Biyɛ́ɛ́léné 11:18 - Esaa-líat ɛ́ péná

¹⁸ Ɓot bí bikombo bísɛ ɓá ála ndí ɔún vɔ́ɔ nɛ́ vá ɛ́ni; eceg yɔ́ɔ lí kááhɛ lí ɓot ɓá wú yé, eceg yɔ́ɔ lí tíi li ɓaɓɔŋle ɓɔ́ɔ nsála yé, ɓá bí lɛ́ ɓápɔ́tle-bí-Ɔ́lolómɛ̄, ndog-Ɔlolómɛ̄ la ɓá bí ŋga kɔn joó jɔ́ɔ woŋ, ɓatɔ́ga la ɓacɛ́ŋ; eceg yɔ́ɔ lí ól lí ɓálɔɔ ŋkɔŋ-á-sí yé.»

Biyɛ́ɛ́léné 11:18 ပူးပေါင်းရင်းမြစ်များ

Matéus 5:12

Kɔnán mivag, miní sōphɛ́ɛ, átɔm nɛ́ nsála wáná á lɛ́ ǹcɛ́ŋ á lóō. Ákaa ɛ́sɛ, náŋ nɛ́ bí váŋghɛ́ɛ ɓapɔ́tle-bí-Ɔ́lolómɛ̄ bí kwakwáŋɛ la ndeeŋgɛ.»

Lúkas 1:50

Ekɔnan-ŋgɔ́ɔ́ yɛ́ɛ́ ɛ́ káhɛ á lóō lí nyɔŋɔn ndí nyɔŋɔn á ɓá bísɛ bí ŋga ógle nyɛ́.

Elōg-Hébɛl 9:27

Ya tɛ́ɛ́ɓɛ́ nɛ, joó nɛ mut-a-binam ag wú jā ŋgele yāhya, ámbúh nyɛ̄mb yɛ́ɛ̄ Ɔlolómɛ̄ ag kááhɛ́ nyɛ́.

Biyɛ́ɛ́léné 10:7

Ndí, eceg bí ɓɛ́ bíg ámble áŋgɛl ya yáhɛ́ nzambúwá, ɛg ɔ́ŋ nséɓá, váŋ nɛ́ mbaŋ Ɔlolómɛ̄ ɛ ŋga kɛ́ li yɛ́ɛ́lɛ, ákaa a lɛgléé ɓaɓɔŋle ɓɛ́ɛ́ bí lɛ́ ɓápɔ́tle-bí-Ɔ́lolómɛ̄.

Biyɛ́ɛ́léné 11:2

Ndí, mwahɛ́ m̀mím-átān á ndáá-ēcɛ́ŋ-Ɔlolómɛ̄ nyú á ápūū, ɔh vegég ɓé wɔ̄, ányúū nɛ ɓá mwahlé wɔ ɓot bíh byɛ́ɛ́ ɓé ŋyéɓé la Ɔlolómɛ̄. Bíg kɛ́ li lɔɔ lí tísɔn púán la nzóó, náŋ muúmínáa mí sóŋ la ɛ́ɓáa.

Biyɛ́ɛ́léné 13:10

Nyɔ́ yá tɛ́ɛ́ɓɛ́ nɛ ag byelɓɛ á wélan, ag kɛ ja lí kɛ á m̀ɓog á wélan. Nyɔ́ yá tɛ́ɛ́ɓɛ́ nɛ ag kɛ li wú la mboná, mboná nɛ ɛ ŋga kɛ́ nyɛ́ lí ól. Jɔ́ hɔ́ nɛ, ndog-Ɔlolómɛ̄ ya nyɛ́ɛ lí ɓɛ́la lí eɔ́hánɛ la ŋyéɓé.

Biyɛ́ɛ́léné 13:16

Tít yu kágyɛ́ ɓot bísɛ: ɓatɔ́ga la ɓacɛ́ŋ, mimbyaŋ la ŋgɔ́ɔ́, miyɔ́ŋ la kundɛ, nɛ́ bí ɓɛ́la ndembye á wɔ á m̀ɓɛ́nlómɛ tɔ nɛ́ á mbɔm.

Biyɛ́ɛ́léné 14:10

nyɛ́g ag kɛ li nyú lí wáany nyí nlohanɛ́ a ɔún ví Ɔ́lolómɛ̄, nyí ɓá ɔlɔ́ á líɓondó lí ɔ́ūn vɛ́ɛ́, ɛ́h ɓɛ́ ɓé yɔ li puu; ag kɛ li kuh lí také até a nzáan la nzuhú, ɔ́sū ví áŋgɛl púán la ɔ́sū ví mɔɔ́n ntómbɛ́.

