Misɔ́n mí Ɓáōmɓɛ 8:12 - Esaa-líat ɛ́ péná

¹² Ndí, ɛnɛ́ ɓá yéɓé Pɔ́l M̀ɓɛɛŋ nyí Likanʼyɛ lí Ɔ́lolómɛ̄, la joó lí Yésus Kilístus Filípo a ŋgí lɛgɛ ɓɔ́, páam la ɓondígá bú kūh nzóɓan.

Misɔ́n mí Ɓáōmɓɛ 8:12 ပူးပေါင်းရင်းမြစ်များ

Matéus 28:19

Kɛnán á mílōm mísɛ, miní yáanɛ́ ɓot ɓayége ɓáma. Tíán ɓɔ́ nzóɓan á jóō lí Ɛ́sāŋɛ́, la Mɔɔ́n, la M̀búl Mpúán.

Lúkas 9:2

Ɔ óm ɓɔ li camanɛ lí pɔ́l Likanʼyɛ lí Ɔlolómɛ̄, la li tɔɔyɛ lí ɓot mbólí.

Lúkas 9:60

Ndí Yésus aá la nyɛ́ nɛ́: «Mwahɛ́ mimbim mí jé mimbim máɓá, ndí wa, kɛɛ́n lɛ̄gɛ́ pɔ́l Likanʼyɛ lí Ɔ́lolómɛ̄.»

Misɔ́n mí Ɓáōmɓɛ 1:3

Ákaa ɛ́sɛ, ɓɔ́ nɛ́ a pámléé ámbúh bisɔghe byɛ́ɛ́, á lí étɛ lí ɓɔ á patí ɛ́sɛ nɛ́ a lɛ á éniŋ. Múŋ á míŋ muúmínáa mí álɔ̄, ɔ pámlé ɓɔ, ɔ máŋlɛ́ ɓɔ mam mí Líkanʼyɛ lí Ɔ́lolómɛ̄.

Misɔ́n mí Ɓáōmɓɛ 11:20

Jogo jáɓá lí ɓɔ́ɔ̄n bí Kípele la ɓá bí Siléna, ɛnɛ́ ɓá pám á Antiókia, bú ɓōtlé li lɛgɛ lí ɓɔ́ɔ̄n bí Gelékia Pɔ́l M̀ɓɛɛŋ nyí Nyɔ́ŋ-Ɛsáŋɛ́ Yésus.

Misɔ́n mí Ɓáōmɓɛ 18:8

Kilípus nyɔ́ a ɓɛ́ɛ́ ŋ̀kanʼyɛ a nyíŋ ndáá-miɓomán, ɔ yéɓe la Nyɔ́ŋ-Ɛsáŋɛ́, nyɛ́ la ndáá yɛ́ɛ́ ɛ́sɛ. Ɛnɛ́ ŋgandag ɓot bí Kɔlínto ki ɓá ámblé Póol ag pɔ́t, bú yaán ɓayéɓe la ɓɔ́ bú kūh nzóɓan.

Misɔ́n mí Ɓáōmɓɛ 19:5

Ɓot bú ámblé bíŋ biɓaŋgá bí Póol la ɓɔ́ bú kūh nzoɓan á joó lí Nyɔ́ŋ-Ɛsáŋɛ́ Yésus.

Misɔ́n mí Ɓáōmɓɛ 2:38

Pétlos ɔ pélē ɓɔ́ nɛ́: «Miní vēŋé bilɛ́m, mut sig ki á élɔŋ yáná a kūh nzoɓan á joó lí Yésus Kilístus ányúū elaakɛ-miɓé mɛ́ɛ́, la náŋ miníg kɛ li kuh lí M̀búl Mpúán kaa likaale.

Misɔ́n mí Ɓáōmɓɛ 2:41

Ɓáŋ bísɛ bí yéɓyéé yéŋ eɓaŋgá yɛ́ɛ́ bú kūh nzóɓan. Víŋ ɔlɔ́, jam-kaa akóó á ɓot áŋháa wú byáŋ élɔŋ la ɓɔ́.

