Biyɛ́ɛ́léné 1:10 - Esaa-líat ɛ́ péná

¹⁰ M̀búl a nyɔ̄ŋ ma á ɔlɔ́ ví éɓégɛ ví Nyɔ́ŋ-Ɛsáŋɛ́, la ma mu ámblé cíŋ ecɛ́ŋ ɛg lón á mbúh yáma ákaa nséɓá.

Biyɛ́ɛ́léné 1:10 ပူးပေါင်းရင်းမြစ်များ

Matéus 22:43

Yésus ɔ lāgá ɓɔ̄ nɛ́: «Nɛ́-láá hɔ́ Dávid ŋyálāg la M̀búl Mpúán a ŋga yáŋá nyɛ́ nɛ́ Nyɔ́ŋ-Ɛsáŋɛ́ eceg a ŋga lága nɛ́:

Yohánɛs 20:19

Á ŋgōgó nyí víŋ ɔlɔ́ ví ɔ́sū ví nzamɛ́, kasig ɓayége bí ŋgí kɔn ɓakanʼyɛ bí Élōg-Yúda woŋ, bú kwɛ́hɛ̄ míkooká mísɛ ápah bí ɓɛ́ɛ́ bí kɔ̄tánɛ. Yésus ɔ pámlé ɓɔ, ɔ tɛ́lɛ́ á m̀mím wáɓá, aá la ɓɔ́ nɛ́: «Nsaŋ á ɓɛ́ la ɓɛ́nɛ!»

Yohánɛs 20:26

Ámbúh alɔ́ mwaam, ɓayége bú kɔ̄tán sīg-pɛ á nlemlem á ndáá elɔŋ la Tómas. Yésus ɔ pámlé ɓɔ, mikooká mísɛ ŋkwɛɛ́hkɛ́gɛ, ɔ tɛ́lɛ́ á m̀mím wáɓá aá la ɓɔ́ nɛ́: «Nsaŋ á ɓɛ́ la ɓɛ́nɛ.»

Misɔ́n mí Ɓáōmɓɛ 20:7

Á ɔlɔ́ ví ɔsú ví nzamɛ́, bu kɔ̄tán á lí kaan lí ékɔgá. Sɔ́kágánɛ́ Póol a ŋgí kɛ la kítí, ɔ kwɛ́lɛ ndog ɓayéɓe li pám ɓɛɓɛ la m̀mím á áū.

Elōg-Kɔlínto 1 12:3

Ányúū náŋ nɛ́ mi ŋga yíhɛ ɓɛ́nɛ nɛ́, mut la mut a ŋga pɔ́t la ŋguu nyí M̀búl á Ɔ́lolómɛ̄ a ŋgá yó ɓé nɛ: «Eɓómá la Yésus!» Mut tɔ wa ki a ŋgá la ɓé lí laga nɛ́: «Yésus a lɛ Nyɔ́ŋ-Ɛsáŋɛ́» kíyáɓɛ́nɛ M̀búl Mpúán a sē ɓé la nyɛ́.

Elōg-Kɔlínto 1 16:2

Á ɔ́lɔ̄ ví ɔ́pug ví nzamɛ́ sig, mut sig a ɓāg yé a lā lí naŋɛ á lí ɓɔŋ nɛ́ bíh laaŋkégé ɓé mísɔ̄ máma nɛ́ ndí bí kómānɛ míkaale.

Biyɛ́ɛ́léné 17:3

Váŋ nɛ́ m̀búl Ɔ́lolómɛ̄ a nyɔ̄ŋ ma, áŋgɛl yu kɛ́la ma á éyāŋ. La ma mu ɛ́n míndīgá wa a tɔ́ɔ̄ á lóō lí tít ɛ ŋga yōgɓe la avɛɛ, nyí mímú nzambúwá la jóom lí míɓēg, nyuú yɛ́ɛ̄ ɛsɛ̄ ɛ ɓɛ́ɛ́la moó bí ŋga vɔ́ɔ́léne Ɔlolómɛ̄.

Biyɛ́ɛ́léné 21:10

M̀búl ɔ nyɔ̄ŋ ma, áŋgɛl yu kɛ́la ma á lóō lí m̀ɓáláŋ á ɔ́kolá ví lɛ́ á lóō lóō, la yɔ yu étɛ́ ma tísɔn epúán, Yelúsalɛm nyí ɛ ŋgí sɔ́lé á lóō, á yóg Ɔlolómɛ̄.