Misɔ́n mí Ɓáōmɓɛ 5:31 - Esaa-líat ɛ́ péná

³¹ Nyɛ́ nɛ́ Ɔlolómɛ̄ a ɓétɛ́ á lóō la ŋguu yɛ́ɛ̄, ɔ tɛ́ɛ́yɛ́ nyɛ kaa Ŋ̀kanʼyɛ la Ǹsuŋ, á lí ɓɔŋ nɛ́ lilóm lí Íslāɛl lí vēŋé bilɛ́m la jɔ́ lí kuh elaakɛ-miɓé.

Misɔ́n mí Ɓáōmɓɛ 5:31 ပူးပေါင်းရင်းမြစ်များ

Matéus 1:21

Ag kɛ li byál lí mɔ́ɔ̄n-á-páam, nyɔ́ ɔ ŋgɔ kɛ̄ li lo lí jóō nɛ́ Yésus, ányúū nɛ nyɛ́ nɛ́ a ŋga kɛ́ li suŋ lí lílōm jɛ́ɛ́ á míɓē.»

Matéus 28:18

Yésus ɔ sīŋglé ɓɔ á ŋgwáāg, ɔ lāgá ɓɔ̄ nɛ́: «Ŋguu ɛsɛ̄ ya tíéɓɛ́ ma á sí la á lóō.

Málkus 2:10

Jɔ́ hɔ́ nɛ, yíán nɛ́ Mɔɔ́n Mut a byɛ́ɛ́ ŋguu nyí li laakɛ lí míɓē á ŋkɔŋ-á-sí» Yésus ɔ lága hɔ́ éɓōg-mut nɛ́:

Málkus 4:12

Á lí ɓɔŋ nɛ́ bí légɓé ɛ́h ɓɛ́ ɓé ɓɔ́ li ɛ́n, bíg ámblé ɛ́h ɓɛ́ ɓé ɓɔ́ li sɔ́ŋtánɛ, a lí ɓɔŋ nɛ́ bíh támág ɓé áɓē wáɓá, bí vēŋ bílɛ̄m nɛ́ Ɔlolómɛ̄ a laakɛ avuha wáɓá.»

Lúkas 2:11

Ǹsuŋ a byáa nyí lɛn á tísɔn nyí Dávid, a lɛ Nyɔ́-a-Pɔ́hlɛ, Nyɔ́ŋ-Ɛsáŋɛ́.

Lúkas 24:47

Á jóō jɛ́ɛ́, bíg kɛ li lɛgɛ lí Pɔ́l M̀ɓɛɛŋ, ányúū mveŋghanɛ́ a bilɛ́m la elaakɛ-miɓé á mílōm mísɛ, li ɓotle á Yélūsalɛm.

Yohánɛs 4:42

La ɓɔ́ bú lāgá nyɔ́ mindígá nɛ: «Ah ányúū li laglag jɔ́ɔ jɔ́-ntámɛ́ ɓé pɛ nɛ́ bi ŋga yéɓé, ndí ányúū nɛ ɓɛ́hɛ-mɛ̄n ɓaá ámblé nyɛ, biíg yí kɔɔ la mbálɛ nɛ́ nyɛ́ nɛ́ a lɛ Ǹsuŋ ɓot bí ŋkɔŋ-á-sí.»

Misɔ́n mí Ɓáōmɓɛ 11:18

Ɛnɛ́ ɓot ɓá ámblé bíŋ biɓaŋgá, bú tɔ́ɔ̄ pií, bú ɓōtlé lí ɓégɛ lí Ɔ́lolómɛ̄ la li laga nɛ́: «Ɛ́ lɛ́ mbálɛ, Ɔlolómɛ̄ a tí ki milóm mí sē ɓé mí mí Élōg-Yúda póla nɛ́ mí vēŋé bílɛ̄m la mɔ́ mí kuh eniŋ éɓem.»

Misɔ́n mí Ɓáōmɓɛ 13:23

Átē a mbota yɛ́ɛ̄ nɛ, Ɔlolómɛ̄ a pámhɛ́nɛ́ Yésus kaa Ǹsuŋ nyɔ́ a Íslāɛl li oŋle la mikakanɛ a tíéé.

Misɔ́n mí Ɓáōmɓɛ 2:33

Ɔlolómɛ̄ ɔ ɓétɛ nyɛ á m̀ɓɛ́nlómɛ wɛɛ́, Ɛsáŋɛ́ ɔ tí nyɛ M̀búl Mpúán a kakáánɛ, nyɛ́g ɔ kúúlé ɓɛ́hɛ wɔ́, kaa miní lɛ́ lí ɛ́n la li ámble.

