Biyɛ́ɛ́léné 1:3 - Esaa-líat ɛ́ péná

³ Misɔ́tá la nyɔ́ a ŋga sɔ́ŋgɔ nyí kálati, elɔŋ la ɓá bí ŋga ámblé biɓaŋgá bí m̀pɔ́tle-a-Ɔlolómɛ̄ ndí ɓá náŋɛ̄ ki yé ya ciiɓɛ́ átē, átɔm nɛ́ eceg yá siŋgle.

Biyɛ́ɛ́léné 1:3 ပူးပေါင်းရင်းမြစ်များ

Matéus 24:15

«Eceg miní ŋga kɛ́ hɔ́ lí ɛ́n lí mut Dániɛl m̀pɔ́tle-a-Ɔlolómɛ̄ a kwɛléé, nyɔ́ a yáŋlɛ́ nɛ Ǹcɛ́hɛ-ɓot a mam mí ŋgāŋá, a tɔ́ɔ̄ á voóm a lɛ mpúán, ǹsɔ́ŋgɔ míŋ mam a sɔ́ŋtánɛ!

Lúkas 11:28

Váŋ nɛ́ Yésus a pélē nɛ: «Misɔ́tá ja la ɓot bí ŋga ámble eɓaŋgá yé Ɔlolómɛ̄ ndí ɓá ōŋlé yɔ.»

Elōg-Lóma 13:11

Ákaa miní ŋga yí yɔɔ́yɔ́ɔ eceg bi byɛɛ́, eceg yé nɛ́ miní vɛɛɓé á ɔ́lɔ̄. Nyí vɔ́ŋɔ́ɔ, lisuŋga lá sīŋglé ɓɛ́ɓɛ ɓɛɓɛ la ɓɛ́hɛ li loo lí á éceg bi ɓōtléé lí yéɓe la Kilístus.

Elōg-Lóma 13:12

Díɓe la kɛ, kítí ɛ lɛ ɓɛ́ɓɛ. Bi cóó hɔ́ mísɔ̄n mí lívito, bi nyɔ̄ŋ bidulé-bí-wélan bí bi ŋga ɓɔ̄ŋle á mípūū.

Pétlos 1 4:7

Lisúg lí mam mísɛ lí lɛ́ ɓɛɓɛ. Niŋán ákaa ɓot bí peg, miníh ɓɛ́ɛ́g ɓé á nlɛndanɛ́ á li ɓɔŋ nɛ́ miní lā li kánɛ.

Pétlos 2 3:8

Á élōgyāŋ yé édiŋ, jam lí lɛ́ já jé manáh nyɛɛ ɓé lí vólanɛ: ányúū Nyɔ́ŋ-Ɛsáŋɛ́, pɔ̄m ɔlɔ́ ya ɛ lɛ́ kaa ɔkóó ví mímbú, ɔkóó ví mímbú ki vú ɓɛ́ kaa pɔ̄m ɔlɔ́ ya.

Biyɛ́ɛ́léné 22:10

Ámbúh náŋ, áŋgɛl yu lága sīg-pɛ ma nɛ́: «Ɔh sɔɔyág ɓé bíɓaŋgá bí ɓápɔ́tle-bí-Ɔ́lolómɛ̄ bí lɛ́ á nyí kálati, átɔm nɛ́ eceg yá siŋgle.

Biyɛ́ɛ́léné 22:12

Yésus a byɛ́ nɛ́: «Ɛ́n sig, mag sɔ́ puh eceg, mā-mɛn mag kɛ li wɛɛla lí nsála wáma á wɔ, á lí sála lí mut sig li oŋle la misɔ́n mɛ́ɛ́.

Biyɛ́ɛ́léné 22:20

Mut a ŋga yígyɛ mí mam ag laga nɛ́: «Ɔɔ, mag sɔ́ puh eceg.» Ɛ́ ɓɛ́ náŋ, sɔ́ɔ́g Ɛtáŋɛ Yésus!

Biyɛ́ɛ́léné 3:11

Mag sɔ́ puh eceg. Yoóm ɔ byɛ́ɛ̄, byeé yɔ́ m̀ɓɛɛŋ á lí ɓɔŋ nɛ́ mut tɔ wa ah nyɔŋlégé ɓé wa ɔ́tot vɔ́ɔ ví ǹdí-cíŋ.