanɛ́ ǹsɔhɔ yɛmɛ́, nyɔ́ a mɓɛ́ a byɛ́ɛ́ ŋguu nyí li óm á nyɛmb.

Pétlos 1 5:8

Miníh lɛndkágán ɓé, ɓɛ́án pɛɛ átɔm nɛ́, ǹsɔhɔ, ǹlem waná, ag ciiŋgan váŋ kaa ŋgíla nɛ́ ɛ ŋga ɓám, á lí somo lí mut ɛ ŋga dí.

Yohánɛs 1 5:19

Biíg yí nɛ́ bi lɛ́ ɓá bí Ɔlolómɛ̄, ndí, ŋkɔŋ-á-sí ásɛ á lɛ́ á sí likanʼyɛ lí Ǹlem.

Yúde 1:9

Ndí tɔ Míkaɛ̄l ŋ̀kanʼyɛ áŋgɛl, āh ɓɔŋ ɓé nāŋ á míkālá mɛ́ɛ́ la ǹsɔhɔ, eceg bí ŋgí suŋan m̀bim á Móse. Āh cege ɓé nyɛ li óŋo eceg bí ŋgí kwámblān, ndí a lagléé ja nɛ́: «Nyɔ́ŋ-Ɛsáŋɛ́ nyɛ́-mɛ̄n a kɔ́ghɛ́ wa!»

Biyɛ́ɛ́léné 12:12

Jɔ́ nɛ́, kɔnán mívag, wa lóō la ɓɛ́nɛ ɓatɔɓene wóŋ! Eɓéé-nyúū la ɓɛ́nɛ; wa sí la wa túwɛ, átɔm nɛ́ ǹsɔhɔ a sūh á yóg yaná, ŋyálāg la ɔún, ákaa a ŋga yí nɛ́ yá yéglé ja nyɛ́ puh eceg.»

Biyɛ́ɛ́léné 12:3

Váŋ nɛ́ ndembye etám ya ɛ́ní á lóō. Ɛ ɓɛ́ɛ́ ja m̀ɓáláŋ á nyuŋgu a ŋga vɛ́ɛ ákaa nzáan. Nyíŋ nyuŋgu ɛ ɓɛ́ɛ́la mimú nzambúwá la jóom lí míɓēg, m̀mú sig ki á ɓɛ́ɛ́la ɔtot.

Biyɛ́ɛ́léné 12:7

Váŋ nɛ́ éɓāndá yá ɓóo á lóō. Míkaɛ̄l la áŋgɛl yɛ́ɛ́ bú ɓōtlé lí duhɛ lí nyuŋgu; nyuŋgu yɔg la áŋgɛl yɛ́ɛ́ bí ŋgí duhɛ ɓɔ́.

Biyɛ́ɛ́léné 12:8

Tɔ la náŋ nyuŋgu yu ɓōmɓɛ, yú ɛ́ní nɛ etɔ ɛ́ sē ɓé pɛ yɔ la áŋgɛl yɛ́ɛ́ á lóō.

Biyɛ́ɛ́léné 13:14

La nyíŋ tít yu yɛ́ɛ́ ɓot bí ŋkɔŋ-á-sí la ŋguu ɓá tí yɔ á li ɓɔŋ lí mínɛ́ŋ ɔ́sū ví tít ɔsú. Yu kágyɛ́ ɓɔ nɛ́ bí mɛ̄ njimbilí á épunan ɛ́ nyí tít ɛ byɛ́ɛ̄ ékwɛɛ ɛ́ ŋga lá yɔ li ól ndí yú mān á lí tíi lí yɔ adit.

Biyɛ́ɛ́léné 16:14

Ákaa ɛ́sɛ, míŋ mimbúl mí lɛ́ mimbúl míɓē. Míg ɓɔŋ minɛ́ŋ la mɔ́ ma kɛ li ɓoman la káísa yí ŋkɔŋ-á-sí ásɛ, á li komanɛ lí yɔ nɛ́ ɛ́ dúhɛ̄ Ɔlolómɛ̄ á Ŋguu-mísɛ eceg m̀bya ǹcɛ́ŋ wɛ́ɛ́ á ŋga kɔlan.

Biyɛ́ɛ́léné 18:2

Yu lón la ŋguu nɛ́: «Ya ɓɛ́han é! Ya ɓɛ́han, Babílon tísɔn ecɛ́ŋ, ya yáan ndáá mímbūl míɓē, lisɔlɓéné lí ɓalem bísɛ, lisɔlɓéné lí ánɔn á líbūá ásɛ, la nyú á ŋgāŋá.

Biyɛ́ɛ́léné 18:23

Mipúú mí étūlkáŋ mí ŋgá kɛ ɓé pɛ li paa á ndáá yɔ́ɔ. Á ndáá yɔ́ɔ, bí ŋga kɛ ɓé pɛ li ámble lí cíŋ yí sɔ́mbɔ́, ányúū nɛ́ ɓot ɓɔ́ɔ́ bí nyuŋgá bí ɓɛ́ɛ́ taŋ ɓot á ŋkɔŋ-á-sí; La ki nɛ́ mikaŋ mɔ́ɔ má óm bíkombo bísɛ á njáŋgá.