Misɔ́n mí Ɓáōmɓɛ 2:36

Ɓɛ́nɛ lilóm lí Íslāɛl lísɛ, maná nyɛ́ɛ li yí la mbálɛ nɛ́, nyɔ́ Yésus maná tomó á mbásá, Ɔlolómɛ̄ a ɓɔ̄ŋ nɛ a ɓɛ́ Nyɔ́ŋ-Ɛsáŋɛ́ la Nyɔ́-a-Pɔ́hlɛ.»

Misɔ́n mí Ɓáōmɓɛ 2:38

Pétlos ɔ pélē ɓɔ́ nɛ́: «Miní vēŋé bilɛ́m, mut sig ki á élɔŋ yáná a kūh nzoɓan á joó lí Yésus Kilístus ányúū elaakɛ-miɓé mɛ́ɛ́, la náŋ miníg kɛ li kuh lí M̀búl Mpúán kaa likaale.

Misɔ́n mí Ɓáōmɓɛ 3:15

Ŋ̀kanʼyɛ a eniŋ nyɔ́ maná ólhānɛ, Ɔlolómɛ̄ a pāhyɛ́ nyɛ á póla ɓá ɓá wū, bi lɛ mbóŋ míŋ mam.

Misɔ́n mí Ɓáōmɓɛ 3:19

Miní vēŋé hɔ́ éniŋ, miní tímān la Ɔlolómɛ̄, á li ɓɔŋ nɛ́ a láákɛ́ miɓé máná.

Misɔ́n mí Ɓáōmɓɛ 3:26

Ányúū yaná nɛ Ɔlolómɛ̄ a dúgú lí pámɛ lí m̀ɓɔŋle wɛɛ́, ɔ óm nyɛ á lí lómbo lí ɓɛ́nɛ, la li ɓógtɛ lí wa sig á míɓē mɛ́ɛ́.»

Misɔ́n mí Ɓáōmɓɛ 4:11

Nyɔ́ŋ Yésus nɛ́ a lɛ ŋgɔg nyí, ɓɛ́nɛ ɓaóŋ ndáá maná ɓen, yɔ nɛ́ ya tímān lí ɓɛ́gɛ lí ndáá.

Elōg-Kɔlínto 2 2:10

Nyɔ́ la nyɔ́ miní ŋga laakɛ, mág mag laakɛ nyɛ́. Kíyáɓɛ́nɛ má, mag laakɛ á ɔ́vega ví mā lā lí laakɛ, náŋ a mɓɛ́ ányúū yāná ɔsú ví Nyɔ́-a-Pɔ́hlɛ,

Elōg-Éféso 1:7

La micii mɛ́ɛ́ nyɛ́ Yésus Kilístus nɛ́ ɓaá kɔplɛ. Á ŋ̀atanɛ́ la nyɛ́ nɛ́ ávuha wáhá wá kūh élaakɛ kasig Ɔlolómɛ̄ a lóohán lí ɓɛ́ lí elɔ́ŋgɔ.

Elōg-Fílípi 3:20

Ndí ɓɛ́hɛ, bi lɛ̄ ɓɔ́ɔ̄n bí ékombo ɛ́ lōó. Bi lɛ á nlaaŋkán nɛ Nyɔ́ŋ-Ɛsáŋɛ́ Yésus Kilístus ag sɔ́léne wóŋ ákaa ǹsuŋ.

Elōg-Kólóso 1:14

Á ŋ̀atanɛ́ la nyɔ́ŋ Mɔ́ɔ̄n wɛ́ɛ̄ nɛ ɓaá ɓógó á ŋgatka miɓé, miɓé máhá ki mú kūh élaakɛ.

Títo 1:4

Wa hɔ́ nɛ mi ŋga cíile á Títo, taŋ yama mɔɔ́n átē a ŋyéɓé nyú wá at ɓɛ́hɛ. Ɔlolómɛ̄ Etāa la Yésus Kilístus Ǹsuŋ wahá bí lómbó wa, bí tí ki wā nsaŋ.

Títo 2:10

tɔ li yííle lí ɓɔ. Ndí, á tɔ yɔɔ́yɔ́ɔ eceg, mí étɛ́ nɛ́ míg ógle ɓɛɛ́n ɓáɓá m̀ɓɛɛŋ ŋgandag, ányúū lí tíi lí ádit á mam mísɛ mí Ɔ́lolómɛ̄ Ǹsuŋ wahá bí ŋga yéglɛ ɓɔ́.

Títo 2:13

á nlaaŋkán á mísɔ̄tá bií ŋga pītye, la lipém lí ŋga kɛ́ li ɛ́ni jé lí Loó lí míloó nyɔ́ a lɛ Ǹsuŋ wahá Yésus Kilístus.