Misɔ́n mí Ɓáōmɓɛ 20:21

Mbóŋ yáma ya yíglé ɓɔ́ɔ̄n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda nɛ́ bí vēŋé bílɛ̄m la ɓɔ́ bí yéɓé Ɛtáŋɛ wahá Yésus.

Misɔ́n mí Ɓáōmɓɛ 20:25

Li ɓotle nyí vɔ́ŋɔ́ɔ, mag yí m̀ɓɛɛŋ m̀ɓɛɛŋ nɛ́, ɓɛ́nɛ bísɛ ɓá ma lóolé á lí lɛgɛ lí Likanʼyɛ lí Ɔlolómɛ̄, miní ŋgá ɛ́n ɓé pɛ asú wáma.

Misɔ́n mí Ɓáōmɓɛ 28:31

A ŋgí lɛgɛ pɔ́l Likanʼyɛ lí Ɔ́lolómɛ̄, ɔ ɓɛ́ ki mbáki la yé a ŋgí yéglɛ likɔlɓan la Nyɔ́ŋ-Ɛsáŋɛ́ Yésus Kilístus la kundɛ yɔ ɛsɛ̄.

Misɔ́n mí Ɓáōmɓɛ 5:14

Táŋga nyí ɓayéɓe Nyɔ́ŋ-Ɛsáŋɛ́, páam la ɓondígá ɛ ŋgí ɓét bí lí ɓét.

Misɔ́n mí Ɓáōmɓɛ 8:4

Ɓáŋ ɓot bí cāmáán pɛ́ɛ́ ɛsɛ̄ bí ŋgí kɛ nyɔ́ voóm ámbúh nyɔ́ŋɔ́, bíg lɛgɛ Pɔ́l M̀ɓɛɛŋ.

Elōg-Lóma 10:10

Ákaa ɛ́sɛ, tɔ nzáá a ŋga yéɓe á m̀mím wɛ́ɛ́, Ɔlolómɛ̄ ag tɛ́ɛ́ nyɛ́ sim, tɔ nzáá ki a ŋga páha ŋyéɓé wɛ́ɛ́, ag kɛ li suŋɓɛ.

Elōg-Kɔlínto 1 11:11

Á mbálɛ, bí ŋgá nyɛ́ɛ ɓé lí ɓága lí míndīgá la páam, tɔ li ɓága lí páam la mindígá ɔ́sū ví Nyɔ́ŋ-Ɛsáŋɛ́.

Elōg-Gálátia 3:28

La náŋ, ɛ́ ŋgá ɓɛ́ ɓé pɛ nɛ́: mɔɔ́n Élōg-Yúda nyɔ́, tɔ nɛ́ mɔɔ́n Élōg-Gelékia nyɔ́; ɛ́ ŋgá ɓɛ́ ɓé pɛ nɛ́: ŋyɔ́ŋ nyú, tɔ nɛ́ kundɛ-mut nyí; páam nyí tɔ nɛ́ mindígá nyɔ́; átɔm nɛ́ ɓɛ́nɛ bísɛ maná yaán jā mut wa á ŋ̀atanɛ́ la Yésus Kilístus.

Pétlos 1 3:21

Mɔ́ nɛ́ mi ɓɛ́ɛ́ ndembye nyí nzoɓan nyí ɛ ŋga sūŋ ɓɛ́nɛ nyí lɛn, nyí ɛ ŋgá púɛ ɓé mbindo nyí nyúū, ndí nyí ɛ lɛ́ bisúghɛ́nɛ́ bí mut a byɛɛ́ miɔ́ŋɔ miláám á lí oŋ lí Ɔlolómɛ̄. Nyíŋ nzoɓan nɛ́ ɛ ŋga sūŋ ɓɛ́nɛ li kele la lipahye lí Yésus Kilístus,