Biyɛ́ɛ́léné 19:20

La tít yu byéelɓɛ́ ŋkómá, bú byeé ki m̀pɔ́tle-a-Ɔlolómɛ̄ a minaa nyɔ́ a ɓɔŋɔ́ɔ́ mínɛ́ŋ ɔ́sū ví tít, ányúū li jáŋɛ lí ɓot bí kuhúú ndembye nyí tít la li ɓégɛ lí edíŋgɛ́-díŋgɛ yɛ́ɛ́. Tít la m̀pɔ́tle-a-Ɔlolómɛ̄ a minaa bú lééɓɛ́ bíg vɛɛɓan átē á éɓēl-nzáan nyí ɛ ŋgá dím ɓé, nyí nzuhú ɛ ŋga lóŋɛ.

Biyɛ́ɛ́léné 2:13

«Mag yí yóg yɔ́ɔ; váŋ nɛ́ Sátan a byɛ́ɛ̄ etɔɓé-líkanʼyɛ yɛ́ɛ́. Ndí ɔ átɛ la ma, wāh táŋɓan ɓé ŋyéɓé wɔ́ɔ ɔ byɛ́ɛ̄ la ma tɔ á eceg yé bí ólóó mbóŋ yáma nyí ɛ́ tɛ́ɛ́ nɛ́ Antípas, á yóg yaná, ápah Sátan a ŋga tɔ́ɓene.

Biyɛ́ɛ́léné 2:24

Ndí, ɓɛ́nɛ ɓot bí Éɓasɛ yé Tiatíla, ɓɛ́nɛ ɓá manáh oŋle ɓé míŋ miéélé tɔ li somo lí li sɔ́ŋtánɛ lí yé bí ŋga yáŋa ‹njiɓa ɛ́ mam mí Sátan›, mag laga ɓɛ́nɛ nɛ́, mi ŋgá kágyɛ ɓé ma ɓɛ́nɛ edidítɛ mbɛgɛ etám tɔ yá;

Biyɛ́ɛ́léné 2:9

«Mag yí ésɔghe yɔ́ɔ la liyɛ́ɛ́ jɔ́ɔ, tɔ náŋ ákaa ɔ lɛ m̀byaŋ; mag yí mam bí ŋga ɓéeyɛ wa la ɓá bí ŋga sɛ̄gɓan nɛ́ bí lɛ́ ɓɔ́ɔ̄n bí Élōg-Yúda; ndom nɛ́ bí sē ɓé ɓɔ̄, bí lɛ́ ja ‹ɓot bí nlɔŋ á Sátan›.

Biyɛ́ɛ́léné 20:10

La ǹsɔhɔ, ŋ̀yɛ́ɛ ɓɔ́ ɔ lɛ̄ŋgɓɛ́ á ébúle yé nzáan la yé nzuhú ápah tít ɛ lɛ la ɓapɔ́tle-bí-Ɔ́lolómɛ̄ bí mínaa. Bíg kɛ li taka ŋgandag, díɓe la nzámuh á éɓem la á éɓem.

Biyɛ́ɛ́léné 20:8

ag kɛ li lɔ́ɔ́nde lí bikombo bí lɛ́ á míkāh mínáa mí ŋkɔŋ-á-sí, mí ŋga yáŋlɛ nɛ́ Gɔ̄g la Mágɔg á lí jáŋɛ lí byɔ́. Ag kɛ li komanɛ lí mílōm mí mí lɛ ɔ́bul ákaa ŋkógá á túwɛ ányúū eɓándá.

Biyɛ́ɛ́léné 3:9

Ɛ́n sig, mag nuŋlɛ wa ɓot bí nlɔŋ á Sátan, ɓá bí ŋga lága nɛ́ bí lɛ́ ɓɔ́ɔ̄n bí Élōg-Yúda, ndom nɛ́ bí sē ɓé ɓɔ̄, bíg ɓaŋ minaa. Ɛ́n sig, mag kɛ ɓɔ́ lí sɔ́la nɛ́ bí úm miɓɔ́ŋ á sí yɔ́ɔ míkoo, la náŋ bíg kɛ li yí nɛ́ ma dīŋ wa.

Biyɛ́ɛ́léné 9:1

Áŋgɛl ya yáhɛ́ ɛ́táan yu ɔ́ŋ nséɓá wɛ́ɛ́: la ma mu ɛ́n ɔ́tɛ̄ vú ɓógó á lóō, vú ɓɛ́han á sí; bú tí vɔ ɔdiɓa ví eɓél-écɛ̄hɛ.

Biyɛ́ɛ́léné 9:20

Ndí, ɓá ɓot bí yégléé, ɓá bí véé bí bisɔghe, ɓáh veŋe ɓé bílɛ̄m byáɓá, ɓáh mwahɛ ɓé lí ɓégɛ lí mímbūl míɓē, bisát, bí góol tɔ bí sílba, bí bícɛɛ, bí ŋgɔg la bí bínjēŋ bí bí ŋgá la ɓé lí ɛ́n, li ámble, ndí tɔ li wɛɛ.