Biyɛ́ɛ́léné 12:4 - Esaa-líat ɛ́ péná

⁴ Mpɛg wɛ́ɛ́ á ŋgí vɔ́l joga já átē á moga míŋháa mí átɛ̄ mí lɛ́ á lóō, wu léé jɔ á sí. Nyuŋgu yu tɛ́lɛ́ ɔ́sū ví míndīgá a ŋgí kogɛ, nɛ́ mɔɔ́n lá li byáa, ɛ mín nyɛ́.

Biyɛ́ɛ́léné 12:4 ပူးပေါင်းရင်းမြစ်များ

Yohánɛs 8:44

Ɛsɔ́ŋɛ́ wāná nɛ ǹsɔhɔ, nsom wɛ́ɛ́ nɛ miní byɛ́ɛ́ kóó li ɓɔŋ. Li ɓotle á ɔ́kolpáŋá, a tīŋɓéné á lí ólhánɛ lí mut-a-binam; áh tɔɓene ɓé á mbálɛ, ányúū nɛ mbálɛ ɛ sē ɓé la nyɛ. Eceg a ŋga ɓāŋ minaa, náŋ nɛ́ a lɛ líɓɛ́ɛg jɛ́ɛ́, ányúū nɛ a lɛ mut-a-minaa, ɛsáŋɛ́ a minaa.

Pétlos 1 5:8

Miníh lɛndkágán ɓé, ɓɛ́án pɛɛ átɔm nɛ́, ǹsɔhɔ, ǹlem waná, ag ciiŋgan váŋ kaa ŋgíla nɛ́ ɛ ŋga ɓám, á lí somo lí mut ɛ ŋga dí.

Biyɛ́ɛ́léné 12:7

Váŋ nɛ́ éɓāndá yá ɓóo á lóō. Míkaɛ̄l la áŋgɛl yɛ́ɛ́ bú ɓōtlé lí duhɛ lí nyuŋgu; nyuŋgu yɔg la áŋgɛl yɛ́ɛ́ bí ŋgí duhɛ ɓɔ́.

Biyɛ́ɛ́léné 12:9

Nyúŋ m̀ɓáláŋ á nyuŋgu la áŋgɛl yɛ́ɛ́ bú lééɓɛ́ á ŋkɔŋ-á-sí; wɔ́ nɛ́ á lɛ́ nlom á nyɔ, nyú bí ŋga yáŋa nɛ́ Ǹsɔhɔ, Sátan, ŋ̀yɛ́ɛ ŋkɔŋ-á-sí ásɛ;

Biyɛ́ɛ́léné 13:2

Tít mi ɛ́nɛ́ɛ́ ɛ ŋgí punan la nzɛ, miɓɔ mɛ́ɛ́ mí ɓɛ́ɛ́ ákaa miɓɔ mí patí eŋgágáŋ yé éyoo wá; anyu wɛ́ɛ́ á ŋgí punan la anyu á ŋgíla. Nyuŋgu yu tí nyíŋ tít ŋguu yɛ́ɛ̄, yu tí ki yɔ etɔɓé-líkanʼyɛ yɛ́ɛ́ la likanʼyɛ licɛ́ŋ jɛ́ɛ́.

Biyɛ́ɛ́léné 13:4

Ɓot bísɛ bú ɓégɛ́ nyuŋgu ányúū nɛ ɛ tíéé tít likanʼyɛ jɛ́ɛ́; ámbúh náŋ, bú ɓégɛ́ tít bíg laga nɛ́: «Nzáá a byɛ́ɛ̄ ŋguu ákaa nyí tít é? Nzáá a ŋga lá yɔ li duhɛ é?»

Biyɛ́ɛ́léné 16:13

Váŋ nɛ́ mi ɛ́nɛ́ɛ́ mímbūl míɓē míŋháa mí ŋga púnan la mikɔ́ŋgɔ́ míg pámle á ányu á nyuŋgu, á ányu á tít la á minyu mí ɓápɔ́tle-bí-Ɔ́lolómɛ̄ bí mínaa.

Biyɛ́ɛ́léné 17:18

Mindígá ki nyɔ́ wa ɛ́n, a lɛ ja tísɔn ecɛ́ŋ nyí ɛ ŋga kānʼyɛ káísa yí ŋkɔŋ-á-sí.»