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Elōg-Hébɛl 2:10

Ákaa ɛ́sɛ, Ɔlolómɛ̄ nɛ a vēg jóō nɛ́ jam, jam sig ki lú ɓɛ́ ɛjɛ́ɛ́. Kóó yɛ́ɛ̄ ɛ lɛ́ nɛ́ ɔbul ví ɓot ví yaan ɓɔɔ́n ɓɛ́ɛ́ la ɓɔ́ bí nyɔŋ ŋgaan á lípēm jɛ́ɛ́. Kaa Yésus nɛ́ a ŋgí nyɛɛ li ɓɔŋ nɛ́ bí sūŋɓɛ̄, ɛ́ ŋga sōmlɛ nɛ́ la bisɔghe byɛ́ɛ́ a ŋga kuh, a ɓɛ́ nyɔ́ a kɔɔ́ ɓɔ́ lí suŋ.

Pétlos 1 3:22

nyɔ́ a ɓét á loó, ɔ tɔ́ɔ á m̀ɓɛ́nlómɛ a Ɔlolómɛ̄, ápah áŋgɛl, mikanʼyɛ mitám la ŋguu ɛ́ lɛ á lōó bí lɛ́ á sí likanʼyɛ jɛ́ɛ́.

Pétlos 2 1:1

Ma Símɔn Pétlos, m̀ɓɔŋle la ŋ̀ómɓɛ á Yésus Kilístus, mag ciile ɓɛ́nɛ ɓáŋ bísɛ maná kuh taŋ ŋyéɓé kaa ɛwáhá, li kele la etɛ́l-sim yé Yésus Kilístus nyɔ́ a lɛ Ɔlolómɛ̄ la Ǹsuŋ wahá.

Pétlos 2 1:11

Náŋ hɔ́ nɛ̄ Ɔlolómɛ̄ a ŋga kɛ́ ɓɛ́nɛ li tíi lí kundɛ li níŋgi lí yɛmɛ́ á Líkanʼyɛ jé lí ŋgá cɛ́ ɓé jé lí Ɛ́tāŋɛ la ǹsuŋ wahá Yésus Kilístus.

Pétlos 2 2:20

Kí yá ɓɛ́ kɔɔ nɛ́, ɓá pún mam mí nyɛgá mí ŋkɔŋ-á-sí, eceg ɓá yí Yésus Kilístus Ɛtáŋɛ wahá la ǹsuŋ wahá, ndí ɓá tímān átē sīg-pɛ, má nyɔ̄ŋ ɓɔ m̀mím, eɓɛ́lé yáɓá ɛ́g kɛ li ɓéé lí loo lí yé ɛ́ ŋgele ɔsú.

Pétlos 2 3:18

Ndí, miní kondyé lí náŋ átē a mikaale la átē a eyí ɛ́ Nyɔ́ŋ-Ɛsáŋɛ́ la ǹsuŋ wahá Yésus Kilístus. Eɓégɛ ɛ́ ɓɛ́ la nyɛ́ li ɓotle lá vɔ́ŋɔ́ɔ nɛ́-tɛ́ɛla á éɓem. Ɛ́ ɓɛ́ náŋ!

Yohánɛs 1 4:14

Ɓɛ́hɛ, ɓaá ɛ́n, biíg tíi nyíŋ mbóŋ nɛ́ Etāa a óm Mɔ́ɔ̄n wɛ́ɛ̄ kaa Ǹsuŋ ŋkɔŋ-á-sí.

Yúde 1:25

nyɛ́ nɛ́ a lɛ pɔm Ɔlolómɛ̄ Ǹsuŋ wahá, nyɔ́ a loolé la Yésus Kilístus Ɛtáŋɛ wahá. Lipém, adit, ŋguu la ekanʼyɛ bí ɓɛ́ɛ́ la nyɛ́ li ɓotle á kwakwáŋɛ, bí lɛ́ la nyɛ́ nyí vɔ́ŋɔ́ɔ, bíg kɛ ki li ɓɛ́ la nyɛ́ nɛ́-tɛ́ɛla á éɓem. Ɛ́ ɓɛ́ náŋ!

Biyɛ́ɛ́léné 1:5

la Yésus Kilístus ki, ǹtíi mbóŋ Ɔlolómɛ̄ á nyaa ɛ tɛ́ɛ́, mut ɔsú nɛ a páhyé á póla ɓá ɓá wū la ŋ̀kanʼyɛ káísa yí ŋkɔŋ-á-sí Kilístus a lɛ nyɔ́ a ŋga diŋ ɓɛ́hɛ, nyɔ́ a ɓógtɛ́ ɓɛ́hɛ á áɓē wáhá li kele la micii mɛ́ɛ́,