Biyɛ́ɛ́léné 10:1 - Esaa-líat ɛ́ péná

¹ La ma Yohánɛs mu ɛ́n mbimban áŋgɛl etám nyí ɛ ŋgí sɔ́le á lóō; mbaga yu díí yɔ ákaa mbɔ́tí, ǹdum a ɓɛ́ɛ́ nyɛ́ á lóō lí m̀mú ɔ́ŋgɛn ɔtot, asú wɛ́ɛ́ á ŋgí paa ákaa vaŋgá, mikoo mɛ́ɛ́ mí ɓɛ́ɛ́ ákaa mikɔŋgɔ mí nzáan.

Biyɛ́ɛ́léné 10:1 ပူးပေါင်းရင်းမြစ်များ

Matéus 17:2

Váŋ nɛ̄ a vēŋ á miíh máɓá, asú wɛ́ɛ́ wú páa kaa vaŋgá, mbɔ́tí yɛ́ɛ́ yú púú nɛ pɛ́ŋ kaa mipúú.

Lúkas 21:27

Váŋ nɛ́ bí ŋga kɛ li ɛ́n lí Mɔɔ́n Mut ag sɔ́léne átē á mbaga, ŋyálāg la ŋguu, la lipém.»

Misɔ́n mí Ɓáōmɓɛ 26:13

Á káísa, múŋ á nzen, mam mí kɔsi, nzámuh ɛg paa ŋkam, váŋ nɛ́ ma ɛ́n mipúú míg sɔ́le á lóō, míg paa li loo lí vaŋgá, mú bútyɛ́ ma la elɔŋ yáma dúwɛ la ŋguu epaa.

Biyɛ́ɛ́léné 1:7

Léɓyán sig, ag kɛ li sɔ́ até á mbaga; joó nɛ́ diíh líg kɛ nyɛ́ li ɛ́n, nlemlem la ɓá bísɛ ɓá ól nyɛ́, ɓot bí mílōmɛ mí ŋkɔŋ-á-sí bísɛ bíg kɛ li lee ányúū yɛ́ɛ́. Ɔɔ, ɛ́ ɓɛ́ náŋ!»

Biyɛ́ɛ́léné 18:1

Ma Yohánɛs mu ɛ́n sīg-pɛ áŋgɛl etám ɛg sɔ́le á lóō. Kasig ɛ ɓɛ́ɛ́la likanʼyɛ licɛ́ŋ, sí yu yál la lipém jɛ́ɛ́.

Biyɛ́ɛ́léné 18:21

Váŋ nɛ́ mbimban áŋgɛl ya ɛ nyɔŋɔ́ɔ́ liáá lí ŋgɔg lí ŋga púnan la m̀ɓáláŋ á ekɔglé yé bléya, yu vóó lí sógɛ lí yɔ á túwɛ la li pɔ́t nɛ́: ‹La nlemlem á ŋguu ki nɛ́ bí ŋga kɛ́ li sógɛ lí Babílon, tísɔn ecɛ́ŋ. Bí ŋgá kɛ ɓé pɛ yɔ li ɛ́n.

Biyɛ́ɛ́léné 20:1

La ma Yohánɛs mu ɛ́n áŋgɛl nyí ɛ ŋgí sɔ́le á lóō. Ɛ ɓɛ́ɛ́la ɔdiɓa ví eɓél-écɛ̄hɛ la edidítɛ ɛ́ nsáŋ-á-bícɛɛ á wɔ.

Biyɛ́ɛ́léné 4:3

Nyɔ́ a ɓɛ́ɛ́ a tɔ́ɔ̄ á yéŋ etɔɓé-líkanʼyɛ a ŋgí páa kaa sɛŋgɛ bí ŋga yáŋa nɛ́ yáspe la saldóna. Ǹdum á ŋga páa ákaa tāŋ ŋgɔg bí ŋga yáŋa nɛ́ emelóde wú díí étɔɓé-líkanʼyɛ.

Biyɛ́ɛ́léné 5:2

La ma mu ɛ́n mbimban ángɛl ya ɛg lɛgɛ la elóh cíŋ nɛ: «Ɓaá, nzáá a kɔɔ́ nɛ a kɔ́pɔ́ bí bíɓátan bí ndembye nɛ́ ndí a vúlú nyí kálati é?»

Biyɛ́ɛ́léné 8:13

Váŋ nɛ́ ma ɛ́n hɔ́, la ma mu ámblé ki ŋyogó ág puple á lóō lóō, ag pɔ́t la ŋguu nɛ́: «Eɓéé-nyúū! Eɓéé-nyúū! Eɓéé-nyúū la ɓatɔɓene bí ŋkɔŋ-á-sí eceg yíŋí áŋgɛl ɛ́ŋháa yɔ́g ɛ́ ŋga kɛ́ li ɔ́ŋ lí mísēɓá máɓá!»