Biyɛ́ɛ́léné 20:2

Váŋ nɛ́ ya byée nyuŋgu, nlom á nyɔ nyú bí ŋga yáŋa nɛ́ ǹsɔhɔ, tɔ nɛ́ Sátan, la yɔ yu kág nyíŋ nyɔ ányúū ɔkóó ví mímbú.

Biyɛ́ɛ́léné 8:10

Ɛnɛ́ áŋgɛl ya yáhɛ́ ɛ́ŋháa ya ɔ́ŋ nséɓá wɛ́ɛ́, m̀ɓáláŋ á ɔ́tɛ̄ ví ŋga sɔ́léne á lóō ndí víg díg ákaa ŋwaa vú ɓɛ́hán á sí; vú ɓɛ́hán á lóō lí joga já átē á moga míŋháa mí ásōō la á lóō lí míŋgɛ̄n mí míndīm.

Biyɛ́ɛ́léné 8:11

Joó lí víŋ ɔtɛ́ nɛ: «Absínte», náŋ ag mínɛ nɛ́: «Ŋkomɛ». Joga já até á moga míŋháa mí míndīm lú kɛ ŋkomɛ, á ɓot bí nyúéé míŋ mindím, ŋgandag yú wú átɔm nɛ́ mindím mí ɓɛ́ɛ́la ŋkomɛ.

Biyɛ́ɛ́léné 8:12

Ɛnɛ́ áŋgɛl ya yáhɛ́ ɛ́náa ya ɔ́ŋ nséɓá wɛ́ɛ́, epah yá yé vaŋgá átē á bipah bíŋháa, epah yá yé sóŋ átē á bipah bíŋháa la joga já jé lí átɛ̄ átē á moga míŋháa lú kūh njɔm; lú jáŋɛ́ épah yá yé épaa yáɓá átē á bipah bíŋháa. Nzámuh yu jáŋɛ́ épah yá yé épaa yɛ́ɛ́ átē á bipah bíŋháa, nlemlem á jam la díɓe.

Biyɛ́ɛ́léné 8:7

Ɛnɛ́ áŋgɛl ɔsú ya ɔ́ŋ nséɓá wɛ́ɛ́, mitámŋga la nzáan m̀byáŋtānɛ́ la micii bú ɓɛ́hán á ŋkɔŋ-á-sí; epah ɛ́ sí yá á bípah bíŋháa, yú díg, joga li bíéé já átē á moga míŋháa lú díg, la péná bíkāā bísɛ yú díg.

Biyɛ́ɛ́léné 8:8

Ɛnɛ́ áŋgɛl ya yáhɛ́ ɛ́ɓáa ya ɔ́ŋ nséɓá wɛ́ɛ́, yú púnān ɔ́ŋgɛn ɔkolá vícɛ̄ŋ ví byɛ́ɛ̄ nzáan, nɛ́ vá muglan, vú ɓɛ́hán a túwɛ ɔ́ŋgɛn ɓá sógɛ́ vɔ; epah ɛ́ túwɛ yá á bípah bíŋháa yú yaán mícii;

Biyɛ́ɛ́léné 8:9

joga já lí bíveglé átē á moga míŋháa lí ŋga nīŋ á túwɛ lú wú; joga já lí kúŋgā yí túwɛ átē á moga míŋháa lú nyugtan.

Biyɛ́ɛ́léné 9:10

Nyúŋ atátáŋgá á ɓɛ́ɛ́la mipɛg ákaa aee nɛ́ á byɛ́ɛ mípigá á mípɛg, ŋguu yaɓá li sɔghɛ lí ɓot ányúū sóŋ ɛ́táan ɛ́ ɓɛ́ɛ́ ɛ tɔɓɛ́nɛ̄ múŋ á mípɛg máɓá.

Biyɛ́ɛ́léné 9:19

ányúū nɛ ŋguu nyí yíŋ vɔ́si ɛ lɛhɛ́nɛ́ yɔ́ á mínyu la á mípɛg máɓá. Mipɛg máɓá mí ŋgí punan la nyɔ; mí byɛ́ɛ́ mimú mí ŋga kɔ́an.