Biyɛ́ɛ́léné 15:1

La ma Yohánɛs mu ɛ́n ndembye etám á lóō; nyíŋ ndembye ɛ ɓɛ́ɛ́ écɛ̄ŋɛ́, yu ɓɛ́ ki ekanɛ-ŋgan. Nyíŋ ndembye ɛ ɓɛ́ɛ́ ja áŋgɛl nzambúwá yí ɛ́ ɓɛ́ɛ́ ɛ́ ɓɛ́gɛ bisɔghe byá tiile nzambúwá, átɔm nɛ́ eceg bí ŋga kɛ́ li loo nɛ́ ɔún ví Ɔ́lolómɛ̄ ki ví ŋga kɛ́ li man.

Biyɛ́ɛ́léné 15:7

Eveglé yá átē a bí biveglé bínáa yú tí yí áŋgɛl nzambúwá míɓondó mí góol nzambúwá, mí mí ɓɛ́ɛ́ mí yáhɛ la ɔún ví Ɔ́lolómɛ̄ nyɔ́ a ŋga nīŋ á éɓem la á eɓem.

Biyɛ́ɛ́léné 18:6

Miní ɓɔŋlé nyíŋ tísɔn ákaa ya ɓɔ̄ŋlé ɓáŋá, miní timánɛ yɔ jam ya ɓɔ̄ŋ, náŋ ŋgele ɛ́ɓáa. Yááhánɛ liɓondó jɛ́ɛ́ la milɔg mí ŋguu, náŋ ŋgele ɛ́ɓáa li loo lí yé ya nyúɛ́hɛ́ ɓáŋá.

Biyɛ́ɛ́léné 19:15

Mboná nsɔŋ yu pámlé nyɛ á ányu á lí sɔghɛ lí bíkombo. Ag kɛ́ li ɓɛ́la lí ɔso ví écɛɛ á lí kanʼyɛ lí byɔ́ la ŋguu, ag kɛ li cógte lí m̀ɓálá nyú a byɛ́ɛ̄ wáany nyí ɛ ŋga tɔ̄g la ɔún ví Ɔlolómɛ̄ á Ŋguu-mísɛ.

Biyɛ́ɛ́léné 19:18

á lí dí lí míson mí káísa, mison mí ɓákanʼyɛ milɔŋ mí wélan, mison mí bilóh bí ɓot, mison mí vɔ́si la ɓaɓét-yɔ́-á-lóō, mison mí ɓot bísɛ bí lɛ́ kundɛ la mí mí míyɔ̄ŋ, mison mí ɓatɔ́ga la ɓacɛ́ŋ.»

Biyɛ́ɛ́léné 19:5

Váŋ nɛ́ cíŋ ɛ sɔ́léé á étɔɓé-líkanʼyɛ yu laga nɛ́: «Ɓéghánɛ Ɔlolómɛ̄ wahá, ɓɛ́nɛ ɓaɓɔŋle ɓɛ́ɛ́ bísɛ, ɓatɔ́ga la ɓacɛ́ŋ, ɓɛ́nɛ ɓakɔn nyɛ́ woŋ.»

Biyɛ́ɛ́léné 20:12

La ma mu ɛ́n ɓot ɓá wú, ɓacɛ́ŋ la ɓatɔ́ga bí tɛ́ɛ ɔ́sū ví étɔɓé-líkanʼyɛ; kálati yú vúúlɛ. Kálati etám yu vúúlɛ sīg-pɛ; yɔ nɛ́ ɛ lɛ kálati nyí eniŋ. Bú kááhɛ́ ɓot ɓá wú, mut sig li oŋle la miɓɔŋɔg mɛ́ɛ́, ákaa yá ciiɓɛ́ á kálati.

Biyɛ́ɛ́léné 20:15

Ndí nyɔ́ la nyɔ́ jóō líh cíiɓɛ ɓé á kálati nyí eniŋ ɔ lɛ̄ŋgɓɛ́ á yéŋ ébúle yé nzáan.

Biyɛ́ɛ́léné 22:12

Yésus a byɛ́ nɛ́: «Ɛ́n sig, mag sɔ́ puh eceg, mā-mɛn mag kɛ li wɛɛla lí nsála wáma á wɔ, á lí sála lí mut sig li oŋle la misɔ́n mɛ́ɛ́.