Misɔ́n mí Ɓáōmɓɛ 7:37 - Esaa-líat ɛ́ péná

³⁷ Nyɛ́ Móse nɛ́, a lāgá ɓɔ́ɔ̄n bí Íslāɛl nɛ́: ‹Ɔlolómɛ̄ ag kɛ ɓɛ́nɛ li pámɛ lí m̀pɔ́tle-a-Ɔlolómɛ̄ ákaa ma átē á linyaŋ jáná.›

Misɔ́n mí Ɓáōmɓɛ 7:37 ပူးပေါင်းရင်းမြစ်များ

Matéus 21:11

Limut lú pélē nɛ: «Yésus, m̀pɔ́tle-a-Ɔlolómɛ̄ nyɔ́ŋ, mbyááhɛ nyí tísɔn Názalɛt á Galiléa.»

Málkus 9:7

Mbaga yu sūh, yu bútyɛ́ ɓɔ́, váŋ nɛ́ cíŋ ya pámléné múŋ á nyíŋ mbaga, yu yó nɛ: «Nyɔ́ nɛ́ a lɛ édidíŋɛ yáma Mɔɔ́n, miní óglé nyɛ́!»

Lúkas 9:35

Váŋ nɛ́ cíŋ ya pámléné muŋ á nyíŋ mbaga, yu yó nɛ: «Nyɔ́ nɛ́ a lɛ̄ Mɔ́ɔ̄n wama, nyɔ́ ma pɔ́hɔ, miní óglé nyɛ́!»

Yohánɛs 18:37

Piláto ɔ lága nyɛ nɛ́: «Ɔ lɛ hɔ́ káísa é?» Yésus ɔ pélē nyɛ nɛ́: «Wa nɛ́ ɔ ŋgɔ yó nɛ́ mi lɛ káísa. Ma byáa, mu sɔ́ á ŋkɔŋ-á-sí á lí tíi lí mbóŋ ányúū mbálɛ. Tɔ nzáá a lɛ mut a mbálɛ ag ámble yé mi ŋga lága.»

Misɔ́n mí Ɓáōmɓɛ 7:38

Nyɛ́ Móse nɛ́, eceg lilóm lí Íslāɛl lí ɓɛ́ɛ́ lá kɔ̄tán á éyāŋ, a ŋgí tɛ́lɛ á póla ɓatáŋɛ ɓáhá la áŋgɛl, nyí ɛ ŋgí kwɛlɛ nyɛ́ á ɔ́kolá ví Sinái. Nyɛ́ nɛ́ a lɛ́gléé biɓaŋgá bí éniŋ á lí tíi lí ɓɛ́hɛ byɔ́.