Misɔ́n mí Ɓáōmɓɛ 5:41 - Esaa-líat ɛ́ péná

⁴¹ Ɓaómɓɛ bú ɓógó la mivag ɔ́sū ví ɔ́ku-vicɛ́ŋ-ví-bíkāāhɛ́nɛ́, nɛ́ Ɔlolómɛ̄ a ɛ́n nsɛ́ŋ nɛ bí téeŋgɛ́ ɓɔ́ á jóō lí Yésus.

Misɔ́n mí Ɓáōmɓɛ 5:41 ပူးပေါင်းရင်းမြစ်များ

Lúkas 6:22

Misɔ́tá la ɓɛ́nɛ eceg ɓot bí ŋga síŋgɛ ɓɛ́nɛ, eceg bí ŋga pún ɓɛ́nɛ, tɔ eceg bí ŋga óŋo ɓɛ́nɛ, la li túú lí ɓɛ́nɛ joó líɓē, ányúū nɛ, miní byɛ́ɛ ŋyéɓé la Mɔɔ́n Mut.

Yohánɛs 15:21

Bíg kɛ ɓɛ́nɛ li ɓɔŋ lí bíŋ bísɛ á njɔm joó jáma, átɔm nɛ́ bí ŋgá yí ɓé nyɔ́ a óm ma.

Misɔ́n mí Ɓáōmɓɛ 21:13

Ndí, nyɛ́ ɔ pélē ɓɛ́hɛ nɛ́: «Ányúū yéé miní ŋga ɓɔ́tɛ ma m̀mím la liwú jáná é? Má, mag yéɓe nɛ́ mi kágɓɛ́ɛ, mi wúēlé ki á Yélūsalɛm á joó lí Nyɔ́ŋ-Ɛsáŋɛ́ Yésus.»

Misɔ́n mí Ɓáōmɓɛ 5:21

Ɓaómɓɛ bú óglé áŋgɛl. La miyɛ́ mí kítí, bú kɛ á ndáá-ēcɛ́ŋ-Ɔlolómɛ̄, li pám wóŋ, bu ɓōtlé lí yéglɛ. Ɛnɛ́ ŋ̀kanʼyɛ ǹcɛ́ŋ a ɓatíi-nsúlé la elɔŋ yɛ́ɛ́ ɓá sɔ́, bú tɔ́ɔyɛ́ ɔ́ku-vicɛ́ŋ-ví-bíkāāhɛ́nɛ́, ví ví lɛ́ étɔ yé ɓácɛ̄ŋ bí ɓɔ́ɔ̄n bí Íslāɛl, la ɓɔ́ bú óm nɛ bí nyɔ̄ŋ ɓaómɓɛ á ndáá-m̀ɓog bí sɔ́la ɓɔ́.

Elōg-Lóma 5:3

Li loo náŋ ki, tɔ eceg bi lɛ átē a ndutu biíg yáta, ányúū nɛ́ biíg yí nɛ́ ndutu ɛg sɔ́la kɔkɔ.

Elōg-Kɔlínto 2 12:10

Jɔ́ hɔ́ nɛ́ mi ŋga kɔ̄n mivag átē a áɓɔt, átē a mióó, á mam bí ŋga kágyɛ ma, á ndútu la mitaka ányúū Nyɔ́-a-Pɔ́hlɛ! Átɔm nɛ́ eceg mi lɛ̄ ntɔt, váŋ hɔ́ nɛ mi byɛ́ɛ́ ŋguu.

Elōg-Fílípi 1:29

Ákaa ɛ́sɛ, Ɔlolómɛ̄ a tí ɓɛ́nɛ likaale nɛ́ miní yéɓé la Nyɔ́-a-Pɔ́hlɛ, ah jɔ́-ntámɛ́ ɓé ja, ndí la li sɔghe ányúū yɛ́ɛ̄ ki.

Elōg-Hébɛl 10:34

Ákaa ɛ́sɛ, maná nyɔ̄ŋ ŋgaan á bísɔghe bí ɓot-bí-míɓog, munú yéɓé ki la mivag nɛ́ bí nyɔŋlé ɓɛ́nɛ miɓɛɛŋ máná, átɔm nɛ́ miníg yí nɛ́, miní byɛ́ɛ míɓɛɛŋ mí má loohán bílɔ́ŋgɔ li loo lí mīŋ, mí mí ŋga man ɓé.

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Yákop 1:2

Á élōgyāŋ, miní ɔ́hánɛ miceglan mísɛ mí ŋga pámle ɓɛ́nɛ la m̀mím á mívag.

Yohánɛs 3 1:7

Ákaa ɛ́sɛ, ányúū jóō lí Kilístus nɛ́ ɓá nyɔ̄ŋ duwɛ ɛ́h ɓɛ́ ɓé ɓɔ́ li ɓāt lí ɓot ɓáh yéɓé ɓé la Ɔlolómɛ̄ jam tɔ já.